Bob Delyn ar Nodyn ym Mhortmeirion-be ddiawl??

[dawncyfarwydd]

dil - does na'm siawns am ŵyl yn Portmeirion na?

[osian]

:ofn:

dil - does na'm siawns am ŵyl yn Portmeirion na?

syniad penigamp! Gwyl Pentre Continental...

cwestiwn ydi, fysat ti'n dod, Wylit?

[Rhys Llwyd]

Mae fy ewythr i wedi gweithio ym Mhortmeirion ers blynyddoedd mawr fel paentiwr (decorator yllu nid artist) - mae'r lle'n cyflogi llawer o Gymry lleol ac maen nhw'n gweithio mewn awyrgylch Gymraeg. Ac mae Robin y Cyfarwyddwr yn gyfaill pennaf gyda Twm Morys ac mae e i'w weld yn aml mewn gigs Bob Delyn. Holl bwynt lleoliadau Nodyn, yn ôl be ddeallaf i, ydy fod y lleoliad yn arwyddocaol i'r band. Mae Gorwel yn dod o'r ardal hefyd, roedd e'n ysgol efo Dad. Mae Dad yn dod o Benrhyndeudraeth. I bobl yr ardal mae rhywbeth iconic am y lle - rhyw fath o utopia yng nghanol ac o amgylch amodau caled ardal difreintiedig Penrhyn a Port.

[Cedwyn]

Dim tro cynta' i Bob ym Mhort - nath 'Fidio 9' fidio 'Ffair y Bala' 'na 'nol yn nechrau'r 90au.

A pham ddim 'de? Lle delfrydol i grwp sy' 'di gwreiddio yn y rhan 'na o Gymru fach ond yn agored i ddylanwadau'r byd mawr - jyst fel Portmeirion ei hun.

[dawncyfarwydd]

A sôn am Nodyn, dwi'n meddwl mai'r fersiwn o 'O Gymru' ar yr un rhaglen ydi'r peth mwya sybleim a soffistigedig fu ar S4C erioed.

Mae 'na rywbeth yn od a gormodieithol am y gân, mae hi jest yn wirion o wladgarol. Mae'r fersiwn sinistr, dywyll ar y rhaglen yn ymateb ardderchog iddi - mae'r gitârs ysgafn jazzy tywyll jest yn berffaith. Ac mae'r ffaith bod y prif lais gwreiddiol (neu y mwyaf cyfarwydd o leiaf) yn ei chanu yn gwneud y gwrthbwynt yn fendigedig. Y Llyfrgell Genedlaethol yn lleoliad addas hefyd.

Dwi'n meddwl bod Nodyn yn rhaglen ardderchog - di mwynhau Cowbois ar Ynys Enlli, Chiz yn y neuadd sbwci na, Plethyn yn Cann Offis; ac mi oedd Bob Delyn yn grêt yn Portmeirion. Mwy mwy mwy!

[Wylit, wylit Lywelyn]

Wel, wel...mae'r storm/daeargryn yma wedi ysgwyd y byd miwsig ysgafn Cymraeg i'r fath raddau fel y bydd cewri'r byd mawr Seisnig ag Eingl-Americanaidd (Simon Cowell a Max Clifford) yn ymateb nesaf...
Dwi'n ffan o Bob Delyn. Dwi ddim yn ffan o Bortmeirion...sori, ond fydda i byth chwaith.
Band peint ydi Bob Delyn a'r Ebillion. Nid band gwin Eidalaidd. Ac mae arbenigwyr yn hoffi pwysleisio'r ffaith fod cymysgu diodydd yn gallu bod yn beth peryglus.

[Gorwel Roberts]

Oni ddylai'r drafodaeth hon fod ar y dudalen Ffilmiau, Teledu a Radio ???

[Ramirez]

Dwi'n hoff iawn o Bob Delyn. Band da. Dim byd yn fawreddog, snobyddlyd...
Cytuno i chwarae ym Mhortmeirion ar y rhaglen Nodyn? Naws/awyrgylch uffernol o snobyddlyd sydd i'r pentref ymhongar yma. Camgymeriad gan y band?
Mae yna fwy nag un ochr i'r geiniog a mwy nag un ffordd o sbio ar bethau. Sut ydych chi'n gweld pethau?

Be ****??

Rhaglen gerddoriaeth ydi hi, i ddechrau. Tydi'r cefndir yn ddim byd ond candi i'r llygaid, ys dywed y Sais.

Yn ail, beth bynnag wyt ti'n olygu gan "naws/wyrgylch uffernol o snobyddlyd", dydi hynny ddim yn cael ei gyfleu gan gamerau.

Mae na ormod o nonsens ffilmio bandiau'n chwarau mewn tafarndai 'llawn cymeriad' fel ag y mae hi, a dwi ddim yn dallt pam. Dwi'm isho gweld band yn cogio bo nhw'n cadw rhyw draddodiad i fynd drwy gael eu ffilmio'n chwara mewn pyb. Os dwi isho gweld band mewn pyb, mi ai i weld band i'r pyb.

Yn syml, mae Portmeirion yn leoliad hyfryd o ran daearyddiaeth a golygfeydd, a drwy hynny yn edrych yn gret ar gamera, waeth pa deimladau wyt ti'n gael o ran 'awyrgylch'. Mae dy son am 'leoliad diymhongar' yn baradocs llwyr yn y cyd-destun yma.

Fel ddudishi, rhaglen gerddoriaeth ydi Nodyn, mwynha'r gerddoriath a mwynha'r lluniau. Dyna'r oll ydio.

[Cedwyn]

Mae'n bosib cymysgu diodydd - ma' nhad yn licio adrodd y llinellau isodfel cyngor :

"Beer then wine, makes me feel fine.
Wine then beer, makes me feel queer"

Nodyn - 'queer' yn olygu 'sal' yma, dim hoyw.

[CORRACH]

. . a deud y gwir dwi'n meddwl ei fod o'n warthus fod Cowbois Rhos Botwnnog yn chwarae yn unrhywle sydd ddim mewn salŵn poeth.

Byd Dydd Sul yn gigio ar y Sadwrn? Pach.

Gai Toms ar lwyfan Pafiliwn y Steddfod? Dio'm yn gwisgo'r brethyn oedd ganddo gynt, yn amlwg.

Brigyn? Ym Metws y Coed? snam digon yno'n barod 'dwch?

Masters IN FRANCE? In CARDIFF? 'avin a laugh?

John ac Alun yn gneud gig i'r de o Garn Fadryn? Ma'r peth yn deyrnfradwriaeth, siŵr.



Egwyddor 'gia, 'gwyddor.