Patagonia

gan **Leusa** » Sul 07 Rhag 2003 5:08 pm

Mai'n flwyddyn yn ôl ers i mi fod digon lwcus i fod yno [Mi aeth Chwadan, Branwen Llewellyn a fi yno hefo criw o ryw 20 o bobl ifanc y pentre].

Mae'n un lle y dylse pob Cymro fanteisio ar fynd yno, mae o'n wir yn ddarn coll o Gymru fel mae nhw'n i ddweud.

Yn gynta, mae yna lwyth o bobol sy'n siarad Cymraeg, a ma nhw'r bobl fwya croesawgar erioed. Er bo genyn nhw bron ddim pres bellach yno, ma'u haelioni nhw yn ddi-ddiwedd.

Yn ail, ma'r hanes sy'n bodoli yno yn anhygoel. Mae'r Cymreictod mor amlwg yno weithiau nes mae'n teimlo fel cerdded ar hyd stryd Llanuwchllyn neu Ddolgellau. Mi oedd na bobol bach hollol random yn ein cyfarch ni hefo 'Bore Da' wrth i ni basio nhw ar y stryd mewn Crysau Cymru - hollol amesing.

Yn drydydd, ma'r tirwedd a'r golygfeydd hefyd yn styning. Ma'r mynyddoedd o gwmpas Esquel hefo'r eira a ballu yn cymyd anadl rhywun. Ma'r llynoedd a'r coedwigoedd fel bod mewn stori tylwyth teg. Ac ar ol croesi'r paith i Gaiman, ma'r tirwedd mor wahanol - fel bod mewn dau ran hollol wahanol o'r byd.

Mi soniai fwy rwbryd.

Rhywun arall wedi bod yno?

gan **Chwadan** » Sul 07 Rhag 2003 10:42 pm

Fi!

Wsnos dwytha ges i gerdyn penblwydd gan Elis, cefnder fy nhaid, sy'n byw yn Nhrevelin. Atgofion melys!! Ath brodyr fy hen daid drosodd o Drawsfynydd ym 1912 yn 19, 18 a 15 oed a fi oedd y cynta o'r teulu arhosodd ar ôl i gwrdd neb o'u disgynyddion - oedd hynny'n brofiad hollol wych. Dwi'n trio cal fy nhad i fynd draw i weld ei yncls a'i gyfyrdyr rwan!

Cofio'r Steddfod Leusa!? Oedda ni mewn ryw gym enfawr yn Nhrelew a'r lle'n llawn dop o Gymry ac Archentwyr Cymreig. Nes i jyst cychwyn crio pan weles i'r Orsedd (dwi'n gneud yn bob Steddfod :rolio:

) ac ath petha'n waeth pan nath Andrea (oedd efo ni ar y daith) ennill y Gader! Ma na gymaint i ddeud, swn i'n gallu sgwennu llyfr - a mond am bythefnos on i yna, ond swn i'n deud wrth bob Cymro am fynd yna achos ma'r iaith yn prysur farw yna a ma'n wych mynd i rwla lle dydi'r Saesneg ddim ym mhobman (onibai fod genna chi griw camera dwl efo chi).

gan **Tracsiwt Gwyrdd** » Llun 08 Rhag 2003 12:10 pm

Ma gin i deulu yna'n ol y son. 'Swni wrth fy modd yn cal y cyfla... ond sud wti'n mynd o gwmpas peth felly dybad?!

gan **Siffrwd Helyg** » Llun 08 Rhag 2003 9:16 pm

Dwi wir ishe mynd i Batagonia rhyw ddiwrnod - on i eisie cymryd blwyddyn allan cyn mynd i'r coleg i fynd yna ond fi'n hollol skint a dwi'n teimlo bydd mwy o sians da fi cael gwaith yna rol cael gradd (er byddai siwr o fod hyd yn oed yn fwy skint ar ol coleg felly... :rolio:

)

Trip cyfnewid neu beth oedd hi Leusa a Chwadan?

Oes na unrhyw fudiadau sy'n trefnu gwaith mas na neu rhywbeth? Neu tripiau cyfnewid? Falle ai yna dros yr haf rhywbryd....

Besicali - fi bendant moin mynd na ond duw a wyr sut/pryd/ayyb!

gan **Leusa** » Llun 08 Rhag 2003 10:10 pm

Dim trip cyfnewid oedd o - mi enillion ni bres ar ryw gystadleuaeth ar y teledu, a gweld cyfle gwych i fynd yno am wyliau! Mi gathon ni berfformio mewn sawl cyngerdd, a cystadlu efo'r cor yn yr Eisteddfod fel oedd Chwads yn son.

gan **Chwadan** » Llun 08 Rhag 2003 10:17 pm

Mashwr fod Leusa mewn gwell sefyllfa i ddeud am hyn ond mi aeth ei chwaer yno fel rhan o'i blwyddyn allan - di petha ddim yn ddrud yno felly ti'm angen llawer mwy na phres teithio...

Os tisho lliw haul, paid a mynd yna pan mai'n haf yma!! Brrr!

gan **Leusa** » Llun 08 Rhag 2003 10:24 pm

Do, diolch Chwadan! Mi ath fy chwaer i [Grisial] i Gaiman am ryw 4 mis i fyw. Ni fuodd hi'n gweithio yno, ma'r economi mor wan yno nes dachi'n gallu byw ar nesa peth i ddim yn anffodus iawn iddyn nhw. Mae genon ni dipyn o gysylltiadau os oes rhywun isho cyfeiriadau rhywbryd am lefydd i letya.
Buodd hi yn teithio wedyn drwy Bolivia i Peru, a Chile a gwneud y daith hir at Machu Pichu - dweud ei fod yn hollol anhygoel.

Ga i jyst deud un peth pwysig 'ddo - os dachi'n mynd yno - byddwch yn barod am fod isho mynd yn ol! 'Dw i rioed di bod efo cymaint o hiraeth am ddim na neb yn fy mywyd ers dod oddi yno, a finna mond 'di bod yno am bythefnos.

gan **Siffrwd Helyg** » Maw 09 Rhag 2003 5:13 pm

Buodd hi yn teithio wedyn drwy Bolivia i Peru, a Chile a gwneud y daith hir at Machu Pichu - dweud ei fod yn hollol anhygoel.

Waw - swnio fel profiad ffantastic. Wrth glywed chi'ch dwy yn son am y lle dwi ishe mynd na fwy!!

Nai gymryd y cyngor a peidio mynd yn yr haf te!! (Er bod fi byth yn dal unrhyw liw haul tabeth!!!)

gan **Madrwyddygryf** » Maw 09 Rhag 2003 8:49 pm

Mi es i Batagonia nol yn Ebrill am pedwar wythnos. A mae'r lle yn anhygoel, jysd y ffantastig.

Roeddwn yn meddwl bod Esquel yn lle anhygoel, yn arbenning mynd i weld y Glacier yn Los Galegos. Wnaeth unrhyw un ohonoch fynd ar y Tren ?

Unrhyw un wedi bod yn Bariloche ? Dim ond diwrnod oeddwn yno. Ond wnes i aros mewn gwesty ffein am saith bunt. Bargen. :winc:

gan **Hogyn o Rachub** » Mer 10 Rhag 2003 1:15 pm

Byth wedi bod, ond fyswn i wrth fy mod yn mynd rhywbryd!

Patagonia

Patagonia

Pwy sydd ar-lein