Ble Wyt Ti Rhwng? gan Hefin Wyn

[Lals]

Oes rhywun wedi darllen Blerwytirhwng? Hanes canu poblogaidd Cymraeg o 1980-2000 gan Hefin Wyn eto? Beth dych chi'n feddwl? Dw i bron wedi ei orffen ond rhaid i mi gyfaddef dw i wedi neidio dros ambell i bennod.

[nicdafis]

Ddim wedi cael copi eto, ond dw i'n edrych ymlaen at ei ddarllen.

[dafydd]

Dwi newydd archebu hwn o Gwales hefyd. Roedd y llyfr blaenorol gan Hefin Wyn (yn dilyn yr hanes o 1940au i 1980) yn dda ond mi fydd hwn mwy o ddiddordeb i fi.

[Cawslyd]

Dwi di cal cipolwg ar y llyfr, swnio'n ddiddorol ond efallai braidd yn hirwyntog. Dwi'n bwriad'i brynu o, ddo.

[Iwan]

Edrych ymlaen i'w ddarllen. Ydio yn y siopau lleol eto??

[løvgreen]

Dwi wrthi'n ei ddarllen o. Mae o'n swmpus iawn, ond dwi'm yn dallt pam y base dyn yn mynd ati i sgwennu llyfr mor swmpus, ond wedyn ddim yn trafferthu i gael ei ffeithiau'n gywir.
O safbwynt personol, mae'n dweud fy mod i wedi dysgu Cymraeg. Ar ba sail? Am fod gen i gyfenw diarth? Dwi'n cymryd hynny fel insylt i'm rhieni, yn awgrymu na wnaethon nhw basio'r iaith ymlaen imi.
Mae hefyd yn deud fy mod i efo'r grwp Doctor pan o'n i'n fyfyriwr yn Aberystwyth. Anghywir eto, Hef.
Rwan ydw i i fod i goelio be mae o'n ddeud am bawb arall?
Pan oedd Hefin Wyn yn golofnydd pop yn y Cymro roeddech chi wastad yn gorfod cymryd ei sgribliadau gyda phinsiad go lew o halen.
Mae angen sachaid o halen efo'r llyfr yma, yn anffodus.

[benni hyll]

Sori i glywed am dy deimladau am y wybodaeth anghywir Geraint. Trueni bod hwn wedi lliwio dy olwg ar weddill gwaith caled Hefin Wyn.

Byswn i'n hoffi dweud mod i di darllen y 100 tudalen gynta, a fel rhywun oedd ddim yn gwybod am gerddoriaeth Gymraeg tan oni'n 16 (16 mlynedd yn ol!) dwi'n ffeindio'r llyfr yn un diddorol a defnyddiol dros ben. Petai llyfr o'r fath neu hyd yn oed y wybodaeth graidd ar gael pan oni'n 16 fyswn i di neidio ar y cyfle i ddarllen am hanesion y sin roc yn ei hieuenctid. Yn anffodus, roedd rhaid i mi addysgu fy hun am gerddoriaeth Gymraeg sy di bod yn lot o waith a di cymryd lot o fwydro pobl hyn (to bach) i ffeindio pethau allan!

Darllenais i'r llyfr cynta', 'Be Bop A Liwla'r Delyn Aur' ac oedd o'n lyfr ffantastic. Ma' hwn yn mynd i'r un trywydd ar hyn o bryd. I rywun fatha fi gath ei fagu ar aelwyd di-Gymraeg ma'r elfennau hanesyddol yn holl-bwysig i fi. Nid yn unig y ffeithiau am y gerddoriaeth sydd o ddiddordeb i fi ond y cyd-destun hanesyddol ma' Hefin Wyn yn gosod y gerddoriaeth ynddo. Well gen i o lawer ddarllen llyfr fel hwn i ddysgu am hanes fy ngwald a cherddoriaeth y wlad honno na rhyw lyfr hanes 'swyddogol'.

Dwi'n credu dyle unrhywun sydd yn darllen neu'n cyfrannu at yr edefyns yn y seiat gerddorol ar y maes brynu'r llyfr a'i ddarllen. Mae'r wybodaeth sydd ynddo yn amhrisiadwy os dych chi'n ffan o gerddoriaeth Gymraeg gyfoes. Er mwyn gwerthfawrogi lle dyn ni ni heddiw mae'n rhaid gwybod am y gorffennol.

[løvgreen]

Mae'r wybodaeth sydd ynddo yn amhrisiadwy os dych chi'n ffan o gerddoriaeth Gymraeg gyfoes. Er mwyn gwerthfawrogi lle dyn ni ni heddiw mae'n rhaid gwybod am y gorffennol.

Yn hollol, dwi'n cytuno efo ti, ond os ydi'r wybodaeth yn anghywir pa werth ydio wedyn?

[sian]

[quote="l

[Iesu Nicky Grist]

[quote="l