maes-e.com

Dim bod fi moen swnio'n smyg, ond dwi di bod yn dianc yr oerfel dros y Nadolig a'r flwyddyn newydd trwy fynd am antur bach i Thailand a Cambodia (dwi yn Bangkok reit nawr yn teipio hwn, gyda llaw ). Ond oes rhywyn yn gallu rhoi'r enwau Cymraeg cywir i mi am y gwledydd yma? Mae'r pobol Khmer yn Cambodia yn galw Kampuchea ar eu gwlad ac hen enw Thailand yw Siam. Eniwe, mae'n amazing yma. Ac yn rhyfeddol o gynnes. Mynd am swim fach yn y pwll ar to'r gwesty bore fory

Est ti ddim â Geiriadur yr Academi gyda ti?

Thailand = Gwlad y Thai / Gwlad y Tai / Siám

Cambodia = Cambodia

Dim byd o dan Kampuchea yn GyrA


Swnio'n grêt!

Swnio'n wych. Off y pwynt tamed bach (ond ymwneud a'r ochr ieithyddol Gymreig / Asiaidd) fues i'n treulio pythefnos yng Nghambodia rhai blynyddoedd yn ol, es i dalaith Mondulkiri yn y dwyrain ac aros mewn ty gorffwys Madame Deu.
Fe wnes i drefnu mynd ar daith beic modur gyda'i mab, aeth a fi i ymweld ag un o bentrefi brodorol yr ardal a ymdebygai i Ddinas Henllys yn sir Benfro. Ces wahoddiad i fewn un o'r tai a ceisiwyd fy nysgu i ddweud ambell i air yn eu hiaith (nid Khmer) wrth bwyntio at anifeiliaid - mochyn oedd 'tsor' ac ati, pwyntiwyd at iar a dywedwyd taw 'iar' ydoedd yn eu hiaith hwythau!!!!!!

Am restr enwau Cymraeg gwledydd, tria Wicipedia.

Ystyriwch y canlynol:

Saesneg - Cymraeg
Thailand - Gwlad Tai
Cambodia - Cambodia
Vietnam - Fietnam
Laos - Laos
Myanmar - Myanmar
Malaysia - Malaysia
Singapore - Singapôr
Indonesia - Indonesia
Phillipines - (Ynysoedd y) Pilipinas
Brunei - Brwnéi
East Timor - Dwyrain Timor
Papua New Guinea - Papwa Gini Newydd

sian a ddywedodd:Est ti ddim â Geiriadur yr Academi gyda ti?

Diolch bawb, braidd yn siomedig fod yr enwau Cymraeg mor debyd i'r rhai Saesneg, ond dyna ni. Oes yna wlad arall yn y byd sy'n galw Cymru ar ein cornel fach ni o'r byd? Synwn i os oes 'na...

Geraint Edwards a ddywedodd:Ystyriwch y canlynol:

Saesneg - Cymraeg
Myanmar - Myanmar

Y llywodraeth cyfredol (totalitaraidd - helynt gyda'n mynachoedd) sydd wedi newid enw ffurfiol y wlad i Myanmar. Burma neu Bwrma yw'r gwreiddiol a hefyd yr enw mae mwyafrif y wlad yn ei ffafrio gan gynnwys y wraig ne sydd o dan aresitiad tŷ sydd yn gwthio am lywodraeth democrataidd.

[Wedi gneud cywiriad bach uchod.]

huwwaters a ddywedodd:

Geraint Edwards a ddywedodd:Ystyriwch y canlynol:

Saesneg - Cymraeg
Myanmar - Myanmar

Wy'n credu o't ti'n olygu huwwaters...?!
Laos - yn yr iaith Laos 'Lao' ydyw'r ynganiad. Dyma'r ffordd o'i ynganu mewn llawer iawn o ieithoedd eraill hefyd, a deallais pan yno, mai dim ond Saeson oedd yn ei ynganu gyda'r lythyren 's' ddiwethaf.