Ella fod hyn fymryn oddi ar y drafodaeth wreiddiol ond dyna ni:
Dwi'n teimlo weithia ella bod na ormod o bwyslais ar fand i "wneud rhywbeth ddigwydd" - does dim rhaid i artist gigio - tydi hynny'n eu gwneud nhw ddim gwaeth - a tydi pa mor weithgar ydi band o ran trefnu a gigio ddim yn berthnasol o gwbwl i safon y gerddoriaeth.
Dwi ddim yn ei gweld hi'n ddyletswydd ar y Steddfod etc. i adlewyrchu unrhyw sin, achos mae hi'n rhan o'r "sin".
Dim gigs a llefydd i chwarae ydi bob dim - mae perffaith hawl gan gerddor fod isho gwneud cerddoriaeth heb orfod bod isho chwara'n fyw. Pa otsh nad ydi MC Mabon na Ll.Ll yn weithgar iawn ar hyn o'r bryd? Os ydyn nhw isho rhyddhau un albym bob 20 mlynedd a byth chwarae gig eto, bedi'r otsh? Tydi hynny ddim yn eu gwneud nhw'n llai dilys fel artistiaid.
Tydi creu cyffro a sin yn da i ddim os nad ydi'r miwsig yn gret - fel ddudishi, mewn blynyddoed mi fydd y cyffro yn anghof, a dim ond y miwsig fydd ar ol.
Dwi hefyd yn ofni weithiau bod gigs fel y rhai soniwyd amdanyn nhw cynt (Rascals a'r Fricsan) yn gallu rhoi false sense of security weithiau - dwi'n meddwl ei fod o 'run fath pan oedd Cowbois yn chwarae yn Sarn, neu Derwyddon yn unrhywle o gwmpas Bangor/Caernarfon rhyw ddwy flynedd yn ol - oedd, roedd y gigs yn packed ac yn gret, ond mewn gwirionedd, sawl un o'r gynulleidfa oedd yn ffrind, neu'n ffrind i ffrind? Y rhan fwyaf. Dwi ddim yn deud bod yr un peth yn wir am y gigs yma, ond mae gan Bandana gang o ddilynwyr yn debyg i be oedd gan Derwyddon, sydd yn beth ffantastig. Ond mae o hefyd yn golygu fod gan y bandiau yna siawn i chwara gigs packed yn lleol, tra fysa band arall ddim yn cael yr un gynulleidfa o bosib.
I fynd yn ol at Bandit - dwi'n ei weld o'n rhyfedd iawn bod band fel Colorama yn cael eu lluchio i mewn i'r un crochan hen-ffash a Gwibdaith, Cowbois a Dafydd Iwan - mae Colorama yn cut-above bron pawb sydd o gwmpas fel cerddorion, a mae eu stwff nhw ar brydiau yn fwy left-field ac arbrofol na rhan helaeth o'r stwff electroneg sydd o gwmpas.
Mae "adlewyrchu'r sin" yn ofyn rhyfedd yn fy nhyb i - mae pob dim, y Steddfod, Bandit, C2, pob gig, pob band, yn rhan o'r sin.