“Cerddor sy’n mynd yn erbyn y llif gyda syniadau, egni a melodïau di-ri,
mae Mr Huw yn un o wir gymeriadau’r sin danddaearol” - Huw Stephens
Yn recordio o’i ogof yng ngogledd Cymru ers 2007, mae’r anghydffurfiwr mr huw (Huw Owen)
yn plymio i ddyfnderoedd na fyddai’r dychymyg tywyllaf yn meiddio mynd yn agos iddynt.
Yn recordio popeth ei hun ar 8 trac ymhlith peiriannau hynafol eraill, mae’n cyfuno
curiadau electroneg gyda synau amrwd a melodïau pop cofiadwy.
Llwyddodd albym gyntaf mr huw ‘Llond Lle o Hwˆ rs a Lladron’ i gyrraedd rhif 18 yn rhestr
50 o bethau gorau 2008 bandage.com, ac enillodd ei ail albym ‘Hud a Llefrith’ wobr
Albym y Flwyddyn yng Ngwobrau Roc a Phop C2 BBC Radio Cymru 2010.
Enillodd hefyd y wobr am Sesiwn Fyw y Flwyddyn wrth berfformio gyda’i fand.
Wedi’i gynhyrchu yn hollol annibynnol, ‘dirty north walians / gogleddwyr budur’ yw’r gwaith
cyntaf i mr huw ryddhau yn Saesneg, ac mae ei ddull recordio wedi esblygu unwaith eto wrth ei
chynhyrchu. Mae’n parhau i herio genre a gwthio ffiniau, gan gyfuno a threfnu offerynnau, melodïau a
geiriau’n effeithiol gyda chryn ddychymyg, synnwyr digrifwch tywyll a mynegiant cerddorol crefftus.
Bydd ‘dirty north walians / gogleddwyr budur’ ar gael fel lawrlwythiad rhad ac am ddim o
mrhuw.com o ddydd Llun, Rhagfyr y 6ed 2010.