Symud i'r Gogledd. Rhuthun a fod yn fanwl!

[dai mawr]

Angen cyngor.

Wy newydd gael swydd yn y Gogledd ac yn bwriadu symud i Ruthun cyn mis Medi, oes gennych chi gyngor i mi ar yr ardal a thai yn yr ardal?

Oes yna obaith i hwntw gwirion sydd am ymuno â'r gogleddwyr?

[dave drych]

Cer i fyw yn Erw Goch os tisho ymuno efo'r Ghetto (posh) Cymraeg.

A bethbynnag mae pobl yn ddeud iti ar nos sadwrn feddw, paid a mynd i'r Venue!

[Rhys]

A bethbynnag mae pobl yn ddeud iti ar nos sadwrn feddw, paid a mynd i'r Venue!

Cyngor doeth.

Er mae bachgen o ardal Dinbych ydw i dwi'n reit hoff o dref Rhuthun (nid fod perthynas Caerdydd/Abertawe rhwng y ddau le o gwbwl!)

Dychmyga i fod tai reit drud yno am ei fod yn dref reit del ac mae wedi cael ei 'ddarganfod' gan pobl ochrau sir Gaer sydd eisiau downsizeio ers talwm. pentrefi cyfagos yn reit saesnegiadd dyfalwn i, on mae pentref Llanrhaeadr tu allan i Dinbych yn dal reit Cymreigaidd.

Os ti'n mwynhau cwmni ffarmwrs, nos Sadwrn yn Rhuthun yw'r lle. Mae'r lle'n llawn Cymraeg pryd hynny gyda pobl o gefngwlad Rhuthun a Dinbych hefyd (o cyn belled a Lansannan hyd yn oed) yn tyrru yno.

Mae yna siop Gymraeg yn Rhuthn o'r enw Elfair, prynna't papur bro Bigwn i gael manylion tai ar osod gan Gymry Cymraeg neu prynna'r Gadlas o Siop Clwyd yn Dinbych.

[Twpsan]

Mae yna siop Gymraeg yn Rhuthn o'r enw Elfair, prynna't papur bro Bigwn i gael manylion tai ar osod gan Gymry Cymraeg neu prynna'r Gadlas o Siop Clwyd yn Dinbych.

Neu 'Y Glannau' o Siop y Morfa yn Rhyl!

[garynysmon]

Tafarndai da yn y Dre :
Wine Vaults,
Boar's Head,
Plu,
Corporation (corpy), paid a gadael i neud ddeud wrtha chdi yn wahanol.

Mae na lawer o bentrefi bach fell Pwllglas, LLanfair DC a.y.b sydd jyst tu allan i'r Dref ei hun, ond llawer mwy Cymreigedd.

Missus o Pwllglas cyn i neu holi pam fod hogyn o Sir Fon yn gwbod gyamint am rwla'n Sir Ddinbych.

[Mali]

Oes yna obaith i hwntw gwirion sydd am ymuno â'r gogleddwyr?

Wyt ti'n medru canu dai ?
Mae gan Rhuthun gôr Cymysg da iawn....ffordd dda i ti ddod i adnabod mwy o bobl yr ardal.

[S.W.]

Croeso i Rhuthun Dai!

Eniwe, Dave Drych, does dim byd o'i le a Erw Goch - fanne buais i'n byw ers 15 mlynedd a dwim yn posh (dwi just ddim yn hoffi pobl dosbarth gweithiol ) Ond Dai, byddi di'n lwcus i fforddio ty yn Erw Goch erbyn wan yn anffodus.

Wyt ti'n meddwl prynnu neu rhentu?

Mae na dipyn o dai Teras yn dod ar gael ar Stryd Mwrog unai iw rhentu neu iw prynnu. Nhw'n dai digon smart.

Hefyd, mae Bro Deg yn stad o dai ble nei di wrach ddod o hyd i dy - dibynnu be di budget ti (tai brics coch 1970au - tebyg i'r un peddwn in byw ynddo fo yn Ninbych).

Mae Cavendish Ikin yn rhentu tai allan, ond mae asiataethau yn gallu bod yn eitha drud. Hefyd, Beresford Adams a Dodds yn y dre.

O, ia Rhys, be am y Bedol? Paid trio gorfodi papur bro Dinbych ar pobl Rhuthun - mae ganddom ni un ein hunain! Blincin Ymerodraethwr Dinbych!

O ran tafarndai - hen digon o ddewis am sesh - Y Plu, Corpi, Vaults, Farmers, Park Place, Boars, Mid (ni ddylid ei alw'n 'Seven Eyes'), Wynnstay, Angor, Star, a mae na darfan newydd am agor yn yr hen sinema hefyd! A wel, yn os ti'n desperate am ferch diegwyddor mae'r feniw yn iawn am wn i.

[garynysmon]

Dwi wedi galw'r lle yn seven eyes mwy na unwaith a cael peltan am fy nhrafferth

[dai mawr]

Diolch am y cyngor!

Bydda i'n rhentu S.W.

Eisiau rhywbeth rhesymol gyda rhywle i gadw'r car os yw'n bosib.

[S.W.]

Mae ne dudalennau o dai sydd iw rhentu yng Ngogledd Cymru yn y Daily Post bob dydd Sadwrn - ydy'r Daily Post yn cyrraedd dyfnderoedd y de?

Ti di meddwl lodgio hefo rhywun arall yn Rhuthun? (Na sori dwim yn cynnig chateau fi)