Dolgelle

gan **Cardi Bach** » Maw 06 Meh 2006 10:01 am

Er mod i wedi bod yn dod i Ddolgellau sawl gwaith y flwyddyn bob blwyddyn ers mod i'n ddim o beth, wy nawr yn cael y fraint anhygoel o fyw yn y dre

Felly drigolion Dolgelle a'r cylch, a'r rheini ohono chi sydd in ddy now - gwedwch mwy wrtha i am y dre.

gan **Rhodri Nwdls** » Maw 06 Meh 2006 11:44 am

Diawl ti'n gofyn am lith fan hyn.

Ddoi nôl efo mwy! Dim amser heddiw ma! Digon i ddweud am rhen dre...a dim jest boi resyrs yn yfad WKD ar y sgwar ydi'r dre (er, ma hynny'n gallu bod yn hwyl fyd dydi). Wnai esbonio'r "DFS" yn fan'ma yn y man hefyd (a na, nid y siop ddodrafn).

Dau air i gychwyn: Hyni Byns.

Cer lawr i bopty'r dre amsar cinio a phryna rai. Does na ddim troi nôl wedyn.

gan **Beti** » Maw 06 Meh 2006 3:13 pm

O'n i'n gwbod fyse Nwdls yn methu risustio!
Deud am DFS wrthyn nhw. Deud, deud, deud!

Ydy'r warden traffic dal i edrych fel John Major?
Ydy plant dal i smocio dop wrth yr afon ac yn y twnneli yn y parc?
Be 'di'r unig siop ddillad sy 'na wan, Fosters neu B Wise?

Boi Siop y Cymro ydy'r boi gore am neud syms pen a paid a mynd i Wilkins i ddarllen y magasins - gei di row. Nid llyfrgell mohono.

gan **Chwadan** » Maw 06 Meh 2006 6:30 pm

Wel wir, on i'n clywed bo ti'n dod i Ddolgella Cardi Bach!

Hmm, dyna wers rhif un i ti: ma newyddion yn teithio'n gyflym.

Beti a ddywedodd:Ydy'r warden traffic dal i edrych fel John Major?
Ydy plant dal i smocio dop wrth yr afon ac yn y twnneli yn y parc?
Be 'di'r unig siop ddillad sy 'na wan, Fosters neu B Wise?

Boi Siop y Cymro ydy'r boi gore am neud syms pen a paid a mynd i Wilkins i ddarllen y magasins - gei di row. Nid llyfrgell mohono.

Does na'm warden traffic (wel mae na, ond dim ond weithia a dwi erioed wedi'i weld o ond dwi'n dallt 'fod o'n bod). Ma'r plant yn dal i smocio dop yn y parc ond ma'r twneli wedi mynd (ers circa 1998). Enw'r siop ddillad ydi Dreams neu Despair neu rwbath. Ac mae na un arall o'r enw Riva ar y Sgwar ers ryw dair blynedd ac fe ellir gweld trigolion fflatiau'r Lion yn gwisgo'i chynnyrch yn y Wine Bar ar nos Sadwrn. Mae Val Wilkins dal yn grympi.

Dwi'n meddwl dylse ti fynd i ganu efo Cor Meibion Dolgellau achos ti fasa'r ieuenga ac mi fasa'r ffans benywaidd yn taflu nicars atat ti.

gan **huwwaters** » Maw 06 Meh 2006 9:27 pm

Chwadan a ddywedodd:Dwi'n meddwl dylse ti fynd i ganu efo Cor Meibion Dolgellau achos ti fasa'r ieuenga ac mi fasa'r ffans benywaidd yn taflu nicars atat ti.

Chwadan! Doeddwn i'm yn meddwl byset ti'n gneud y fath beth!

gan **Chwadan** » Maw 06 Meh 2006 10:11 pm

huwwaters a ddywedodd:
Chwadan a ddywedodd:Dwi'n meddwl dylse ti fynd i ganu efo Cor Meibion Dolgellau achos ti fasa'r ieuenga ac mi fasa'r ffans benywaidd yn taflu nicars atat ti.

Chwadan! Doeddwn i'm yn meddwl byset ti'n gneud y fath beth!

Ma 'nhad i'n canu efo nhw :ofn:

gan **Meiji Tomimoto** » Mer 07 Meh 2006 10:21 am

Rhodri Nwdls a ddywedodd:Dau air i gychwyn: Hyni Byns.

Wel y basdad mul! ma'r keyboard ma'n socian efo drool wan.

gan **Beti** » Mer 07 Meh 2006 11:01 am

Meiji Tomimoto a ddywedodd:
Rhodri Nwdls a ddywedodd:Dau air i gychwyn: Hyni Byns.

Wel y basdad mul! ma'r keyboard ma'n socian efo drool wan.

Plis deud achos yr hyni byns a ddim staff Crai Tirion?! :ofn:

gan **Cacamwri** » Mer 07 Meh 2006 6:38 pm

Wwwww, hyni byns. Nesh i drio un yn y Steddfod Gen yn y Faenol, diolch i Ffinc Ffloyd, ac fel un sydd ddim yn ffan o gacenau a phethe melus yn gyffredinol, o'n i'n meddwl bod o'n lyyyyrfli.

Os nag wyt ti di addurno dy gartre' eto, Cardi Bach, bydde fe'n syniad i ti fynd i siop Medi er mwyn cael sgowt rownd i weld os gei di rywbeth chwaethus i'r ty...Dwi'm yn gwbod os di o di agor eto sori.

gan **Rhodri Nwdls** » Mer 07 Meh 2006 11:42 pm

Os tisio crys dos i'r Siop Ddillad ger y Ship, ma gan y boi gnwter hir pren, til pren, a llythi o shilffoedd hyfryd. Ella fod ei side-line mewn llyfra cristnogol yn quirk bach od ar gyfer siop ddillad ond mae'r profiad yn hwyl. Mi fuesh i Porti chwilio am grys heb lwc, a thrio fanno rôl dod nôl ar y bys - crys yn union fel o'n isio!

Y DFS dan sylw yngynt yw'r "Dumb Fuck Squad". Enw a roddwyd i grwp o ffarmwrs/josgins (er mae "josgins" gan amla'n cyfeirio fwy at ffarmwrs Bala os ti'n byw yn dre) oedd yn dreifio gwmpas yn eu ceir crapi a Land Rofars yn yfad smocio a chadw reiat. Roedden nhw'n ffycin berig bywyd ar y lôn pan oeddan nhw'n mynd am "herc" rownd Abergeirw (dwi'n gwbod, fues i ar herc sawl gwaith coeliwch chi fi). Eu cynefin arferol fuasai canol y sgwar, yn refio (noder: nid rêfio). Yn y diwedd daeth yr enw mor gyffredin am y grwp hyn, y daeth y grwp i ddefnyddio'r moniker "DFS" eu hunain, gan gyflawni proffwydaeth y disgrifiad.

Mae'r siopa difyr i gyd wedi diflannu gan fwya, y siop lyfra/recordia, siop ddillad dynion Alun Williams, T H Roberts, Celfi Diddan ond mae Siop Y Cymro a Phopty'r Dre dal yno'n gadarn. Jest angen i rywun sortio allan Siop Y Dydd o'i drwmgwsg marwaidd rwan...side-project i Siamas? ;-)

Dro bach hyfryd (os nad hyfryta) ydi i fynd fyny Pen Cefn, dros Y Golff a lawr i Bont Llanelltyd ac Abaty Cymer. Elli di wedyn gario mlaen drwy Lanelltyd a throi yn siarp i fyny i'r dde fyny'r llwybr cyhoeddus serth, caria malen nes cyrraedd llyn yna dosfyny et odrwy'r coed pîn. Wedi cyrraedd y top, mi gyrhaeddi di dy sy'n adfeilio mewn llecyn bendigedig, ond heb ffordd gall, ac o am olygfa. Presipis Newydd ydi enw'r llwybr. DDoi di lawr wedyn drwy Taicynhaeaf a galli fynd dros bont Penmaenpwl lawr at y George am beint - ond paid, paid da ti ag archebu bwyd. Mae'r safon yn aruthrol o wael ar hyn o bryd, ac mae'n ddiawledig o ddrud. Nei di mond eu annog nhw.

Dolgelle

Dolgelle

Pwy sydd ar-lein