Lesotho

[Mwddrwg]

dwi'n gobeithio treulio cyfnod 'elective' fy nghwrs yma. dwi'n gwybod bod y wlad yn fynyddig a hardd iawn ond yn anffodus o dlawd - tlotach na de affrica sydd yn amgylchynu'r wlad fach yma.

mae gan lesotho gysylltiadau a chymru (dolen cymru) felly o'n i jyst yn wyndro os oes 'na rywun wedi bod draw yno? ac ym mha gyd-destun? pa ganran o'r boblogaeth sy'n deall saesneg?

[Owain]

Ma Dad di bod draw 'na cwpl o weithiau efo Dolen Cymru. Gwlad dlawd uffernol ond pobl gyfeillgar ofnadwy sy'n trin ymwelwyr fel brenhinoedd. Dwi'n meddwl bod na nifer yn siarad Saesneg yno ond dwn i ddim pa ganran.

[lleufer]

http://www.dolencymru.com/

"Saesneg a Sesotho yw ieithoedd swyddogol Lesotho. Siaredir Zulu a Xhosa hefyd gan y rhai sy’n gweithio ym mwyngloddiau De Affrica neu sydd ­ chysylltiad ag ardaloedd Transkei yn Ne Affrica"

http://www.geohive.com/global/linkg.php?xml=language&xsl=language

http://en.wikipedia.org/wiki/Lesotho

Gobeithio bydd rhain o help

[Aranwr]

Es i allan i Lesotho yn yr Haf gyda pump disgybl arall o'r ysgol, dau gynrychiolydd o'r Urdd ac un o Dolen Cymru. Roedden ni'n gwneud gwaith gwirfoddol mewn pentref bach anghysbell yn codi... toiledau! Gwaith caled ond o'dd e'n werth e. Joies i mas draw ac ro'dd e'n brofiad nath wneud i mi feddwl yn fwy ambiti'r pethe ni'n 'u cymryd yn ganiataol. O'm mhrofiad i, roedd y mwyafrif yn siarad rhywfath o Saesneg gyda nifer helaeth o'r ieuenctid yn ei siarad yn dda. Maen nhw'n bobl croesawgar iawn ac yn trin pob dyn gwyn fel duw. Roedden nhw'n teimlo 'ngwallt i ac yn chwythu blew 'mreichie i'w gweld nhw'n codi ac yn disgyn. Ar diwedd y daith, pan ffarweliom ni a'r pentref, roedd gweld eu gwerthfawrogiad am roddion bach fel pensiliau neu bel-droed yn ysgytwol. Ymwelom ni a Maseru, y brifddinas hefyd ac roedd hynny'n hwyl. Hefyd, aethom ni i mewn i fynydd-dir anghysbell Lesotho - sy'n 'must-see' oherwydd y golygfeydd trawiadol a'r ffordd syml a chaled y mae'r bobl yn byw. Mae holl wlad Lesotho ar dir sy'n uwch na'r Wyddfa, gyda llaw, felly cer a pharacetamols ne be bynnag 'da ti a digon o ddillad twym hefyd achos ma' ddi'n rhewi yn y nos. A cer a sun-cream chos anghofion ni fe a sdim cymyle yn Lesotho felly nei di losgi yn y dydd. Gostodd botel o'r stwff £17 i'm ni mewn rhyw fferyllfa bach dodgy yn Maseru.

Os wyt ti am gael dy daflu i ganol y trydydd byd dyma'r lle i fynd. Mae e'n gwbwl wahanol i'n byd bach ni o gysur ond mae'r bobl yn dal i fod yn llawen a chroesawgar. Mi gei di brofiad i bara oes.

Gelli di ffindo mas mwy am y daith es i arni a mwy am Lesotho ar we-fan yr Urdd neu Dolen Cymru. "Lle Chwech Gwell" oedd enw'r daith ac os deipi di hwnna mewn i Google ma' 'na linyn o ymatebion!

Pob lwc!

http://www.urdd.org/cyffredinol/Cyd%20d ... gwell.html

[huwcyn1982]

Dwi off i Lesotho yn y flwyddyn newydd (chwefror neu mawrth) am bythefnos.

Dwi'n mynd allan ar ben fy hun i gwrdd a dad sy'n gweithio mewn ysbyty 'na am rai fisoedd. Oes gan unrhywun awgrymiadau am sut i gyrraedd 'na (debyg rhaid mynd trwy jo'burg?) ac unrhyw lefydd must-see!

Dwi'n neud bach o newyddiaduro tra bo' fi mas na, felly dwi am gwbod y da a'r drwg o'ch brofiad chi.

[huwcyn1982]

Dwi nawr yn mynd allan am 10 diwrnod ar ddiwedd mis Chwefror! Edrych mlaen yn fawr, ond dwi dal yn ansicr be sy'n aros amdana fi er bo fi di gwglo popeth am y wlad yn ddiddiwedd!