Camsillafu'n difrïo maes-e

[Macsen]

Mi oeddwn i wedi cymeryd bod hyn yn dod o dan y seiad 'Iaith'.

Y peth ola da ni angen di mwy o seiadau!

[Gimpster]

diolch i ti am tanseilio fy hyder, falle dim fan hyn ydy'r lle i mi.... sori dwi dim yn y "clique" gath addysg da Cymraeg, ceisio wella o ni, ond byse well dy fi beidio postio na cal fy rhwygo yn ddarnau am beidio "spelo" popeth yn iawn

[nicdafis]

Pwy sy wedi tanseilio dy hyder di? Y Cardi Bach dyn ni'n trial tanseilio, nid ti.

[Cardi Bach]

Pwy sy wedi tanseilio dy hyder di? Y Cardi Bach dyn ni'n trial tanseilio, nid ti.

pwynt ysgrifen yn y pendraw yw cyfleu syniadau a rhannu gwybodaeth (cyfathrebu) i rywun nad sy'n gallu dy glywed neu dy weld.

Os yw'r ysgrifen yn ddealladwy ac mae'r neges wedi ei gyfleu, yna, hei presto, mae'n gywir!

fydden i'n cwestiynnu faint ma Maes-E yn dylanwadu ar genhedlaeth 'ifanc' Cymru o ran eu gallu i ysgrifennu. Bach iawn o ddylanwad fydden i'n meddwl, gan ei fod yn amlwg mai amgylchiadau anffurfiol sydd yma,yn wahanol i'r stafell ddosbarth.

[Gimpster]

oh! ond tafodiaith yw e? dyna'r ffordd ma pobl yn siarad, cyfarthrebu ydy'r syniad ie? nid sgwennu treithodau ydy ni fan hyn????

[RET79]

Dwi wedi ffeindio yn ddiweddar fod fy sillafu Saesneg wedi dirywio gan fy mod yn darllen ar y we gan amlaf a dyw gwefannau a negesfyrddau(?) ddim i'w weld yn sillafu eu cynnwys. Pan dwi'n rhoi'r 'spell check' ar Word neu'r e-bost yn gwaith dwi'n sylwi'n ddiweddar mod i hefo mwy o wallau nac arfer.

Felly dwi'n meddwl fod hi'n bwysig i drio sillafu yn gywir ar y we. Sgen i ddim problem os yw rhywun am gywiro fy iaith neu sillafu ar maes-e - dwi'n meddwl buasai o'n beth da.

Fedra i ddim dioddef bratiaith gan dwi'n teimlo fod Saeson er enghraifft ddim yn cymryd ein iaith o ddifri os yw nhw'n clywed geiriau Saesneg yn cael eu defnyddio bob yn ail brawddeg.

[nicdafis]

:crio:

O, paid â chrio, ti'n gwybod o'n i'n jocan.

Dw i ddim am fod yn "ffasgwr sillafu" o gwbl. Does dim ots 'da fi yn y byd am gamsillafu a chamdreiglo - dw i'n wneud y ddau yn aml iawn (ac wedi cael fy nghywiro). Dw i hefyd yn ymwybodol nad yw'r Gymraeg yn iaith gyntaf i lawer o'n defnyddwyr (fi, er enghraifft), felly dw i ddim am weld "fflamau sillafu" mewn edefau cyffredin. Dyna pam dileuais i sylw Brenin Alltud, a'r sylwadu a ddilynodd gan eraill, yn edefyn Cardi am y melinau gwynt.

Wrth gwrs ei bod hi'n wir taw "cyfathrebu sy'n bwysig", ac os dydy gwallau iaith ddim yn ymyrryd a'r cyfrathrebu, does dim problem. Doedd y "melinnau" ddim yn fy moddran i achos fy mod i'n cael gwaith gyda'r busnes "dwbli n" hefyd, ond yn amlwg oedd e'n fwy amlwg i bobl eraill. Oedd e'n cymryd hanner munud i mi ei newid, ac o'n i'n cymryd na fyddai ots 'da Cardibach - mewn byd perffaith fyddwn i wedi gofyn iddo fe yn gyntaf, ond fyddai hynny wedi cymryd mwy o amser ac o'n i'n fishi ar y pryd.

Dw i newydd newid camsillafiad mewn teitl edefyn arall, un a'i ddechreuwyd gan y Gimpster fel mae'n digwydd (rhaid i mi wneud yn siwr bod rhywbeth go iawn 'da fe i gwyno amdano, ond oes? ) Oedd e wedi camsillafu "speed dating" (<i>spped dating</i>) a bob tro o'n i'n gweld e, o'n i'n sylweddoli arno. Mae camsillafiadau yn Saesneg yn lot mwy amlwg i fi, achos taw honno yw fy mamiaith.

Yn bersonol, dw i ddim yn lico unrhywbeth sy'n wneud pethau yn fwy annodd i'w darllen, a dw i ddim yn siarad am dafodiaith yma. Dydy "vn gwybod" ddim yn sganio i fi, ond mae "wi'n wbod" yn gwbl darllenadwy. Felly mae pobl sy'n arbed amser gan ddefnyddio iaith tecsio yn wneud i fi weithio yn fwy caled. Sut mae hynny yn helpu'r broses o gyfathrebu?

Dw i ddim yn dweud na ddylai neb ddefnyddio'r fath iaith, jyst rhoi fy marn ydw i. Byddai'n neis swn i'n gallu ymuno â sgwrs heb gael fy nghyhuddio o fod yn ffasgwr. Mae diddordeb mawr 'da fi yn y pwnc 'ma - hoffwn i glywed beth mae pobl eraill yn meddwl. Dw i ddim am osod polisi cadarn yma - mae'n debyg y bydda i'n cario ymlaen wneud beth dw i wedi bod yn wneud a chywiro camsillafu mewn teitl edefyn os ydy e'n fy nharo fi, neu os ydy rhywun yn ei bwyntio fe mas. Dw i wedi newid teitlau edefau yn gyfan gwbl weithiau, yn enwedig os ydy'r edefyn yn edrych yn un addawol, ond nad yw'r teitl yn glir. Pwrpas y teitl yw i ddenu pobl i mewn i'r edefyn, wedi'r cwbl.

[Gimpster]

nes i trio newid y teitl na sawl gwaith... yn amlwg dwi heb neud e'n iawn

falle "hang up " fi yw hwn, ond fi di cael digon o pobl yn edrych lawr arnai am y ffordd dwi'n sgwennu neu yn siarad yn y Gymraeg, yr un pobl sy'n dweud bod y iaith yn marw ac ati, ydy'r pobl sy'n chwerthin ar acen, a ffordd ma dysgwyr yn siarad..... felly dwi bach yn "over sensitive" pan ma rhywun yn gofyn i newid beth ma rhywun wedi dweud ar y safle... ond ie, os ma muppett yn yn neud typo fel fi yn roi spped dating wel fine newyd e!
ond ma rhaid cofio bod e'n annodd i cael rhai pobl sy'n fedru'r gymraeg i siarad neu sgwennu, achos bo nhw'n ofni'r embaras o rhywun yn eu cywiro nhw..... ma rhaid cofio mi all y safle ma bod yn man cychwyn i nifer, sdim pwynt tanseilio nhw.

[nicdafis]

Ond nid cwestiwn o "danseilio rhywun sy'n ansicr yn ei Gymraeg" yw hwn o gwbl, Gimpster, fel dwedais i uchod. Wedi'r cwbl, "speed" oedd y gair wnest ti gamsillafu, sef gair Saesneg Oedd bob gair o dy Gymraeg yn iawn! Mae dy Gymraeg yn hyfryd! Bydd yn lawen!

Ond dw i'n cytuno â ti am yr angen i fod yn sensitif am hyn. Dw i wedi bod yn darllen yr <a href="http://metatalk.metafilter.com/mefi/2523">edefyn hyn ar Metatalk</a>, a <a href="http://metatalk.metafilter.com/mefi/2523#46633">hwn</a> yw'r cofnod sy'n dweud popeth i fi:

<i>is it OK to correct someone's spelling?</i>

I think it is, so long as it is done with the intent of being helpful, and in an respectful manner. Just don't be a dick about it, and keep it to the point.

Hynny yw, paid torri ar draws yr edefyn ei hun er mwyn pwyntio mas gwall sillafu, fel ddigwyddodd yn edefau Cardibach a Gimpster, ond yn hytrach hala neges breifat i fi a wna i newid e os oes rhaid. Ond paid neud hynny jyst er mwyn chwarae "oneupmanship". Mae digon 'da fi i'w wneud.

Dw i newydd feddwl: dyn ni wedi colli'r ddolen i'r <a href="http://www.e-addysg.com/geiriadur/">geiriadur ar-lein</a> oedd yn arfer ymddangos ar y sgrin postio neges. Wna i ddod â honna yn ôl.

Unwaith eto, dw i ddim yn ffasgwr sillafu, a gobeithio bydd neb yn cymryd hyn yn bersonol. Os ydych chi, wel, does dim lot alla i wneud ond ail-ddweud taw nad hwnna yw fy mwriad. Sori.

[nicdafis]

'Na fe, o dan y gwenogluniau.

Eto, dw i <i>ddim</i> yn dweud y dylai pawb sieco pob gair o bob neges maen nhw'n postio i'r maes, jyst bod geiriadur ar gael yn hawdd os wyt ti <i>am</i> sieco rhywbeth.