maes-e.com

Wedi cael diwrnod digon braf dros y Sulgwyn yng Nghaerloyw. Amgueddfa Gamlesi yng nghanol yr hen ddociau, cip ar yr gadeirlan, a chinio yn Nhafarn y Ffynnon, sy'n enwog, yn ôl yr hanes, am i'r Brenin Gwilym o Oren farchog ei geffyl i ganol cyfarfod o'i wrthwynebwyr yn y darfarn.

Oes yna rywrai eraill yn ymserchu yn nhrefi'r ffin?

Wel dwi di bod yn Bourton on the Water ychydig o weithiau, ond ti'n dechre mynd mewn i gwlad y Cotswolds wedyn... Hyfryd!

"The Venice of the Cotswolds": gwych! Wyt ti 'di mentro i Lower Slaughter gerllaw?

Wedi bod trwyddo mae'n siwr, hales tipyn o amser ar gwrs yn Stroud rhai blynyddoedd nol a mynd am ambell drip oamgylch yr ardaloedd yn y car, oni eitha gyfarwydd efo Stonehouse a Standish ar y pryd 'fyd.. Stroud, the home of the mini roundabout!

Wedi bod yn Tetbury wythnos 'ma. Lle swynol iawn ychydig ymhellach i'r dwyrain, yn tai o gerrig melyn nodweddiadol Bryniau Cotswold. Mae neuadd y farchnad yn sefyll ar goesau cerrig, fel un Llanidloes, ac mae eglwys hynod fawreddog i bentref mor ddistadl (gweler y ddolen uchod). Hyfryd iawn.

Wedi bod yn ôl yng Nghaerloyw ddydd Llun Gŵyl y Banc, ac wedi dringo’r 269 o risiau i ben tŵr yr Eglwys Gadeiriol. Hollol frawychus, ond golygfa wych. Mwy brawychus – a byddarol – oedd sefyll wrth y gloch fawr pan drawodd cloc yr eglwys ddau o’r gloch.

Mae Amgueddfa Milwyr Sir Gaerloyw hefyd yn dda, gyda llawer o gofnodion diddorol am brofiadau erchyll dynion cyffredin yn rhyfeloedd di-bwrpas yr Ymerodraeth.