Inter-reilio

gan **Geraint** » Maw 09 Rhag 2003 10:26 pm

Fi a rhai ffrindie wedi bod yn trafod y posibilrwydd o inter-reilio rownd rhai o ddinasoedd Ewrop. Rhywun di neud hwn o'r blaen? Syniad yn wych, mynd i Amsterdam, Prague, Rhufain, Barcelona, Paris er engrhaifft. Dwi wedi cael fy siomi o edrych ar y prisiau ar ywe-fan, drud, a ma'r 'zones' yn cyfyngu'n fawr ar be ellw chi wneud. Unrhyw sylwadau/awgrymiadau am wibdaith ar dren o Ewrop?

gan **Madrwyddygryf** » Maw 09 Rhag 2003 10:45 pm

Oeddwn ni yn gobeithio inter-reilio o gwmpas Ewrop ond yn y diwedd, penderfynais mynd i Ariannin yn lle.

Penderfyniad da dwi'n meddwl

gan **TXXI** » Mer 10 Rhag 2003 1:42 am

Fe wnes i hyn yn haf 2001 cyn dod i'r coleg. Nes i gal tocyn 2 zone am rhyw £180. Hedfan i Madrid (tua £40 easyJet) yna trafeilio i Valencia, Barcelona, yna penderfynu mynd i ffrainc. gofyn am dren i paris-dim, tren i nice-dim unig dren oedd yn mynd i ffrainc yn stopio ar y ffin-hon oedd noson orau fy nhrip. cyrraedd y dref ar yr arfordir - dim mwy o drenau felly cysgu ar y traeth gyda gig awyr agored yn mynd mlaen yr un pryd-gwych! eniwe yna mynd i nice, lyon, dijon, paris, peint yng ngwlad belg a gorffen yn amsterdam! mae'r tocyn werth pob ceiniog!!! Am drafeilio o gwmpas de america wedi i mi orffen coleg flwyddyn yma!

gan **eusebio** » Mer 10 Rhag 2003 11:08 am

Nes i hyn pan yn y coleg, ond yr adeg hynny roedd un tocyn yn caniatau rhywun fynd trwy holl wledydd Ewrop (a Morocco).

Ym 1989 bues i yn yr Iseldiroedd, Yr Almaen, Denmarc, Tsecoslofacia (fel ac yr oedd), Awstria, Bwlgaria, Romania, Hwngari, Swistir, Yr Eidal a Ffrainc - i gyd mewn 4 wythnos!

Ym 1990 wedi teithio dros y lle penderfynais fynd yn ôl i'r Almaen, Hwngari, Swistir a'r Eidal am fwy o 'leisurely stroll'!!

Gwych o beth i'w wneud yn y dyddie hynny - troi i fyny mewn gorsaf drennau a jyst cymryd tren i lle bynnag oedd yn mynd â'r ffansi ...

gan **Cardi Bach** » Mer 10 Rhag 2003 11:37 am

Syniad gwych Bu i'n whar i neud hynny rai blynyddoedd yn ol a chal tocyn 2 zone yn gymharol rhad. Ath hi o'r Almaen lawr i'r Dalmation Coast a gweud mai y Dalmation Coast odd un o'r llefydd prydfertha iddi ymweld a hi (ma ddi wedi bod ar hyd y byd i gyd, cred ti fi!).

Wy'n gobeitho neud hyn yn hwyr neu hwyrach, a mynd draw i ddwyrain Ewrop.

Rho wybodaeth am dy drip os ceu di amser Ger.

gan **eusebio** » Mer 10 Rhag 2003 11:55 am

Os ti'n mynd i Ddwyrain Ewrop, rho floedd Cardi.
'Dwi wedi teitio cryn dipyn tu ôl i'r hen len haearn yn ddiweddar.

gan **eusebio** » Mer 17 Rhag 2003 11:10 am

Geraint - dwi wedi bod yn edrych ar y safle we - oes gen ti syniad i pa wledydd yr hoffet ti fynd?

gan **Geraint** » Mer 17 Rhag 2003 11:32 am

Ffrainc, Iseldiroedd, Spaen, Tsiec ar Eidal bydde'n ideal, ond ma hynna tua 5 zone. falle fydd rhaid torri allan spaen, prague neu'r eidal.

gan **eusebio** » Mer 17 Rhag 2003 11:41 am

Geraint a ddywedodd:Ffrainc, Iseldiroedd, Spaen, Tsiec ar Eidal bydde'n ideal, ond ma hynna tua 5 zone. falle fydd rhaid torri allan spaen, prague neu'r eidal.

Hmmmm! Alli di ddim fod wedi dewis gwledydd sydd yn disgyn yn yr un 'zone'?

Yn bersonol, mae'n well o lawer gen i wledydd Dwyrain Ewrop. Maent mor wahanol ac llawer mwy diddorol.
Tydw i ddim yn ffa mawr o Ffrainc, nac o'r Eidal chwaith a bod yn onest!

gan **eusebio** » Mer 17 Rhag 2003 11:48 am

Zones B, D ac H fyddwn i'n ymweld â hwy eto.

Inter-reilio

Inter-reilio

Pwy sydd ar-lein