Gwlad yr Iâ...Reykjavik

gan **Jon Bon Jela** » Mer 20 Medi 2006 11:16 pm

Enw'r dafarn rhad yw Belly's, gwr o Ganada sy'n ei pherchen hi, ac mi gei di beint am £3.30 yno. Dyw'r cwrw ddim yn ffantastig, ond yn well na chorfod talu £5 am beint fel pobman arall.

Falch i glywed wnest ti fwynhau'r Blue Lagoon - dechrau cicio fy hun nawr!

gan **Jeni Wine** » Iau 21 Medi 2006 8:50 am

Ddim i Belly's esh i (dwi'm yn meddwl beth bynnag) ond i dafarn ar Stryd Vitastigur ddim yn bell o'r Eglwys Gadeiriol (ac ar gornel). Mae merch y ddynes sy berchen y lle, Gunnva, yn gantores opera ac yn dipyn o rafin. Mi dreulion ni drwy'r nos efo hi yn yfed Brennivin. :crechwen:

Ia, o'n i'n ama y byddai'r Blue Lagoon yn gachu ond i'r gwrthwyneb. Ond i lwyr fwynhau'r profiad, mae nhw'n dweud y dylet ti fynd yno pan mae dy wallt di'n rhewi yn yr oerfel a'r dwr yn berwedig braf. Paid a phrynu'r eli gwynab a'r lol BLUE LAGOON sy ar werth yn y siop ar y ffordd allan (crocbris) ond defnyddia dipyn o'r moisturizer o un o'r testers ar y ffordd allan...!

gan **Jeni Wine** » Iau 21 Medi 2006 8:58 am

Ar stryd Myrargata reit wrth y porthladd mae'r Sea Baron (y lle cawl cimwch). Lle bach, rystic, yn cael ei redeg gan deulu o dylwythod teg ydi o ac mae o'n rhesymol iawn. £5 am boleniad o gawl a bara. Mae o gefn wrth gefn a Þrir Frakkar (sef y bwyty pysgod gora yn y wlad yn ol Thorstein, ond sa chdi angan ail-forgijo ty i fyta yna!)

gan **Beti** » Mer 11 Hyd 2006 4:58 pm

Pryd wyt ti'n cael mynd ar dy wylie, Fflamingo Gwyrdd? Cofia roi'r hanes. Dwi'n genfigennus dros ben. Bechod bod hi'n anodd mynd a carafan yna!

gan **Fflamingo gwyrdd** » Mer 11 Hyd 2006 8:10 pm

Ymhen pythefnos Beti...mi fysa'r diawl lle yn rhatach i garafanio 'fyd ma'n debyg! :lol:

gan **Ramirez** » Iau 12 Hyd 2006 12:31 am

Jon Bon Jela a ddywedodd:Yn wir, mae hyd yn oed pobl yr Ynys ond yn bwyta mas ar achlysuron arbennig hefyd oherwydd ei bod hi'n rhy ddrud. Pan aethon ni am bryd o fwyd mewn bwyty, dim ond twristiaid oedd o'n cwmpas.

Ond tydi hynny ddim bron a bod yn wir am unrhyw le, yn cynnwys Cymru?!

gan **Fflamingo gwyrdd** » Llun 06 Tach 2006 11:03 am

Newydd dreulio dros awr yn rhoi acownt o fy nhaith yn fama, ac wedi colli'r blydi lot :drwg:

gan **Jeni Wine** » Llun 06 Tach 2006 11:57 am

Fflamingo gwyrdd a ddywedodd::drwg: Newydd dreulio dros awr yn rhoi acownt o fy nhaith yn fama, ac wedi colli'r blydi lot

O, bwwwwww - GAS gena i pan ma hynna'n digwydd.
Ond swn i wrth y modd yn clywad eich hanesion chi...

gan **Fflamingo gwyrdd** » Llun 06 Tach 2006 6:57 pm

Ia'r diawl iddo fo. O'n i 'di gweithio'n galad ar hwnna hefyd. Dyma luniau i aros pryd...

Delwedd

gan **huwwaters** » Llun 06 Tach 2006 10:46 pm

Dau cyfrif Flickr dwi efo fel cysylltiadau ac yn dwad o Wlad yr Iâ yw:

http://www.flickr.com/photos/rebba/

http://www.flickr.com/photos/gunnarhafdal/

Gwlad yr Iâ...Reykjavik

Pwy sydd ar-lein