Enwau Bandiau

[kool]

Wedi bod yn turio drwy'r archifau ar ol gweld yr edefyn ac wedi ffeindio hen dâp o EP yr Angladd (fel y'i gelwid hwy gan eu dilynwyr ffyddlon. Y ddau ohonynt)

Y teitl oedd "Mae Pawb yn Hapus yn yr Angladd Hapus".

Wele'r caneuon:

1. Twats sy'n siarad Saesneg 4:12
2. Dwi'm isho bod yn kool 3:22
3. Halio mewn crempog 2:50

Clasur. Wir i chi.

Classic Single! Ma copi gyda Dad, Twats sy'n sairad Saesneg - can ddoniol, eitha eironig, gan odd y band yn dod o cefndir dwyieithog, a thema'r gan yw Hipocrits dwyieithog sy'n medru siarad Saesneg.

Dwi'm isho bod yn Kool, - Anthem bersonol i fi!

Halio mewn Crempog - Anthem i rai bobl. Can am ffordd o fyw rhai pobl yn Nghymru.

A'i nhw ganodd y gan 'Sir Fon, Sir Fon - o hyfryd Sir Fon'.

[cariadgweno]

Fel dwi di deud yn y gorffennol, mae'n bwysig cal y kids on side ti'n gweld. Ma'n bach o shame os di hynny'n golygu cal enw saesneg, ond os ma fel na ma'r cookie'n crymblo - we've just got to role with it. Os di cael enw Seusneg ar fand yn helpu efo'r hyrwyddo ac efo cal y kids yn interested mewn stwff Cymraeg yna dwi ofn bo fi all for it ti'n gweld. Personally, ti'n gweld, dwi'n tueddu i stakeio am enwau fel Guacs sydd ddim yn Gymraeg na Seusneg.

[Llewelyn Richards]

Sbot on Kool, rhyddhawyd Hyfryd Sir Fôn a Taid ti'n dwat fel EPs olaf cyn y gigs ffarwel ym Mhort Talbot a Scunthorpe, lle'r oedd y fanbase yn gryf iawn ymysg y gweithwyr diwydiannol.
Mae hiraeth mawr amdanynt.

[Jac y Diawl]

Da ni fod yn Gymry, felly beth sydd o'i le efo cael enw Cymraeg ar fand?

be sy o le efo cael enw sy'n golygu rhywbeth i'r band yn bersonol?

[*HERO69*]

mae'n anodd i gredu beth gall pobl cwyno am, plis wnewch chi ddeall dyw'r artistiaid hyn dim yn ymuno a'r bandiau a creu cerddoriaeth i hybu'r iaith gymraeg - na'r iaith saesneg na unrhyw iaith o gwbl!! dim ond rhannu eu cerddoriaeth . (credwch neu beidio).

ta beth gall rhywun enwi band "llwyddiannus " efo enw cymraeg ...

cyn i chi dechrau ar y brawddeg uchod, dwi'n meddwl mai i "llwyddo" yn y byd cerddoriaeth yw i ennill bywoliaeth drwy ysgrifennu a rhannu cerddoriaeth...

[mul]

dwi'm yn gweld problem efo enwau bandiau, pa bynnag iaith, ond be sy' yn mynd ar fy nerfau i ydi defnydd hollol slafaidd o'r gymraeg e.e. "am cyfan dy pethau prydferth"
mae'n siwr mai fi sy'n anal iawn pan mae'n dod i'r iaith, ag ella'n bob yn stiwpid os oes eglurhad dros y teitl uchod...

[Gwahanglwyf Dros Grist]

Y rheswm dros yr enw 'Am Cyfan Dy Pethau Prydferth' yw mai cyfieithiad gwael nath neud i'r canwr chwerthin oedd e. Wy'n credu bod hynny'n enghraifft wych o rywun yn cael ei dylanwadu gan yr hyn sydd o'u hamgylch ac yn ei ddefnyddio'n greadigol, ac ni glynu'n slafaidd at unrhyw agenda.

[mul]

'gwych' am ddefnyddio cyfieithiad gwael? dwi'n anghytuno. ella fod ganddo fo ystyr personol i'r artist, on dwi'm yn ffendio fo'n wych nag yn ddiddorol, ond mae o'n wreiddiol amwn i.

[cythral mewn croen]

Tyd laen Dyl Mei..... 'tew', 'phat' fel ma rapiwrs yn ddeud, be nesa ? cael gigs 'swn' i efelychu dywediad Maenceinionaidd 'sound' ?

Dyna di'r gwir amdanni, ma'r bandiau ma sydd yn defnyddio enwa' saesneg mond yn meddwl am chwarae yn lloegr, lle mae'r pres... diwedd y gan di'r geiniog. trist iawn feri sad

[Jac y Diawl]

Tyd laen Dyl Mei..... 'tew', 'phat' fel ma rapiwrs yn ddeud, be nesa ? cael gigs 'swn' i efelychu dywediad Maenceinionaidd 'sound' ?

be am 'sain'.
swn=noise
sain=sound
ti ddim yn 'appening iawn os ti ddim yn gwbod hwnna!