maes-e.com

Wedi trio mewngofnodi heno.
Ar ol teipio fy enw a 'nghyfrinair, mi ddaeth 'na neges i ddeud mod i wedi trio mewngofnodi ormod o weithia'. Ro'n i'n goro rhoi rhyw god i mewn er mwyn cael mewngofnodi.

Tydw i heb drio mewngofnodi nifer o weithia'. Ydi hyn yn golygu bod rhywun yn trio hacio mewn i 'nghyfrif?

(Gyda llaw, os oes 'na negeseuon yn dod i fyny am sut 'dwi'n eich casau chi i gyd, ffansio Dai Jones Llanilar neu yn holi 'da chisho prynu tabledi i'ch gwneud chi'n nwydwyllt, bydd yr hacwyr wedi llwyddo!)

Dwi di bod yn cael yr un profiad yn union yn ddiweddar, Manon. Ond dim heddiw gan mod i di bod yma gymaint.

Wedi cael yr un profiad nifer o weithiau yma hefyd , ond pethau wedi clirio yr wythnos yma.

Ma' hyn wedi digwydd i mi droeon. Dim i boeni amdano!

Manon a ddywedodd:Wedi trio mewngofnodi heno.
Ar ol teipio fy enw a 'nghyfrinair, mi ddaeth 'na neges i ddeud mod i wedi trio mewngofnodi ormod o weithia'. Ro'n i'n goro rhoi rhyw god i mewn er mwyn cael mewngofnodi.

Tydw i heb drio mewngofnodi nifer o weithia'. Ydi hyn yn golygu bod rhywun yn trio hacio mewn i 'nghyfrif? quote]

I fi hefyd. Sawl tro.

Rhyfedd - posib bod rhyw ddiawl o haciwr wedi ein targedu a cheisio defnyddio cyfrifon aelodau. Rydym wedi cloi lawr ar lawer o wendidau amlwg yn dilyn ymosodiadau trwm yn y gorffennol. Efallai bod cadw'ch hunain wedi mewngofnodi yn ddatrysiad byr dymor, er dwi'n gwybod gall hwn fod yn broblem wrth newid cyfrifiaduron.

Os ydyw dal yn parhau, plis rhowch NB i mi.


Yn dilyn ychydig o ymchwil, des ar draws hyn:


//GOLYGU
http://www.phpbb.com/community/viewtopi ... #p12926188

Mae'n disgrifio'r un broblem ar draws llawer o fforymau phpbb. Mae'n edrych fel mae fy ngofidion yn gywir - taw spambots sydd yn gyfrifol. Gwnaf ymchwilio'n bellach.

Os ydy hyn yn wir, gallaf ond awgrymu eich bod yn gwirio eich cyfrineiriau a sicrhau eu bod yn rhai cadarn. Mae mae 'cadarn' yn cynnwys cymysgedd o prif lythrennau a llythrennau bychain a rhifau. Dylai pob cyfrinair fod o leiaf 6 nod.

HEFYD - plis sicrhewch rydych yn defnyddio cyfrinair gwahanol i'ch rhai normal (e.e. ebost ac ati). Yn ddelfrydol, dylai pob cyfrif sydd gennych ar y we gael cyfrinair unigryw. Haws dweud na gwneud dwi'n gwybod.

Un peth sydd o gysur - o leiaf mae'n dangos bod diogelwch y fforwm wedi dal hyd yn hyn, fel arall byddai toreth o spam wedi ymddangos.

Diolch am yr eglurhâd ! Felly mae'n ofynol i'r aelodau newid eu cyfrineiriau ?
Newydd wneud un i beth bynnag .

O na - paid a newid dy gyfrinair os yw'n ddiogel. Jest awgrymu oeddwn i bod angen i unrhyw gyfrinair fod yn un cadarn. Boed hwnnw ar maes-e, eich cyfrif bancio ar-lein, e-bost, beth bynnag. Mae sbamwyr a hacwyr yn defnyddio sawl dull i geisio a thorri i mewn i gyfrifon. Un dull yw'r "brute force" attack. Mae hwn yn meddwl bod rhaglen yn cael ei osod i drio cyfrinair ar ol cyfrinair yn erbyn enw aelod. Mae phpBB wedi'i gynllunio er mwyn atal gormod o geisiadau - hynny yw mae'n rhaoi bloc arno - felly y neges rydych yn ei weld. I fod yn onest, os ydy eich cyfrinair yn un rhyfedd fel rhai enwau Cymraeg - anodd iawn byddai torri hyn. Ar y llaw arall, os ydych yn defnyddio rhifau yn lle rhai llythrennau, gall hwn wneud y cyfrinair yn saffach fyth, e.e. woollyback -> w00lly84ck (amnewidiadau cyffredin 0 [sero] ar gyfer o, 4 ar gyfer A, 8 ar gyfer B ac ati).

Rwyf wir yn gobeithio dwi heb ddychryn pawb gyda'm neges gynt. Er, os ydy eich cyfrinair yn 'wan', posib dylech feddwl am ei newid.

Woolyback 'di dy gyrinair di 'lly, Duw?

Manon a ddywedodd:Woolyback 'di dy gyrinair di 'lly, Duw?

NAge, w00lly84ck