Rhagor o Sbamio?

[Cardi Bach]

Mae rheol wedi ei dynnu am gwmniau teledu.
Rheol da a chyfiawn.

Mae'n ymddangos serch hynny fel mai nid dim ond cwmniau teledu sy'n euog.

Heddiw mae neges gan Y Craethwyr, sy'n son am gig ganddynt. Mae un hefyd gan Alien Soup Factory. Falle mod i'n bod yn anheg a'r Craethwyr a ASF a fod yrhain yn awyddus i gyfrannu yn helaeth at y maes, ond nid ydynt ar eu pennau ei hunen.

Mae sawl aelod ar y maes gyda prosiectau eraill, ac ermwyn hyrwyddo eu prosiectau ma nhw'n creu cyfrif arall yn enw'r prosiect dim ond i hysbysebu.

Yw hyn yn iawn?
Wrth gwrs, mae sawl un yma bellach wedi dod yn ffrinidau ac yn adnabod ein gilydd, a'r tueddiad yma fydd i amddiffyn hyn a'n cyfeillion sydd yn gwneud hyn.

Ond cymrwch gam yn ol. Os yw'n anghywir i gwmniau teledu ei wneud, onid yw yr un mor anghywir i hyrwyddwyr gigiau, trefnwyr gwyliau, bandiau, crewyr cylchgronnau ayb ayb?
Pam creu cyfrif newydd yn enw'r band, neu gylchgrawn os yw rhywun eisioes yn aelod?

Wy ddim am wahardd hysbysebu digwyddiad, neu lyfr neu dim byd fel'yna, mewn gwirionedd mond vael trafodaeth am y peth gynta, chos mwy na thebyg mod i heb ydtyried pob-peth ac amgylchiadau pawb ac fod posib ei gyfiawnhau.

Os felly, gwd, a sori i wastraffu'ch amser.

Ond beth chi'n feddwl?

[Gwahanglwyf Dros Grist]

Ond cymrwch gam yn ol. Os yw'n anghywir i gwmniau teledu ei wneud, onid yw yr un mor anghywir i hyrwyddwyr gigiau, trefnwyr gwyliau, bandiau, crewyr cylchgronnau ayb ayb?
Pam creu cyfrif newydd yn enw'r band, neu gylchgrawn os yw rhywun eisioes yn aelod?

Y ffordd rwy'n edrych arni yw bod y bobl sy'n trefnu gigiau yn aml yn gwneud peth ar eu liwt eu hunain, yn aml gan ddefnyddio'u harian eu hunain, ac yn aml mae Maes E yn ffordd hawdd o gyrraedd llawer o bobl er mwyn hyrwyddo'r digwyddiad.

Ar y llaw arall, mae cyllideb llawer cryfach gan gwmniau teledu, a ffyrdd gwahanol o gyrraedd pobl (a mwy o amser i gyrraedd pobl), megis drwy bapurau newydd, cylchgronnau, teledu ac ati.

Mae'n anodd gwybod ble i dynnu'r llinell, rwy'n gwbod, ond byddwn i'n ddigon parod i barhau â hysbysebu gigiau ar y Maes, gan ei fod yn adnodd gwerthfawr i hybu digwyddiadau ar lefel leol.

Ond rwy'n cytuno na ddylid agor cyfrif yn unswydd i hysbysebu band neu gig... neu raglen deledu!

[Madfallen]

Mae llawer o gyfrifon wedi eu hagor er mwyn hysbysebu Tyrfe Tawe yr wythnos hon. Nawr, does da fi ddim byd yn erbyn Tyrfe Tawe yn benodol a gobeithio y llwyddan nhw, ond mae jest wedi sefyll mas i fi, nai gyd. Bydde'n drueni gweld yr aelodau hyn yn diflannu wedi i Tyrfe Tawe fod gan fod y maes yn haeddu gwell parch. Mae rhywbeth i bawb yma, nid dim ond cyfle da i hysbysebu am ddim.

[Rhys]

Dwi'n cymeryd nad wyt yn gwrthwynebu rhestru gigiau/digwyddiadau (mae yna edefau(?) wedi eu creu yn arbennig ar gyfer hyn), mond ddim eisiau pobl creu cyfrif un unswydd ar gyfer sbamio/hysbysebu rhywbeth a chyfrannu dim at drafodaethau ar weddill y wefan.

Fel mae'r Gwahanglwyf yn dweud mae maes-e wedi datblygu yn fodd effeithiol dros ben o gyrraedd pobl (yr union fath o bobl sy'n cefnogi'r 'petha' newydd Cymraeg fel gigs ayyb) ac felly'n ddefnyddiol iawn i bobl sy'n gweihtio'n galed i drefnu a chynnal y fath bethau.

Beth wyt ti'n gynnig? Bod rhaid i bobl fod wedi postio yn y gorffennol cyn gosod hysbysebio a chymeryd mantais o wasanaeth sydd (ar hyn o bryd) am ddim.

[Meiji Tomimoto]

'Da ni ddim yn cael ein talu am chwara yn anglsi nos sad fellu dim pres i hysbysebu. Mae maes-e yn hanfodol mewn sefyllfaoedd felna yndi troops?

[Cardi Bach]

Cytuno a bwrdwn beth sy'n gael ei weud.

Fi'n hunan yn defnyddio maes e i hysbysebu Gwyl y Cnapan, neu gyfarfodydd Plaid Cymru ac yn y blaen.

Ond fel ma Rhys, GDG, a Madfallen yn gweud, wy ddim yn gweld yr angen i greu cyfrif yn unswydd i hysbysebu.

Mae'n dangos amharch at y maes yn un peth, fel dywed madfallen, a dyw e ddim yn cyfrannu at y maes neu ethos y maes.

[Aran]

Dw i'n meddwl bod hyn yn dod i lawr i'r busnes o greu cyfrifon newydd... hynny yw, os ydy aelod y Maes yn tynnu sylw at rywbeth bod ganddo/hi rhywbeth i'w wneud efo fo, mae'n debyg iawn o fod yn hollol iawn (ac yn rhan o beth sy'n gwneud y Maes cystal), os nad ydyn nhw'n mynd ymlaen ac ymlaen...

Ond os ydy rhywun yn creu cyfrif er mwyn hyrwyddo rhwybeth ac wedyn diflannu, mae hynna'n sbamio pur ac annerbyniol, hyd yn oed os ydy o'n hyrwyddo rhwybeth da, annibynol ayyb...

Os ydy gig bach annibynol yn cael mwy o sylw oherwydd bodolaeth y Maes, mae hynna'n beth gwych - ond os nad ydy'r pobl sy'n hyrwyddo'r gig hefyd yn barod i roi rhwybeth yn ol i'r Maes, sef cyfrannu yn ehangach, mae'r perthynas yn mynd yn unochrog.

Fyddai pethe bychain annibynol ddim yn cael y cynulleidfa ehangach bod y Maes yn cynnig ond bod digon o bobl yn cyfrannu digon o bethe diddorol i gadw pobl yn dod i'r Maes - fyddai neb yn dod i ddarllen dim byd ond hysbysebion, wedi'r cyfan...

[nicdafis]

Dim ond nawr dw i'n gweld hyn, sori. Fel mae sawl un wedi dweud uchod, does dim problem gyda <b>aelodau</b> maes-e defnyddio'r maes er mwyn hybu eu gigs, eu CDau, eu beth bynnag, ond pan mae pobl yn creu cyfrifau dim ond i wneud hyn mae'n achosi problemau.

Dyw hyn ddim yn broblem o gwbl ar hyn o bryd, gan nad yw'n bosib i greu cyfrifau newydd. A fydda i ddim yn ail-agor yr aelodaeth nes bod canllawiau cyflawn i gael, er mwyn osgoi problemau yn y dyfodol. Mae rhan fwya o'r gwaith cymedroli ar y maes i'w wneud ag <b>esbonio</b> pam bod rhywbeth wedi cael ei ddileu, neu ei symud. Bydd yn lot haws 'sen ni'n gallu dweud <i>darllenwch y canllawiau!</i>

Gyda'r sustem hysbysebu, dw i'n hollol hapus i bobl talu er mwyn hybu gigs, os ydyn nhw am wneud hynny, ond fydd e ddim yn effeithio ar y seiat gigs o gwbl, dim ond rhoi hwb ychwanegol i'r gig penodol. Byddai'n bosibl, er enghraifft, creu edefyn yn y seiat 'na fel arfer, ac wedyn prynu hysbyseb sy'n mynd at yr edefyn, os nag oes gwefan gyda chi. (Dydy Cymdeithas yr Iaith ddim wedi bod yn talu i hysbysebu eu gigs nhw, gyda llaw. Dw i wedi rhoi'r hysbysebion yna fel rhodd.)