Mead Property Management - Caerdydd

[Gwyn]

Rhybudd cloi i ddefnyddwyr y maes, ac unrhyw un chi'n nabod sy'n ystyried symud i Gaerdydd. Peidiwch a defnyddio'r cwmni ma i rhentu flat/ty. Fi'n gwbod bo letting/estate agents yn notorious, ond sain gallu credu bod unrhyw gwmni arall mor wael a rhein. Esgeulus, twp, ddim yn becso dim am eu cwsmeriaid, trio cael pob ceiniog allan o chi. Crooks.

Oes rhywun arall di cael trwbwl da'r cwmni ma?

[Gwahanglwyf Dros Grist]

Heb gael probleme 'to, heblaw am y ffaith eu bod nhw dal heb fod i drwsio'r draen, sydd yn gorlifo mewn i'r ardd ar hyn o bryd.

Pa brobleme wyt ti wedi'u cael gyda nhw'n union, Gwyn?

O.N. Odi hwn yn y seiat cywir?

[Gwyn]

Odd dim syniad da fi pa seiat i roi fe ynddo a weud y gwir wrtho ti!

Fi di symud o gaerdydd ers tua 2 fis, a fi dal yn aros am y bond nol, er ma 14 diwrnod wedon nhw. Ma nhw'n gweud bo nhw'n mynd i dynnu tua £100 nol o'r bond am 'discrepancies' (pethe fel handle y cooker ar goll, sedd toiled wedi torri, ond odd y pethe ma wedi torri cyn i fi symud mewn). 3 wthnos ar ol i fi hando notice fi mewn (in person), o'n i dal heb dderbyn confirmation, so es i nol na a ffindon nhw notice fi (ar ol chwilio am rhyw 15 munud) ar waelod peil o bapur. O'n nhw heb ffeilo fe na chydnabod bo fi ar fin symud mas.

Ma lot mwy o bethe, ond ma hi'n amser cinio fi nawr, so gewn nhw aros!

[Meiji Tomimoto]

'di'r enw ddim yn ddigon o rybydd?!
'sa chdi'm yn mynd at 'Scrumpy Jack's Lettings' i gael lle nasachd!

[Rhys]

Fues i'n rhentu gyda'r rhain am gyfnod. Cefais i ddim trafferth gyda nhw'n bersonol, ond mae ffrindiau, sy'n dal yn denantiad trwyddynt gyda rhestr di-ddiwedd o straeon amdanynt. Unig gwyn ges i oed bod y fflat yn fudur pan symudais mewn.

Efallai eich bod yn teimlo'n dwp yn gwnued, ond os symudwch mewn i unrhywle rhent, cofiwch amlygu unrhywbeth, dim ots pa mor bitw i'r cwmni wrth symud mewn (handlen popty coll, marc ar y wal/carped) a gwneud cofnod swyddogol ohono.

Dyna chi gyngor gan hen ddyn doeth