Machlud

[sian]

Ydi, mae'r machlud yn hardd yn Aberystwyth ond mae bob amser yn fy atgoffa o gerdd gan Siôn Aled yn Dagrau Rhew sy'n sôn am ymwelwyr ar y prom ar nos Sul ym mis Awst. Dw i ddim yn cofio'r dechrau ond mae'r gweddill yn mynd rhywbeth fel hyn:

... Nos Sul y Sais a weli,
A nos mwy maith ein hiaith ni.

Ai'r machlud sy'n eu hudo? Ai lliwiau'r
gorllewin digyffro?
Ai adar corff sy'n heidio
I weld awr briw machlud bro?

(Golygwyd: Sori nes i ddim sylweddoli mai englyn oedd e.)
Sori am fod mor bruddaidd.

[Rhodri Nwdls]

O lynnoedd Gregennan, islaw Cader Idris yn edrych lawr at bont Bermo ag allan tuag at Ly^n ac Enlli.

Y gorau. Nyff sed.

[Barrar]

ma machlud hollol lysh yn Nhrefi^n ger Ty Ddewi yn Sir Benfro. amazin!!!!

[dawncyfarwydd]

Welais i mo'r machlud yno, ond mae'r haul yn ei holl ogoniant drwy goed Sir Fôn wrth gerdded o'r Angylsi am y Galeri yn wych. Rôn i wedi anghofio pa mor brydferth y gallai Caernarfon fod cyn gweld yr olygfa yna un pnawn. Yn ogystal, er ffaeleddau'r pentref hwnnw, mae gweld y machlud o Ben Clogwyn yn Nhrefor yn hynod o braf pan ydy hi yn glaear a fymryn yn oer yn brofiad anhygoel hefyd. Dinas Dinlle yn lle arall braf i weld y machlud. A dwi'n cytuno â sian bod y machlud o'i thy hi yn ddymunol iawn.

Ond am y wawr, does unlle gwell na maes carafanau'r steddfod i weld honno!

[Mr Groovy]

Dwi'n sycyr llwyr am fachlud Odd machlud neithiwr mor wych odd rhaid i fi sdopio'r car i'w wylio.
Odd yr awyr yn hollol glir a'r haul yn goch goch yn suddo dros Ynyslas a cheg y Ddyfi efo PenLlyn yn y cefndir, mmmmmmmm
(ond yn anffodus, lay-by wrth mynwent Talybont odd y lle gore on i'n gallu ffeindio i sdopio!)

Ma gwawr yn Eryri bob amser yn gorjys, ond dwi'n meddwl mai gwawr dros Machu Picchu odd y mwya dramatic weles i rioed

[Hogyn o Rachub]

O Moel Faban yn edrych tuag at Sir Fon ydi'r gorau gen i. Ond yn yr haf, ne mi fydd hi'n bitsh ddu cyn i chdi gyrraedd lawr i'r gwaelod!!

[Cawslyd]

Moel y Gest uwch Porthmadog - lle bendigedig i gampio a gwynlio'r machlud.

[Siffrwd Helyg]

Dwi'n dwlu ar y machlud yn Aberystwyth, dros y môr, hyfryd. Yn enwedig gyda pheint oer!

Y wawr mwya bythgofiadwy i fi weld oedd pan on in Sicilly ryw ddwy flynedd yn ôl. Ron ni wedi bod mewn parti drwy'r nos, ac wedi syrthio i gysgu ar do garej y ty. Cefais i a'r ddau Gymro arall oedd yno gyda fi, ein deffro gan yr haul tanboeth yma yn codi dros Mount Etna, ac odd en hollol ffantastig. Don ni ddim cweit yn siwr lle on ni tan i ni ddeffro (ma gwin Sicilly yn reit gryf 'wchi), a odd deffro ar do'r garej ma gyda Mount Etna yn ein gwynebu ni a'r pentref hyfryd 'ma lawr yn y cwm, a'r holl fynyddoedd ffantastic on cwmpas ni yn fythgofiadwy. waw.

Peth da 'di'r haul de?!

[Lodes Fech Glen]

Dylife- Yn dod lawr o Benfforddlas i Fachynlleth- Mae'r olygfa yn hyfryd, yn werth ei weld.

[Mali]

Sunset Point yn Cox Bay, ar ochr Orllewinol Ynys Vancouver.
http://www.pacificsands.com/gallery/postcard34.php