Cowbois Rhos Botwnnog - Albym newydd

[Sbrigyn Ymborth]

Dydd da bawb.

Pleser ydi cael d'eud y bydd albym newydd Cowbois Rhos Botwnnog yn cael ei rhyddhau ar Ragfyr 11.
Os y gwrandewch chi'n astud ella clywch chi gan neu ddwy ar Radio Cymru yn eithaf buan.

Handi iawn, jysd cyn 'Dolig fel'na. Dewch i gyd -ganu - Cyfalafwyr rhonc ydym ni bob un...

[EsAi]

Aidial

[Sbrigyn Ymborth]

Aidial

Aidial yn wir, EsAi!

Dyddiau Du, Dyddiau Gwyn fydd teitl yr albym, a bydd y lawnsiad yn cychwyn yng Nghlwb Ifor Bach, Caerdydd ar Ragfyr 11, yng nghwmni'r Cowbois, Y Niwl ac ambell un arall.

Manylion y gig yma (clic!)

[Sbrigyn Ymborth]

Mi fydd Lisa Gwilym yn chwarae trac oddi ar yr albym bob nos rhwng nos fory (8/11/10) a nos wener (12/11/10) ar ei sioe newydd ar C2 rhwng 8-10pm!

Dyma'r cyfle cyntaf i glywed y traciau newydd.

[Ramirez]

Taster bach - dwy drac oddi yr albym i'w clywed *YMA!*

Mwynhewch!

[Ramirez]

Adolygiad o'r albym gan Casia Wiliam yng nghylchgrawn Y Selar:

Cowbois Rhos Botwnnog - Dyddiau Du, Dyddiau Gwyn
Mae’r gaeaf ar riniog y drws ac mae’n amser gwisgo côt a sgarff, ond ar Ragfyr yr 11eg mi fydd hi’n amser i chi roi’ch gwydrau i lawr a chloi eich drysau. Yna, tarwch Dyddiau Du, Dyddiau Gwyn ar eich chwaraewr CDs a gwrandewch – achos wir-yr, mae albwm newydd Cowbois Rhos Botwnnog yn werth chweil ac mae’n haeddu gwrandawiad iawn.

I mi mae gwrando ar Dyddiau Du, Dyddiau Gwyn fel cael andros o sgwrs hir bersonol efo hen ffrind. Hanesion o hapusrwydd, unigrwydd, ysfa, cariad a cholli cariad. Gyda thri aelod newydd yn cyfrannu ar yr albwm - Euron “Jos” Jones, Llyr “Tonto” Pari” a Branwen “Sbrings” - mae’r naws gerddorol yn gyfoethog a chain, a geiriau’r caneuon - trŵ tŵ fform gan y ‘fenga o’r cowbois, yn goeth a chofiadwy.

Cadwch glust allan am eu fersiwn nhw o ‘Gan fy mod i’ gan Nia Morgan, sy’n drwm dan deimlad ac yn codi croen gŵydd bron a bod, tra bod ‘Y Ffenest’ wedi ei serio ar fy nghof erbyn hyn – ond mae dewis y caneuon gorau ar yr albwm fel dewis siocled o focs Milk Tray – does dim dewis anghywir, maen nhw’i gyd yn fendigedig.

[Ramirez]

Rhif 1 yn yr Unig Siart Sy'n Cyfri wythnos yma hogia bach. Cyn i'r albym gael ei rhyddhau hyd yn oed. Digri.

[dil]

pob lwc gyda'r lawnsiad.edrych mlaen i glywed yr albym newydd.

[anffodus]

Fydd yr albym yn y siopa ddydd sadwrn ta dim ond ar ôl nos sadwrn fydd hi ar ga'l?

[Ramirez]

Fydd yr albym yn y siopa ddydd sadwrn ta dim ond ar ôl nos sadwrn fydd hi ar ga'l?

Mi fydd hi yn y siop dydd sadwrn. Tshians da bod hi yno rwan os ti'n gofyn yn glen