Cytunaf, fy nghefnder pell pell (pell)!
Os gall cefnder arall (pell, pell, pell i ti Dewi, agos, agos, agos i ti Cardi!!) ychwanegu pwynt fan hyn, sef:
Mae yna fai ar y cyfryngau yn sicr, Yn nyddiau fy ieuenctid pell (a tithau Dewi!!) roedd cefnodaeth i'r sin roc Gymraeg i'w gael gan y cyfryngau, roedd rhaglenni megis "Heno Bydd yr Adar yn Canu" yn hybu bandiau ifanc dawnus fel y Groky's ar y dechrau tan eu bod yn enwau cyfarwydd, hefyd roedd slotiau teledu ar gael megis Fideo 9 oedd yn rhyw fath o showcase i fandiau. Ers y newid polisi yn S4C a'r BBC nid yw'r bandiau yn cael cyfle i brofi eu doniau.
Mae S4C a BBC Cymru yn ddigon hapus i llwytho shite allan er mwyn plesio'r hen wrandawyr ffyddlon yn hytrach na cheisio datblygu cynulleidfa ifanc newydd.
Heb gyhoeddusrwydd i'r bandiau yma dyw pobl ifanc ddim yn clywed amdanynt ac felly ddim yn mynd i'r gigs.
Dybiwn i fod y mwyfriaf o ddisgyblion ysgolion Cymraeg fel Maesyryrfa a Bro Myrddin heb glywed am Anweledig ayb. pan oeddwn i'n ddisgybl yn Maesyryrfa ar ddiwedd yr wythdegau a dechrau'r nawdegau roedd bysus yn cael eu trefnu i'r gigua yma'n wythnosol. Roedd pawb yn siarad am Datblygu, Y Cyrff, Ffa Coffi Pawb ag ati oherwydd roeddent wedi eu gweld ar y teledu a/neu eu clywed ar y radio.