Camsillafu'n difrïo maes-e

[brenin alltud]

Er y bydda i mewn peryg o swnio fel rhyw hen deyrn ieithyddol fan hyn, ma'n rhaid i mi ofyn, Nic, a yw'n bosib cywiro rhywbeth sy' wedi'i gamsillafu mewn pwnc newydd?!

Yn 'y marn bach i, mae'n gostwng safon a chrebwyll y maes, gan bod lot o'r rhai sy'n edrych (busnesa) ar edefyn yn meddwl mai felna mae sillafu'r peth, gan olygu bod yr iaith yn dirywio yn y pen draw!

Dwi'n ymateb yn benodol i'r edefyn ar felinau gwynt... ac mae'r teitl yn dal i ddweud 'melinnau'. Dw i wedi rhoi 'marn yno, ond meddwl o'n i be' yw'r ffordd ore i gywiro pethe fel hyn, sy'n cael eu gweld gan gannoedd o Gymry Cymraeg, diolch i lwydddiant ysgubol Maes-e.

Cais bach caredig yw hwn; dw i ddim yn meddwl unrhyw beth personol na chas wrtho!! Sori am bregethu fel hen wrach

[Clarice]

I beth?
Mae digon o bobol yn teimlo'n ansicr wrth sgrifennu Cymraeg fel ma hi heb bod na bobol eraill yn cywiro eu hiaith nhw. Cyfathrebu yw'r peth pwysig!
Rhyddid i camtreiglo!

[Geraint]

Ie, ma rhai o ni efo trwyddeg i camtreiglo! (ar gael ym marchnad sblot)

O ddifri, ma na lawer o ni yn heb cael unrhyw addysg/hyfforddaint/cywiriad yn ein iaith ers gadael ysgol! Sut ddiawl da chi fod wybod os oes un neu dau 'n' mewn gair?

Dwi'n meddwl fod en iawn i'r iaith allu ddatblygu ffordd ysgrifen(n)ol, sy'n adlewyrchu ein Cymraeg lafar.

[brenin alltud]

Meddwl o'n i am gywiro teitlau'r pynciau'n unig - a pharhau'r safon uchel mae Nic wedi'i osod wrth gyfieithu holl becyn y meddalwedd i ddechrau!

Dyw e ddim yn digwydd yn aml o gwbl, ond jyst pan ma na fistec amlwg iawn o'n i'n feddwl.

Ma safon iaith pawb yma'n anhygoel o dda digwydd bod.

O, dw i'n dyfaru dweud dim!

[Geraint]

Mae'n iawn BA, mae hi ddiddorol wedi steil iaith yn ddatblygu ar y maes ddo. Falle mae neges preifat i Nic neu cymedrolwr y seiat fydde'r ffordd gorau i ofyn am newid/cywiriad.

[brenin alltud]

OK - diolch, os ma hynny'n iawn ganddyn nhw!

[Gruff Goch]

Re: Melinau / Melinnau

Mae'nn henn bryd i nni gael gwared ar y blinncin 'n' ddwbwl ynna beth bynnnnag

[nicdafis]

Iawn, dw i wedi newid, ac wedi dileu y negeseuon a oedd yn torri ar draws y trafodaeth diddorol sy'n datblygu yn yr edefyn.

Tro nesa, er mwyn wybodaeth, byddai neges i awdur yr edefyn, neu i fi, yn lot well na dat-reilio'r holl edefyn

[Geraint Edwards]

Ella gellid sefydlu seiad ar gyfer gloywi iaith, pan fo gennym gwestiwn ar fater o ramadeg a ballu.

[brenin alltud]

Ella gellid sefydlu seiad ar gyfer gloywi iaith, pan fo gennym gwestiwn ar fater o ramadeg a ballu.

Cool! 'Swn i wrth 'y modd yn rhoi'r holl drifia (drifel) gramadegol 'ma sy'n un slwj yn y 'mhen i ar waith os 'di e o fudd i rywun...

[/quote]