Ble Wyt Ti Rhwng? gan Hefin Wyn

Trafod y sîn, adolygiadau gigs, CDs newydd ac ati

Cymedrolwyr: Mihangel Macintosh, Rhys Llwyd

Rheolau’r seiat
Trafod y sîn, adolygiadau gigs, CDs newydd ayb. Mae seiat arbennig ar gyfer hysbysebu gigs. Pwyswch yma i ddarllen canllawiau cyffredinol maes-e.

Postiogan benni hyll » Iau 25 Mai 2006 4:58 pm

khmer hun a ddywedodd:W, falle mai Oasis 'naeth achub y SRG, nid Anweledig na dodgy pills...


Mae gen ti bwynt fanna. A'r peth trist am ddylanwad Oasis a Britpop yn gyffredinnol ar atgyfodiad yr SRG ydy sut nath o ganiatau i lwyth o fandiau cachu pub-rock feddwl taw nhw oedd yr Oasis nesa ar ol chwarae dau gig yn Nhafarn Y *insert stereotypical enw Cymraeg am pyb fan hyn*, Llancachu, Gogledd Cymru.

Ac ma' nhw dal i fod yn bla ar sin 'pub gigs' Gogledd Cymru hyd heddiw. Bandiau sy'n meddwl bod nhw'n amazing ac yn torri tir newydd tra'r cwbl ma' nhw'n neud ydy ail-gylchu'r un hen shite a trio bod yn Noel Gallagher neu Ian Brown.

Ma' nhw'n gwbod pwy ydyn nhw.
I can't control my heart rate, I got a cougar on me.
Rhithffurf defnyddiwr
benni hyll
Defnyddiwr Aur
Defnyddiwr Aur
 
Negeseuon: 2065
Ymunwyd: Llun 16 Chw 2004 2:19 pm

Postiogan Gorwel Roberts » Gwe 26 Mai 2006 7:55 am

[quote="benni hyll"Os rhywbeth, beth ddigwydodd yn y cyfnod yna oedd twf a phoblogrwydd cerddoriaeth bop fel Eden, Mega a Cic (nath yn ei sgil esgor ar yr holl Pheena, Taliah, TNT, Martin John, etc)

*SHUDDER*[/quote]

Pwynt teg ac arswydus, dwi'n cofio meddwl ff***n hel y peth gorau Cymraeg ar y radio ydi Mega! Mae hynny'n dweud lot. Sefyllfa debyg iawn i'r un cyn y Beatles - sgwennwyr caneuon y Brill Building a miwisg yn cael ei basio lawr i'r bobl gan y cyfryngau/corfforaethau. (Gweler "The People's Music" Ian McDonald). Neu'r sefyllfa tua dechrau'r 80au cyn Anhrefn/Tynal Tywyll/Y Cyrff. Felly does dim angen poeni am yr SRG, mae'n mynd ac yn dod fel llanw a thrai.
Gorwel Roberts
Defnyddiwr Aur
Defnyddiwr Aur
 
Negeseuon: 1550
Ymunwyd: Iau 19 Rhag 2002 3:23 pm
Lleoliad: Aberystwyth

Postiogan Lals » Sad 27 Mai 2006 12:17 pm

A beth am y dyfodol?
"ti'n gwybod be i neud pan dwisio mwytha"
Lals
Defnyddiwr Efydd
Defnyddiwr Efydd
 
Negeseuon: 237
Ymunwyd: Mer 08 Maw 2006 9:27 pm
Lleoliad: Caernarfon

Postiogan Gorwel Roberts » Sad 27 Mai 2006 7:37 pm

Mae'r dyfodol o gwmpas yn barod!
Gorwel Roberts
Defnyddiwr Aur
Defnyddiwr Aur
 
Negeseuon: 1550
Ymunwyd: Iau 19 Rhag 2002 3:23 pm
Lleoliad: Aberystwyth

Postiogan khmer hun » Iau 01 Meh 2006 11:40 am

Yn mwynhau darllen y llyfr yn fawr. Hoffi'r ffordd mae'n llifo'n rhwydd o un fand i'r llall - seamless fel 'tae. Ond ffaelu stopo'n hun rhag neidio i'r penodau sy' fwya' perthnasol i f'atgofion i o hyd, drato...

Rhai bandie da ar goll - fel y Gofodwyr Piws - tra bod y band byrhoedlog Tips Wyn Gruffydd o Aber yno. Shwd o'dd e'n ffeindio mas am y bandie mwy 'obscure' tybed?
Rhithffurf defnyddiwr
khmer hun
Defnyddiwr Aur
Defnyddiwr Aur
 
Negeseuon: 1285
Ymunwyd: Maw 01 Chw 2005 8:51 pm
Lleoliad: cyffyrddus iawn

Postiogan Iesu Nicky Grist » Iau 01 Meh 2006 12:18 pm

khmer hun a ddywedodd:Shwd o'dd e'n ffeindio mas am y bandie mwy 'obscure' tybed?


Ma Hefin Wyn 'da'i fys ar y pwls pan ddaw i bethe "obscure" ac "amgen". 'Mond wythnos d'wetha' o'n i dag e'n chwifio "ffyn-tywyn" mewn rave ger cofeb Waldo yn Monachoclock-a-doo. 8)
Yn enw'r Tad, y Mab, a Juha Kankkunen
Rhithffurf defnyddiwr
Iesu Nicky Grist
Defnyddiwr Aur
Defnyddiwr Aur
 
Negeseuon: 2744
Ymunwyd: Iau 08 Ebr 2004 10:27 am
Lleoliad: sied go'd

Postiogan løvgreen » Iau 01 Meh 2006 3:33 pm

khmer hun a ddywedodd:Rhai bandie da ar goll - fel y Gofodwyr Piws -

Ew ie, da oedd y Gofodwyr Piws - o'n i wedi anghofio popeth amdanyn nhw!
Rhithffurf defnyddiwr
løvgreen
Defnyddiwr Arian
Defnyddiwr Arian
 
Negeseuon: 863
Ymunwyd: Iau 10 Ebr 2003 11:08 pm

Postiogan Gorwel Roberts » Iau 01 Meh 2006 5:51 pm

Ga' i fod yn lladmerydd dros yr SRG? Pam nad oes yna fandiau fel yna heddiw efo enwau difyr Cymraeg? Gofodwyr Piws, ew, da. Yntydi'r enw'n gwneud i chi fod isio eu clywed nhw? Falle yn y pyb, falle yn y gofod.
Gorwel Roberts
Defnyddiwr Aur
Defnyddiwr Aur
 
Negeseuon: 1550
Ymunwyd: Iau 19 Rhag 2002 3:23 pm
Lleoliad: Aberystwyth

Mising ddy Point

Postiogan Gwyrosydd » Sul 11 Meh 2006 3:13 pm

Dwi newydd orffen darllen y gyfrol ac am ymateb rhyw ychydig.

Mae Hefin Wyn wedi gweithio'n galed ar y llyfr - llawer o waith ymchwil a phob clod iddo am hynny.

Fodd bynnag, fel un oedd, dwi'n credu, yng nghanol y sin drwy'r 80au a'r rhan fwyaf o'r 90au, dwi'n teimlo yn y pendraw fod Hefin Wyn wedi methu'r pwynt yn gyfangwbl.

Mae tuedd i'w farn ogwyddo'r gwir, a'r farn honno yn deillio o ddiffyg deall y sefyllfa. Dwi'n cyfeirio yn benodol at ei dristwch o weld Sobin a'i gyfeillion yn cael amser caled gan Sothach ac ati, ynghyd a'i farn am yr Anhrefn a'r byd cerddoriaeth danddaearol fu drwy'r ddau ddegawd. Hefyd hoffwn rannu gair neu ddau am ganu'n Saesneg.

'Roedd dau reswm dros gynnal diwylliant poblogaidd Cymraeg ei iaith. Y cyntaf oedd i hyrwyddo'r iaith ymhlith ieuenctid Cymru ac i geisio, yn ol delfryd Rhys Mwyn, rhoi'r gair cwl a'r Gymraeg yn yr un frawddeg. 'Roedd e'n fwriad gwbl wleidyddol - ceisio perswadio Cymry ifanc oedd yn gallu'r Gymraeg, neu nad oedd yn gallu'r Gymraeg, i wrando ar yr iaith yn naturiol ac i ymddiddori ynddi, a gobeithio - ei dysgu a'i siarad. Yr ail reswm oedd i ddiddanu - y Cymry Cymraeg yn bennaf, ond unrhywun oedd yn fodlon gwrando.

Mae'n deg dweud nad oedd y rhan fwyaf o'r bandiau wedi deall yr uchod - 'roedden nhw'n ddifrifol gymeryd eu hunain o ddifri ac yn credu eu bod am newid y byd gyda'u cerddoriaeth a chaneuon am gariad coll ac ati. Ond 'roedd rhai, wrth gwrs, yn deall y crac.

Af i fanylu. Er mwyn cynnal byd o ddiwylliant Cymraeg i ddenu'r ieuenctid 'roedd yn angenrheidiol cael rhan o'r sin yn danddaearol, a'r rheini yn casau'r Sobins ac ati ar goedd. 'Roedd hi'n hollbwysig fod Sothach a'i debyg yn lladd ar y canu pop canol y ffordd er mwyn rhoi hygrededd i'r sin danddaearol. Drwy wneud hyn 'roedd hi'n bosib cael dwy sin Gymraeg yn cydfyw gyda gwrthuni iachus rhyngddynt. Byddai gan ddwy sin gyfle i ddylanwadu ar ddau griw o gefnogwyr. 'Roedd yr adolygwyr ac ati yn ddigon call i ddeall hynny ac i hyrwyddo'r elyniaeth ffug er mwyn creu delwedd o ddwy sin. 'Roedd Rhys Mwyn a'i griw yn deall hynny ac mae'n rhyfedd ystyried efallai nad oedd Bryn Fon a'r gang yn ei ddeall yn yr un modd (dwi'n cofio Bryn Fon yn ymosod yn eiriol i wyneb un o'r rhai fu'n lladd arno yn Sothach). Artiffisial llwyr oedd yr elyniaeth. Gem oedd hi, chwarae'r gem oedd bois Sothach a chwarae'r gem oedd pawb oedd gyda unrhyw grap ar wleidyddiaeth y sin. Nid oedd yn wahanol o gwbl i'r NME yn lladd ar Queen a'r gobaith oedd y byddai'r canlyniadau gwleidyddol yn y pendraw yn hyrwyddo'r Gymraeg a Chymreictod. Yr unig reswm i grwpiau fynd i ganu ar draws Lloegr drwy gyfrwng y Gymraeg oedd i geisio ol-ddylanwadu ar y gynulleidfa Gymraeg gartref - h.y. y meddwl oedd pe byddai ieuenctid dinasoedd Lloegr yn cael eu dylanwadu i feddwl fod canu'n Gymraeg yn dderbyniol, yna byddai ieuenctid Cymru yn dilyn ol troed y feddylfryd honno.

Hyd yn oed heddiw fe welwn y kids cwl yn gwrthod hoffi Pheena, Mega ac ati. Er budd y sin Gymraeg mae hynny yn hollol iach ac yn creu nifer o lefelau o genfogwyr i'r sin.

Felly, o ystyried ymateb Hefin Wyn i'r holl gythrwfl a'i honiadau y byddai caneuon Sobin yn cael eu canu am ddegawdau ond nad oedd caneuon yr Anhrefn yn fwy na rant gwleidyddol a neidio lan a lawr, mae'n amlwg ei fod, yn syml iawn, wedi methu'r pwynt yn llwyr ac wedi methu deall cyd-destun gwleidyddol pop Cymraeg yr 80au a'r 90au.

Yr ail beth yw'r canu'n Saesneg. Unwaith eto mae Hefin Wyn yn ystyried y mater drwy eiriau y pobl oedd yn trafod y peth ar y pryd. Call iawn efallai. Ond mae'n methu deall pwysigrwydd gwleidyddol canu'n Gymraeg. 'Roedd/Mae canu'n Gymraeg a gwrthod canu'n Saesneg yn ddatganiad gwleidyddol bendant ddi-amwys. Rhaid gofyn beth yw'r ddelfryd o ganu roc-a-rol? Chwyldro ieuenctid? Gwneud beth ydych chi eisiau? Hyrwyddo syniadaeth wleidyddol? Tybed? Mi wn i un peth - nid gwneud arian yw'r ddelfryd, er efallai fod arian yn sgil effaith i rai. Yr unig reswm oedd i grwpiau droi i ganu'n Saesneg oedd i gael gwneud bywoliaeth. Nid roc a rol yw hynny, ond cyfalafiaeth. Ac o ystyried fod canu'n Gymraeg yn ddatganiad gwleidyddol ni ellir feddwl am droi i ganu mewn iaith arall am arian yn ddim llai na bradychu'ch mamiaith. 10 darn arian unrhywun? The Great Rock and Roll Swindle.

Heddiw fe welwn fod Cymry ifanc yn rhoi eu hariangarwch o flaen eu treftadaeth. Siaradais gydag aelod o grwp newydd nos Wener ar ol gwrando arnynt mewn clwb Cymraeg yn canu 9 can Gymraeg ac un Saesneg. 'Roeddwn i'n methu deall y synnwyr mewn canu un gan Saesneg ac yna'n rhoi recordiau Saesneg ymlaen ar ddiwedd y set. Yr holl reswm i mi fynd i glwb Cymraeg yw i glywed cerddoriaeth Gymraeg - petaswn i eisiau clywed miwsig Saesneg mi fyddwn i wedi mynd i un o'r degau o glybiau Saesneg rownd y gornel. Gofynnais i gannwr y grwp pam eu bod nhw gydag un gan Saesneg ac enw Saesneg i'r grwp. 'Roedd yr ymateb sinigaidd yn ddychryn i mi. Dywedodd yn eglur nad oedd eisiau canu yn y Gymraeg ac mai ei fwriad oedd canu yn y Saesneg yn y pendraw, ond fod y grwp wedi gwneud penderfyniad i ganu set Gymraeg achos ei bod yn haws cael sylw cyfryngol ac y byddai hynny yn eu catiwpwltio i mewn i'r byd pop Saesneg.

Ydw i'n iawn i deimlo'n drist o'r sefyllfa hon?

Felly, gydag ymddiheuriadau am y llith hir a thrwm hwn, efallai fod gwersi i Gymry Cymraeg yma, ond yn sicr mae beirniadaeth o'r llyfr, nid am ei gywirdeb (iawn - deall fod rhai ffeithiau anghywir) ond yn gyffredinol am i Hefin Wyn fethu deall beth oedd yn mynd ymlaen y tu ol i'r llun gweledol ganfyddodd e wrth ymchwilio.

Un pwynt bach arall yw cofio maint y sin ar y pryd. 'Roedd gan Sothach nifer fawr o adolygiadau bob mis sy'n awgrymu fod nifer fawr o recordiau newydd bob mis - tybed sut mae hyn yn cymharu heddiw?
Un rheg yw fy mhader i.
Rhithffurf defnyddiwr
Gwyrosydd
Defnyddiwr
Defnyddiwr
 
Negeseuon: 37
Ymunwyd: Maw 05 Hyd 2004 12:59 pm

Re: Mising ddy Point

Postiogan Lals » Llun 12 Meh 2006 11:39 am

Gwyrosydd a ddywedodd:Heddiw fe welwn fod Cymry ifanc yn rhoi eu hariangarwch o flaen eu treftadaeth. Siaradais gydag aelod o grwp newydd nos Wener ar ol gwrando arnynt mewn clwb Cymraeg yn canu 9 can Gymraeg ac un Saesneg. 'Roeddwn i'n methu deall y synnwyr mewn canu un gan Saesneg ac yna'n rhoi recordiau Saesneg ymlaen ar ddiwedd y set. Yr holl reswm i mi fynd i glwb Cymraeg yw i glywed cerddoriaeth Gymraeg - petaswn i eisiau clywed miwsig Saesneg mi fyddwn i wedi mynd i un o'r degau o glybiau Saesneg rownd y gornel. Gofynnais i gannwr y grwp pam eu bod nhw gydag un gan Saesneg ac enw Saesneg i'r grwp. 'Roedd yr ymateb sinigaidd yn ddychryn i mi. Dywedodd yn eglur nad oedd eisiau canu yn y Gymraeg ac mai ei fwriad oedd canu yn y Saesneg yn y pendraw, ond fod y grwp wedi gwneud penderfyniad i ganu set Gymraeg achos ei bod yn haws cael sylw cyfryngol ac y byddai hynny yn eu catiwpwltio i mewn i'r byd pop Saesneg.

Ydw i'n iawn i deimlo'n drist o'r sefyllfa hon?


Mae'n gwneud i fy nghalon i suddo yn sicr. Ond diolch am y llith, rwyt ti'n codi nifer o bwyntiau diddorol iawn. Rwy'n teimlo hefyd bod Hefin Wyn yn llawer rhy sensitif ynglyn a Sobin.
"ti'n gwybod be i neud pan dwisio mwytha"
Lals
Defnyddiwr Efydd
Defnyddiwr Efydd
 
Negeseuon: 237
Ymunwyd: Mer 08 Maw 2006 9:27 pm
Lleoliad: Caernarfon

NôlNesaf

Dychwelyd i Cerddoriaeth Gymraeg Gyfoes

Pwy sydd ar-lein

Defnyddwyr sy’n pori’r seiat hon: Dim defnyddwyr cofrestredig a 6 gwestai