Gwlad yr Iâ...Reykjavik

[Geraint Edwards]

Gwlad yr Ia yn le hyfryd rhaid imi ddweud, Fues i yno am wyliau gyda'r teulu yn ol yn 1994 a 1996. Dyma rai o uchafbwyntiau fy nheithiau i bryd hynny:

Reykjavik

- Ymweld â chanolfan "The Volcano Show", sydd reit yng nghanol y ddinas. Dwn i ddim os yw hwn yn dal i fynd, ond roedd gan y perchennog (a oedd yn ddaearegwr o ran galwedigaeth) sinema ei hun lle chwaraeai ffilmiau yn adrodd hynt a helynt llosgfnyddoedd yr ynys. Roedd o wedi recordio lot o'r stwff ei hun mae'n debyg. Yn wir, oherwydd natur ei waith, mi fyddai'n rhybuddio'r ymwelwyr y byddai rhaid iddo fo ei hun adael yr adeilad ar unwaith petai llosgfynydd yn rhywle ar yr ynys ar fin echdori - er mwyn ei recordio!

- Canolfan Arbaer, ateb Gwlad yr Ia i Sain Ffagan! Yng nghanol maestrefi dwyreiniol y ddinas, saif yr amgueddfa awyr agored hon yn gofnod da o hanes bywyd gwerinol yr ynys tan yn ddiweddar iawn. Ac fel Sain Ffagan, ceir yma adeiladau a adleoliwyd yno o wahanol rannau o'r wlad. Os yw'r tywydd yn braf, mae fan hyn yn sicr o'ch plesio.

De Orllewin/Penrhyn Reykjanes

- Y "Blue Lagoon", neu'r Blaa Lonid mewn Islandeg, yn nhref Grindavik. Y pwll nofio enwocaf yng ngwledydd Llychlyn, heb os. Saif y pwll yma drws nesaf i waith swlffwr (dwi'n meddwl), sydd yn pwmpio allan dwr naturiol boeth o'r ddaear fel rhan o'r broses diwydiannol. Beth bynnag, mae'r dwr yn gynnes braf ac mewn lliw glas golau fflworesent. Y mae'r dwr hefyd yn llawn halwynau sydd yn gwella problemau croen megis psoriasis ac ecsema, fel y Mor Marw yn Israel.

- Thingvellir, ateb Gwlad yr Ia i Fachynlleth o bosib. Tua awran i'r dwyrain o'r brifddinas, hwn yw safle traddodiadol senedd-dy'r wlad, sef yr "Althing". Ceir hanes hir i'r Althing, sydd yn deillio'n ôl i'r oesoedd canol ac yn enwog am fod y corff democrataidd seneddol hynaf yn y byd.

Y Gogledd

- Fy atgof orau o'r gogledd yw ymweld a Myvatn - yn llythrennol "llyn y gwybaid". Y mae'r llyn hon ar blateau yng ngogledd ddwyrain yr ynys ac yn cael tywydd eithriadol o sych a chynnes yn ystod yr haf, diolch i gysgod glaw y mynyddoedd yng nghanol yr ynys. O fan hyn, gallwch fynd am gefn beic rownd y llyn, ymweld a phwerdai geothermal sydd yn cyflenwi trydan y wlad, hyd yn oed mynd ar fws 4x4 i ganol anial yr ynys.


Gallwn fynd ymlaen eto am gryn dipyn, ond mi wna'i ddarfod yn fanna. Mae'n siwr bod y lle wedi newid cryn dipyn mewn deng mlynedd, ond mi fetiaf bod y llefydd 'dwi di restru uchod dal yn atyniadau poblogaidd. Mae Gwlad yr Ia yn le llawn llefydd a phobl diddorol. Efallai bod y gost yn mynd yn erbyn y lle braidd, ond ar y cyfan ni chewch chi mo'ch siomi.

[Fflamingo gwyrdd]

Gwych Geraint, Diolch yn fawr. Dwi ddim yn llwyr gyfiawnhau gwario'n wirion yno...ond, mae Airmiles yn talu am y ffleit, felly bydd hynny'n cael ei gymryd i ystyriaeth wrth gynllunio'r gwario

Wedi bod yn British Columbia yng Nghanada ond heb fentro i'r Rockies, dwi ddim am hedfan i Wlad yr Ia a pheidio gweld y pethau mawrion. Mi fyswn i'n cicio'n hun am weddill f'oes os byswn i'n mynd draw yno, a dod adra heb fod yn y Lagŵn Glas.

[Jon Bon Jela]

Mi fyswn i'n cicio'n hun am weddill f'oes os byswn i'n mynd draw yno, a dod adra heb fod yn y Lagŵn Glas.

Hmm... mae'r lle braidd yn overrated. O'n i'n awyddus iawn i fynd yno ond dyma bron i bawb gwrddes i tra yno'n dweud i mi beidio a mynd wrth iddo gosti 40 ewro am fynediad ac ei bod hi'n llawn twristiaid ac nad oes lle i droi. Mae hyd yn oed y Lonely Planet yn dweud mai gwastraff arian ac amser yw e.

Mae pob pwll nofio yn y wlad wedi eu twymo gan ynni geothermal ta beth, felly mae'n rhatach i ti ymweld a Laugurdagur neu hyd yn oed y Green Lagoon yn Myvatn.

Es i ddim i'r Blue Lagoon yn y diwedd, ond fi'n siwr af i y tro nesaf.

[blanced_oren]

Ges i brofiad wych yng Ngwlad Yr Ia, OND do'n i ddim yn ffan mawr o Reykjavik o gwbl. Roedd hi'n ddigon neis ond dim lot i'w gweld.

Mae'r Blue Lagoon yn lle arbennig. Dwi'n argymell bo'ch chi'n mynd yno yn syth ar ol cyrraedd.

Swn i'n gweud bod hi'n hanfodol i logi car er mwyn gweld y llefydd mwyaf diddorol. Dydy safon y ffyrdd ddim yn gret - gwaeth na cefn gwlad cymru.

So fe'n rhy ddrud os dych chi'n aros mewn hostelau a choginio bwyd eich hyn.

Ewch ar trip snowmobile ar glacier. OK mae'n costio rhyw £80 ond gwerth pob ceiniog. Hefyd ewch i jokulsarlon:

http://www.hornafjordur.is/jokulsarlon

Roedd y tywydd yn newid yn gyflym. Fues i yno ym Mis Mehefin 2004. Am y 3 diwrnod cyntaf roedd hi''n heulog a tua 21 gradd. Wedyn roedd hi'n bwrw glaw bob dydd a teimlo mwy fel 10 gradd.

Rhaeadrau: Mae Geyser yn werth ei gweld, a Gullfoss a Svartifoss.

Lle gorau nes i aros: Hostel Bolti, Parc Cenedlaethol Skaftafell. Tai bach pert agos i'r glaciers, ar fryn gyda'r un o golygfeydd mwyaf ysblenydd dwi 'di gweld erioed.

Pob hwyl yng Ngwlad yr Ia.

[Jeni Wine]

argol, da chi'n bobol wybodus.
Reit - dwi a 8 arall yn mynd i Wlad yr Ia am benwsos hir ym mis Medi. Da ni'n gobeithio gawn ni weld yr Aurora Borealis felly da ni awydd mynd i aros mewn bwthyn mewn ardal wledig.

Oes gan unrhyw un dips? Ffansi ardal Llyn Mytavn fy hun ond sut faswn i'n cyrraedd fanno o Keflavik - fflio? car? Unrhyw awgrymiada ar be arall i neud tra bo ni yno?

hwyl

jeni x

[Geraint Edwards]

Helo Jeni Wine

Mae sut wyt ti am deithio o Reykjavik i Myvatn yn dibynnu yn llwyr ar dy gyllideb. Os wyt ti'n gallu ei fforddio, cer am y dewis cyntaf. Os ddim, mae siwr bod yr ail dewis yn well:

Drud a chyflym (tua 1 awr):
Mae cwmni awyrennau Myflug yn hedfan yn gyson i Reykjahlid o faes awyr Reykjavik (yr un domestig yng nghanol y dref h.y. Lofleidir, nid y maes awyr rhyngwladol yn Keflavik). Dwnim faint yw cost tocyn, ond mi fetiaf i fod o reit drud fel y rhan fwyaf o bethau yng Ngwlad yr Ia! Cyfeiriad gwe Myflug yw http://www.myflug.is am ragor o fanylion.

Llai drud ac arafach (diwrnod a hanner):
Os yw'r awyren ddim ar gael, yna'r peth gorau fyddai dal coets o ganolfan fysiau BSI yn Reykjavik am Akureyri, yna dal bws o Akureyri i Myvatn. Rhybydd: bydd y cymal cyntaf yn cymryd diwrnod cyfan, mewn rhai ffyrdd mae'n debyg iawn i'r Trawscambria!! Eto i gyd, gei di gyfle gwych i weld cefn gwlad yr ynys. Unwaith yn cyraedd Akureyri, cymer fws arall am gyfeiriad Reykjalid/Myvatn. Os nad oes un yn rhedeg erbyn iti gyraedd, beryg y bydd rhaid iti aros noson yn y dref er mwyn dal y cysylltiad y diwrnod wedyn. Ceir rhagor o fanylion am hyn, ynghyd a manylion bysiau gwennol o'r meysydd awyr i ganol Reykjavik, o wefan y BSI: http://www.bsi.is/index_english.html .

Gobeithio bod hwnna'n helpu

[Jeni Wine]

Helo Jeni Wine

Mae sut wyt ti am deithio o Reykjavik i Myvatn yn dibynnu yn llwyr ar dy gyllideb. Os wyt ti'n gallu ei fforddio, cer am y dewis cyntaf. Os ddim, mae siwr bod yr ail dewis yn well:

Drud a chyflym (tua 1 awr):
Mae cwmni awyrennau Myflug yn hedfan yn gyson i Reykjahlid o faes awyr Reykjavik (yr un domestig yng nghanol y dref h.y. Lofleidir, nid y maes awyr rhyngwladol yn Keflavik). Dwnim faint yw cost tocyn, ond mi fetiaf i fod o reit drud fel y rhan fwyaf o bethau yng Ngwlad yr Ia! Cyfeiriad gwe Myflug yw http://www.myflug.is am ragor o fanylion.

Llai drud ac arafach (diwrnod a hanner):
Os yw'r awyren ddim ar gael, yna'r peth gorau fyddai dal coets o ganolfan fysiau BSI yn Reykjavik am Akureyri, yna dal bws o Akureyri i Myvatn. Rhybydd: bydd y cymal cyntaf yn cymryd diwrnod cyfan, mewn rhai ffyrdd mae'n debyg iawn i'r Trawscambria!! Eto i gyd, gei di gyfle gwych i weld cefn gwlad yr ynys. Unwaith yn cyraedd Akureyri, cymer fws arall am gyfeiriad Reykjalid/Myvatn. Os nad oes un yn rhedeg erbyn iti gyraedd, beryg y bydd rhaid iti aros noson yn y dref er mwyn dal y cysylltiad y diwrnod wedyn. Ceir rhagor o fanylion am hyn, ynghyd a manylion bysiau gwennol o'r meysydd awyr i ganol Reykjavik, o wefan y BSI: http://www.bsi.is/index_english.html .

Gobeithio bod hwnna'n helpu

Hmmm, diolch o galon am dy help, Geraint. Newydd fod yn syrffio'r we rwan a mae o'n mynd i gostio tua £120 am docyn deuffordd i Akureyri ac yn ol. Dwi ddim yn siwr os fedrwn ni gyfiawnhau hynny am benwythnos hir. A dwi'm yn meddwl fedrwn ni gyfiawnhau mynd ar fws chwaith rili - fysan ni'n gorfod ei throi hi'n ol cyn inni gael cyfle i anadlu bron! Shitpants.

Tybad os oes na le agosach at Reykjavik lle y medrwn ni fwynhau ysblander y wlad?

[Jon Bon Jela]

Mae teithio cyhoeddus yn uffernol o ddrud yna... Costiodd hi £60 i mi fynd o Akureyri i Reykjavik! Byddai hedfan wedi bod yn rhatach!

[Jeni Wine]

Fflamingo!
Newydd ddod yn ol o Wlad yr Ia ac ew, gesh i amser wrth fy modd.
Mae'r lle yn uffernol o brydferth ac mi gymrish i at Reykjavik yn syth. Mae'n ddinas llawer llai nad o'n i wedi ddisgwyl ond mae'r tai zinc del yn rhoi charm eitha hyfryd i'r lle. Mi arhoson ni fan hyn oedd tua £45 yr un y noson. Lot gwell nag aros mewn rhyw hotel gont.

Mi drefnon ni ein bod yn cael guide i'r 8 ohonan ni am dridia cyfa (tua £80 y pen) ac mi oedd o werth pob ceiniog. Roedd o'n mynd a ni i le bynnag oeddan ni isio ac yn argymell tai bwyta ac yn dweud straeon wrthan ni am dylwyth teg ac ellyllon sy'n byw yn y creigiau. Mae'r Islandwyr yn llwyr gredu ym modolaeth y creaduriaid yma. Wir-yr wan. Nytars.

O'n i ddim yn siwr a oeddwn am fynd i'r Blue Lagoon ai peidio ar ol darllen yr edefyn yma ond mi esh i ac oooow, mi oedd o'n hyyyyyfryd! Mae o fel petaet ti ar blaned hollol wahanol yng nghanol y stem swlffwr a'r dwr llaethog glaswyrdd poeth. Mi athon ni yn y nos ac mi oedd hi reit oer tu allan felly mi oedd hi'n nefoedd cael llithro i mewn i'r pwll ac yfad coctel y "Blue Lagoon" tra'n ymlacio. Nefoedd ar y ddaear. Doedd hi ddim yn brysur iawn yno pan athonn ni, felly swn i'n argymell mynd yno gyda'r nos (ac i ddianc oddi wrth yr haid o ymwelwyr sy'n picio heibio cyn/ar ol ffleit o faes awyr Keflavik gerllaw).

Mi athon ni ar y Golden Circle efo Thorstein, ein guide ni, ac am dro ar hyd arfordir y de, oedd yn anhygoel. Traethau duon, gwyllt a'r tonna yn cynddeiriogi'r creigia ar ei hyd. Fuo bron inni fynd yn styc mewn ogof, a'r llanw yn dod i mewn yn sydyn ond mi lwyddon ni i redag nerth ein pegla a chwara chicin efo'r tonna.

Mi fuon ni allan ddwy noson ar y trot (drud ond da). Ma na glwb bach del o'r enw Sirkus yng nghanol Reykjavik ac mi welish i Kid Carpet yn perfformio yno ar y noson gynta. Andros o awyrgylch da. Mi ffendion ni dafarn rad yr ail noson (£3 am beint) a meddwi'n braf ar Brennivín - shnapps Gwlad yr Ia (a "Black Death" i'r twrists). Bendigedig.

Mi futon ni siarc di pydru (speshialiti Gwlad yr Ia). Mae o'n SGYM. A mi futon ni forfil amrwd di fygu yn y siop bysgod ddelia'n y byd, reit ar yr harbwr. Sea Baron di enw'r lle ac mae RHAID i chdi fynd yno er mwyn blasu'r cawl cimwch. Y peth gora dwi rioed di flasu a dwi'n deud hynna heb flewyn ar fy nhafod. Mae o'n cael ei wneud gan hen wr 102 mlwydd oed ac mae'r locals yn honni mai tylwythan deg ydi o.

Oooow, o'n i wrth fy modd efo'r lle a dwi am fynd yn ol am sgowt i ogledd yr ynys tro nesa. Ar ol i fi ennill y lotri.

Mwynha dy hun!

[Fflamingo gwyrdd]

Wwww - diolch am gofio amdana i Jeni!
Y Dyn yn gofyn os oes gen ti gyfeiriad/enw y dafarn "rad"! - odd o'n gyted ein bod ni ddim yno dros y penwythnos, ac yn colli'r runtur!