maes-e.com

Dyma ddechre arni...

1)Ikea.
2)Bae Abertawe - Dechre ym mhentre Margam, pasio'r gwaith dur, drwy dre Port Talbot, i fyny drwy Baglan Energy Park a'r pwerdy nwy newydd at ddocie Baglan ac i fyny drwy stad gownsil Giants Grave. Lyfli.
3)Brynamman.

Caergybi, sef 'dre'. Mae o di mynd yn rel twll o le.
(sbiwch, dwi'n medru odli hefyd )

Anodd meddwl am rywle arall yng Ngymru fach dwi di bod iddi, sy'n le afiach a dweud y gwir. Ynyswr ydw i cofiwch.

Dydi Llandudno ddim yn le braf iawn i fynd am dro, llawn o hen fobl a mae'n chwythu'n arw yna!!

Rhyl - does dim angen dweud mwy!

garynysmon a ddywedodd:Caergybi, sef 'dre'. Mae o di mynd yn rel twll o le.
(sbiwch, dwi'n medru odli hefyd )

Nonsens llwyr!
Wyt ti erioed wedi bod am dro o gwmpas Ynys Lawd? Does 'na'm llawer o lefydd hyfrytach yng Nghymru.
Yna gelli di gerdded o gwmpas Parc y Morglawdd i fyny at North Stack ac i fyny at Fynydd Twr.

Mae gormod o bobol yn rhy sydyn i ladd ar Gaergybi heb feddwl

Port Talbot.
Benllech yn yr haf (na, dyw e ddim yn nefoedd o bell blydi ffordd)
Bonymaen. O ie. Neu falle Banwen.

eusebio a ddywedodd:

garynysmon a ddywedodd:Caergybi, sef 'dre'. Mae o di mynd yn rel twll o le.
(sbiwch, dwi'n medru odli hefyd )

Nonsens llwyr!
Wyt ti erioed wedi bod am dro o gwmpas Ynys Lawd? Does 'na'm llawer o lefydd hyfrytach yng Nghymru.
Yna gelli di gerdded o gwmpas Parc y Morglawdd i fyny at North Stack ac i fyny at Fynydd Twr.

Mae gormod o bobol yn rhy sydyn i ladd ar Gaergybi heb feddwl

Son am y dre ei hun ydw i, mae Ynys Cybi ei hun yn le godidog dros ben. Mae Rhoscolyn yn uffar o le neis hefyd, ond Dre yn edrych yn waeth bob tro dwi'n mynd drwyddi. Mae angen pres mawr yn fanno, a dim wastio'r cyfan ar rhyw gloc mawr ar y ffrynt chwaith. Fe ro'n i yn mynd i Breakwater park yn aml pan oeddwn yn blentyn.

Gorfod cytuno efo dref Caergybi, yn anffodus, ond fel ma Eusebio'n deud ma'r ynys ei hyn yn le del iawn.

* Rhywle ar y Costa Geriatrica. Hyll iawn.
* St Mellons yn Gaerdydd. Holwch ddim bellach, plis. Butetown, hefyd.
* Llanbrynmair wastad yn lladd ar yr ysbryd. Edrych yn le diflas tu hwnt a fawr o'm byd del o gwmpas.
* Merthyr Tudful. Am dref hyll.

Wy'n dechre swnio fel tiwn gron, ond Casnewydd. Casau'r lle.

Ddim yn or-hoff o Lanelli chwaith.

Tremorfa.

Crymlin yng Ngwent.

Y darn rhwng Hafodyrynys a Phont-y-pwl, sydd yn slag heap lle maen nhw wedi tyfu coed a phorfa ac ati mewn ymgais i 'neud i'r lle edrych yn hyfryd ac adfer y tir. Mae 'na greyr plastig 'na i geisio denu creyrod iawn i nythu 'na, ond wy erioed wedi gweld yr un creyr iawn. Maen nhw siwr o fod yn hedfan 'na, gweld pa mor llwm yw'r lle ac yn ffwcian bant 'to. Chi'n methu cael radio 'na, ac mae na un o'r tyrrau glanhau glo yno o hyd. Sori i fynd 'mlaen am y lle, ond roedd y bws ysgol yn mynd ar hyd yr hewl ddwywaith bob dydd am saith mlynedd.

Llanfrothen. Ma'r lle yn evil.

Gruff Goch a ddywedodd:Llanfrothen. Ma'r lle yn evil.

Mond os ti'n mynd ar goll yn y goedwig yn y nos. Os ti'n aros yn Ring, ma'n hwyl.