Bethesda - y Felinheli newydd?

[Dewyrth Jo]

Ers amser bellach Felinheli sydd wedi dwyn y teitl "Canton y Gogledd". Y lle trendi i gael eich gweld yng nghyffuniau Bangor/Caernarfon ond a oes bygythiad i'r statws hwn fel 'kool kapital' y gogledd? Mor anhebyg ac mae'n ymddangos, mae'r bygythiad hwn yn dod o gyfeiriad un o drefi'r garreg las. Mae'r rhai ohonoch sy'n ymddiddori mewn ffasiwn yn gwybod mae du yw'r du newydd, ond ydi hi ryn mor wir i ddweud mai Bethesda yw'r Felinheli newydd yn y kool stakes?

[Hogyn o Rachub]

Iawn, dw i'm am neud y tric arferol o mynd on am faint o cwl 'di Pesda achos mae fy nhuedd i'n gorbwyso unrhyw feddwl realistig neu ymarferol. Ond dw i byth, byth yn medru dallt pan fo Felinheli yn cael ei ystyried yn 'kool stakes'. Mae Felin erioed wedi bod yn bor-ing (a rhydd i unrhywun o Felinheli dweud 'run peth am Pesda, dwimisho pechu neb ).

Dw i'n dueddol o feddwl bo Pesda 'di bod yn eitha isel ers yr 80au, mwy neu lai, a bod llefydd fel Blaenau a Port (ac i raddau, Llanrwst) wedi mynd o'i flaen. Ond mae 'na wbath ffresh am Pesda dyddia hyn, ac nid kebab Rashid dw i'n son amdano (yn sicr ddim kebab Rashid...)

[Analeiddiwr]

Bethel di'r lle i gael dy weld yn yr ardal yna. Sa'm byd yn elyfetio dy 'koolness' di mwy na cal dy weld yn chwara gem o snwcs yn YM. Ne pasho Bedol ond ddim mynd mewn (chos ma'n wancar o pyb).

Gei di'm lle mwy cool na Bethel.

[Hogyn o Rachub]

Hehe, yn wir, does dim yn curo cael dy weld yn pasio drwy Bethel (ond heb stopio a mwy na thebyg ar dy ffordd i Gnarfon...!)

[Geraint]

Oes na far trendi yn gwerthu Hoegaarden ym Methesda?

[Gwyn T Paith]

oes - y douglas arms

[Twyllwr Rhinweddol]

Does na'm bariau trendi ym Methesda.

Wel. Mae'n dibynnu be ydi dy ddiffiniad o cwl. Does 'na'm winebars - rho hi felly. I fi mae y Douglas sy'n prisio eu cwrw yn ôl sylltau yn eithaf cwl. Mae holl deimlad y lle yna jesd yn hollol bisâr - y dyn tu ôl i'r bar (Cymro Cymraeg o Dori sy'n well ganddo siarad Saesneg) yn hollol sych a digroeso, y seddi fatha meinciau capel, y lle yn oer a llwm a ti jest yn gallu teimlo bod 'na ysbrydion yn isda yna yn yfed o dy gwmpas di. Dwi'm yn siwr a ydw i'n iawn yn fama, ond mae gen i rhyw deimlad mai hon oedd tafarn y 'bradwyr' adeg streic y penrhyn (dwi'n deud hyn oherwydd enw'r dafarn, ac oherwydd natur y boi wrth y bar) - mi fasa nghyndeidiau'n troi yn eu beddau.

[Hogyn o Rachub]

Does dim llai trendi na bar trendi. Hen dafarn fudur a'i llaithwaliau sydd eisiau. Teledu bach yn y gongl top sy unai ffwrdd neu'n dangos gem o bel-droed neu rygbi. Cadeiriau pren, hen ffashiwn a byrddau bychain crwn efo biarmats sydd wedi gweld dyddiau gwell. Gofyn i wyneb cyfarwydd tu-ol y bar am beint, yn Gymraeg, hefyd. Dim byd rhy ffrisgi, jyst yr iwsiwal, i'w yfed tan hwyr y nos. Ambell i lun o amgylch y wal o'r chwarel neu'r stryd fawr, efo criw o hen ddynion efo'u chwerw'n meddwi a'r ifanc ar y seidr neu lagyr yn griwiau tan ddiwedd nos pan mae pawb yn siarad efo'u gilydd ac yn cyfarfod pobl newydd a chyfeillion hen; cofio'r gorffenol efo gwen ac edrych i'r dyfodol yn obeithiol-sinicaidd gan chwerthin. Dim cerddoriaeth yn ystod y dydd, ond gem o pŵl, a dim ond ychydig o fiwsig yn y cefndir pan ddaw'r nos, os bosib. Bryn Fon, DI a Celt (yn bennaf) ar y jiwcbocs yn canu i bleser pawb sydd yno. A wedyn, ella mynd i clwb rygbi am y gig diweddara neu aros a chael loc-in, efo rhyw ddeg o bobl (yn ystod yr wythnos) neu phum deg (nos Sul), tan ddau yn y bora'n yfad yn ddistaw cyn mynd tu-allan i Spar i ista'n gachu bants am bach. Cerdded adra dan y lleuad efo amlinelliad y mynyddoedd yna'n llonyddu, a thithau ddim yn dy gartref tan bedwar, yn anfodlon bod diwedd nos yn dyfod. Felly'n gwneud yr un peth y diwrnod wedyn.

Dyna 'di Pesda

[Cwlcymro]

Cofio pisho yn toiled un o dafarna Pesda. Rhyw foi cerddad mewn a deud "Argol s'mai Guto" (sef yn enw i bai ddy we)
Mi droish i rownd a doni erioed wedi gweld y dyn o'r blaen.

"O ma'n ddrwg geni met" medda fo "Oni'n meddwl ma Guto odda chdi"

Dwi dal yn conffiwsd

[Hogyn o Rachub]

A dweud y gwir, ti'n edrych 'mbach fel boi o Besda o enw Guto. Ond o'r tu-ol, ella. Ella na fo oeddo'n feddwl. Yn enwedig os oeddat ti'n Ty Isaf.