Cwmni wrth deithio

[Gwen]

Mae'n debyg y bydd yr ymateb yn amrywio ychydig. Mi fuaswn i'n disgwyl i deithwyr "o ddifri" ddeud ei bod hi'n well ganddyn nhw deithio ar eu pennau eu hunain, ac i rai ieuengach ar y cyfan ddweud eu bod yn mwynhau gwyliau gyda chriw mawr, ond mae croeso i chi anghytuno hefo fi wrth gwrs!

[Hogyn o Rachub]

Beth wyt ti'n ei olygu drwy 'deithio', Gwen, ynteu dim ond jyst teithio mewn car/trên a.y.y.b. neu mynd ar wyliau i rywle?

Yn bersonol dw i'n eithaf hoff o deithio gyda ffrind neu ddau. Mae'n siwr bod yr un peth yn wir am fynd ar wyliau hefyd imi.

[Gwen]

O, ia - mynd ar wyliau on i'n feddwl.

[Hogyn o Rachub]

Dibynnu felly pa fath o wyliau ti'n mynd ar, dw i'n meddwl. Fyddwn i byth yn mynd i glybio'n Ibiza efo Nain (nac ar fy mhen fy hun, a dweud y gwir. Llawer gwell cwmni ffrindiau). Ond eto os tisho jyst 'i chymryd hi'n araf mae'n well gen i fynd efo'r teulu.

[Tracsiwt Gwyrdd]

yn union. ma'i'n dibynnu lle, ac am ba hyd, tisho mynd. wna' i byth deithio am sbelan hir efo cariad eto, ma hynny yn bendant. oedd o'n union fatha difors araf... araf...poenus. . dwi heb neud llawar iawn o deithio, ond pan eshi ar fy mhen fy hun i affrica geshi'r amsar a'r profiada mwya anhygoel dwi rioed 'di 'u cael. geshi amsar i feddwl a bod yn fi'n hun, heb neb o 'ngorffennol i yno i darfu, yn ogystal a theimlo'n reit falch 'mod i 'di llwyddo ar fy mhen fy hun. dim ond mis oedd o, ac mi oni'n aros mewn un lle, felly 'dio ddim yn hardcor iawn i gymharu efo pobl sy'n mynd rownd y byd ar 'u penna' u hunain. ond nath o ddangos i mi fod o'n bosib. dwi'n son am fynd rownd y byd efo ffrind da i fi, a dwi'n gwbod y basa fo'n gweithio. ond ma angan meddwl yn ddwys os wti'n mynd i allu bod efo rhywun drwy'r dydd bob dydd am jync hir o dy fywyd. (ddysgish i hynny o'r difors a nodwyd uchod). colli'r gymraeg neshi fwya, ac yn ffendio fo'n od iawn i'w siarad hi o gwbl pan ddoish i adra. drwy sgwennu a darllan lot o gymraeg oedd yr unig ffordd oni'n gallu diodda. ma pob sefyllfa, ac unigolyn, yn wahanol. ooooo dwisho mynd i ffwrdd eto.

[Blewyn]

Cytuno'n hollol Tracsiwt Gwyrdd. Pan ar ben eich hun ma'na dueddiad i grywdro'n ara deg ac ar fympwy, a newid cynlluniau ar fympwy. Lot brafiach na gorfod cytuno cynllun efo rhywun arall. Hefyd pan es i ar ben fy hun mi wnes lawer mwy o ffrindiau achos r'oedd raid i mi fynd a siarad efo pobl newydd er mwyn cael rhyw fath o gysylltiad dynol. Mae'r teimlad o ryddid a posibilrwydd sy'n dod o deithio ar ben eich hun yn braf iawn.

Blewyn

[Gowpi]

Cytuno a'r hyn a nodwyd uchod hefyd.
Pan yn 18 bues i'n byw yn Israel - mynd draw wrth fy hun ond neud lot o ffrindie a theithio gyda ffrind am 3 wythnos yn yr Aifft a Jeriwsalem, odd yn gret ond pethe bach yn mynd ar fy nerfau amdano wrth i'r siwrne fynd mlaen.
Teithio wedyn am fis a ffrind da yn nwyrain Ewrop odd yn gret, achos wrth gwrs o'n ni'n nabod ein gilydd yn dda, fe gwympo'n ni mas unwaith, ond fydden i ddim wedi gallu ei wneud hebddi.
Teithio wedyn ar fy mhen fy hun yn Asia pan yn hyn gyda mwy o brofiad, ac odd hwnnw hefyd yn anhygoel - cwrdd a lot mwy o bobol, ti'n ei theimlo'n haws i siarad ag eraill, ac eraill yn dy weld di yn fwy approachable. Ti'n dilyn dy drwyn dy hunan, dim cwympo mas ayb ond yn gallu mynd yn unig ar adegau - fe es i drwy llwyth o lyfrau darllen!
Cachu hwch, be' fi'n dda yng Nghaerfyrddin...?