Ble Wyt Ti Rhwng? gan Hefin Wyn

[Lals]

Nath penodiad Meirion Davies fel Comisiynydd Rhaglenni Ieuenctid ym 1992 effectively "lladd" yr SRG fel oedd hi ar y pryd achos gafodd o wared o 'Fideo 9'.

Y gwirionedd am y sefyllfa oedd bod niferoedd gwylio'r rhaglen wedi gostwng yn aruthrol ac roedd cyllideb enfawr ar y rhaglen (lot mwy sy ar gael dyddiau yma i raglenni cyffelyb) oedd ddim yn cyfiawnhau parhad y rhaglen.

A'r ffaith bod Meirion Davies ddim efo fawr o ddiddordeb mewn cerddoriaeth gyfoes ar y pryd (a hyd heddiw). Oedd o'n sefyllfa 'survival of the fittest' mewn ffordd. Sink or swim. A'r rheinny oedd yn gallu nofio, wel, fe aethon nhw i nofio dros y ffin ar ol cwpl o flynyddoedd o barhau efo canu trwy'r Gymraeg.

Erbyn '93 a '94 dim ond llond llaw o fandiau Cymraeg "pur" oedd gennych chi. Roedd Gorkys 'di dechrau dringo'r ysgol tu allan i Gymru, roedd Catatonia yn recordio yn Saesneg, daeth Ffa Coffi i ben a'r Crumblowers a Hanner Pei a Beganifs. Dim ond Diffiniad dwi'n gallu cofio fel grwp oedd yn boblogaidd, yn headlinio gigs mawr ac yn dal i recordio'n unaiaith Gymraeg (a dwi ddim yn bod yn biased fan hyn )

Erbyn '95 roedd o'n gyfnod tywyll iawn ac er i raglenni fel 'I-Dot' ('96-2000) a 'Garej' ('97-'99) adelwyrchu be oedd yn mynd ymlaen, doedd fawr dim o enwau cofiadwy i gael yn y cyfnod '95 - '97. Tua diwedd y cyfnod yma daeth Tystion i'r amlwg ac Anweledig a Big Leaves, ac i fi, dim tan '99 (fyswn i'n dweud) oedd y SRG nol ar ei thraed gyda bandiau mawr o safon a phoblogrwydd.

Diolch, ti wedi crynhoi'r peth mewn ffordd tipyn cliriach na Hefin Wyn.

[Gorwel Roberts]

Dwi'n cofio'r siom pan ddaeth Fideo 9 i ben a digon teg efallai roedd yn bryd dirwyn y sioe i ben achos roedd 4 neu 5 o gyfresi wedi bod ac mae wastad angen rhywbeth ffres a newydd ond dwi'n cofio trafod y peth ar y pryd a'r ofn oedd gan lot o bobl oedd y byddai'r arbenigedd a'r sgiliau o wneud rhaglen bop lwyddiannus yn cael eu colli. Hynny yw, os nad oedd Fideo 9 am barhau, roedden ni'n gobeithio y byddai rhaglen bop yn cymryd ei lle a fyddai llawn cystal os nad yn well. Y son ar y pryd oedd y byddai artistiaid cyfoes yn cael eu dangos ar nifer o raglenni S4C. Ond wrth gwrs nid dyna ddigwyddodd. A tydi'r rhaglenni ers hynny ddim wedi cael yr un arian i adlewyrchu SRG yn dda. Er enghraifft, mae Bandit yn dda ond does dim arian i recordio gigs yn iawn.

[khmer hun]

So faset ti ddim yn beio MDMA am y dirwasgiad de Benni? O'dd e'n gweud lot bod Super Furries yn cael eu after-show party yn yr Hippo Club...

[benni hyll]

So faset ti ddim yn beio MDMA am y dirwasgiad de Benni? O'dd e'n gweud lot bod Super Furries yn cael eu after-show party yn yr Hippo Club...

Dwi ddim yn gwybod os ti o ddifri neu os ti'n cymryd y piss. Ti wir yn credu bod poblogrwydd cymdeithasol cynyddol un cyffur ar ddechrau'r 90au wedi arwain at ddirywiad yr SRG?

Darllena be nes i sgwennu'n gynharach os tisho crynhoad o'r cyfnod.

[khmer hun]

Darllena be nes i sgwennu'n gynharach os tisho crynhoad o'r cyfnod.

Mae'n olreit, o'n i yna hefyd. Ti'm yn unben y SRG, Benni.

[benni hyll]

Darllena be nes i sgwennu'n gynharach os tisho crynhoad o'r cyfnod.

Mae'n olreit, o'n i yna hefyd. Ti'm yn unben y SRG, Benni.

Dwi ddim yn honni bod. Dwi just yn digwydd anghtuno efo dy theori cyffuriau di. Lighten up, eh?

[Gorwel Roberts]

Mae'n siwr bod y sin ddawns/gyffuriau wedi gwanhau bandiau gitars a'r srg hefyd yn eu sgil. Dwi'n cofio cyfeiriadau niferus at hynny yn y wasg roc, a phobl yn dweud pethau carlamus fel - 'oh if the Beatles were around today they'd be ecxperimenting on the creative fringes of the dance scene, not bothering with old fashioned stuff like guitars etc' - ond mae pobl wastad wedi dweud o mae bandiau gitars ar y ffordd allan, ond wedyn mae'r bandiau gitars yn dod yn ol. Mae pethau'n mynd rownd a rownd.

Ond hefyd mae'n llawer llai costus a llai o hasl trefnu un person i chwarae recordiau nag ydyw i drefnu band.

[benni hyll]

Y peth yw, os ti'n edrych ar bethau ar ddiwedd yr 80au a dechrau'r 90au yn yr SRG roedd 'na lot mwy o gerddoriaeth electroneg/dawns yn cael ei chreu (Plant Bach Ofnus, Nid Madagscar, Ty Gwydr, Wwzz, Llwybr Llaethog, A5, H3 + holl stwff Johnny R) nag oedd yng nghanol y 90au (y blynyddoedd tywyll) felly, dyna pam dwi'n anghytuno efo safbwynt khmer hun.

Yn gyffredinnol rhwng 95 a 99 roedd llai o bob dim - o grwpiau dawns i grwpiau gitar, felly fedri di ddim beio fo ar 'gerddoriaeth ddawns' am dynnu pobl i fwrdd o'u gitars ac i mewn i gyfrifiaduron.

Os rhywbeth, beth ddigwydodd yn y cyfnod yna oedd twf a phoblogrwydd cerddoriaeth bop fel Eden, Mega a Cic (nath yn ei sgil esgor ar yr holl Pheena, Taliah, TNT, Martin John, etc)

*SHUDDER*

[dafydd]

Os rhywbeth, beth ddigwydodd yn y cyfnod yna oedd twf a phoblogrwydd cerddoriaeth bop fel Eden, Mega a Cic

Roedd y sybsidi cyhoeddus wedi mynd a felly wnaeth y farchnad llenwi'r bwlch (gyda cherddoriaeth masnachol wrth gwrs), tra fod cerddoriaeth danddaearol dal i ffrwtio o dan yr wyneb, pawb yn trio cyhoeddi ar labeli eu hunain ayyb.

[khmer hun]

felly fedri di ddim beio fo ar 'gerddoriaeth ddawns' am dynnu pobl i fwrdd o'u gitars ac i mewn i gyfrifiaduron.

Cytuno Benni. 'Sgwrs naeth y rave scene ddechre diwedd yr 80au, ond gweld o'n i bod dylanwad hwnnw'n bell-gyrhaeddol, a llai o fois ifanc yn pigo gitârs lan drwy'r 90au, heblaw cwpwl o fands fel Dazzler(!) a bands eraill ag enwe Saesneg o'dd wedi'u dylanwadu gan Oasis a rhein. 'Mond cynnig un theori nes i, r'un peth a mae Hefin Wyn yn neud drwy'r llyfr.

W, falle mai Oasis 'naeth achub y SRG, nid Anweledig na dodgy pills...