Tîm Rygbi Gogledd Cymru

[Hedd Gwynfor]

Gol. Wedi tynnu'r negeseuon ynglyn a thîm y gogledd o'r hen drafodaeth ynglyn a Peel yn gadael Llanelli, a chychwyn edefyn newydd. Clatsiwch bant!

[eusebio]

Gol. Wedi tynnu'r negeseuon ynglyn a thîm y gogledd o'r hen drafodaeth ynglyn a Peel yn gadael Llanelli, a chychwyn edefyn newydd. Clatsiwch bant!

Duwcs, roedd hynny'n syniad da, 'doedd ...

[Mr Gasyth]

Cyn creu tim rhanbarthol yn y gogledd (rhywbeth y buaswn i'n ei gefnogi) be am i URC roi diwedd ar y sgandal sy'n atal timau'r gogledd rhag esgyn o'r bedwaredd adran am nad ydi timau'r de eisiau teithio i fyny yno unwaith y flwyddyn? Y polisi yma yn fwy na dim arall sy'n dangos agwedd gwbl sarhaus yr Undeb a chlybiau'r de at rygbi yn y gogledd. Mae'r peth yn warth.

[Hogyn o Rachub]

Clywch clywch. Er y byddwn innau wirioneddol wrth fy modd yn gweld tîm rhanbarthol i'r Gogledd (yn sicr fe ddylai gael un - mae mwy na digon o gefnogaeth i gynnal tîm o'r fath) mae angen i'r Undeb fuddsoddi arian go iawn yn datblygu'r gêm yno. Hen bryd i'r Gogledd gael ychydig o chwarae teg gan URC. Mae diffyg y chwaraewyr o Ogledd Cymru yn ganlyniad uniongyrchol o'r agwedd honno tuag at rygbi'r gogledd, ac mae disgwyl i'r Scarlets gwmpasu'r ardal gyfan yn sarhaus i bobl y Gogledd, a braidd yn amhosibl i'r Scarlets.

Dwi'm yn amau, fodd bynnag, os am sefydlu rhanbarth arall, boed hynny ar fodel Connacht ai peidio, i'r Gogledd y dylai fynd. A hen bryd hefyd.

[ceribethlem]

Cyn creu tim rhanbarthol yn y gogledd (rhywbeth y buaswn i'n ei gefnogi) be am i URC roi diwedd ar y sgandal sy'n atal timau'r gogledd rhag esgyn o'r bedwaredd adran am nad ydi timau'r de eisiau teithio i fyny yno unwaith y flwyddyn? Y polisi yma yn fwy na dim arall sy'n dangos agwedd gwbl sarhaus yr Undeb a chlybiau'r de at rygbi yn y gogledd. Mae'r peth yn warth.

Gret, os bydde hwnna'n wir. Oes yna dystiolaeth fod clybiau'r De ddim eisiau teithio lan i'r Gogledd?
Fy mhrofiad i (ac rwyf wedi chwarae yn y bedwaredd adran sbel yn ol) yw fod timau'r De yn mwynhau teithio lan i'r Gogledd, ac yn ei weld hi fel rhyw fath o mini tour. Rwyf hefyd wedi siarad gydag aelodau clybiau'r Gogledd oedd yn dweud eu bod nhw wedi gofyn i beidio ag esgyn gan nad oeddent yn gallu fforddio teithio i'r De bob yn ail penwythnos, ac am y rheswm yna gofynwyd i URC os oedd hawl ganddynt i beidio ag esgyn mas o adran y Gogledd.

Bydden i'n hoffi gweld tim llwyddianus yn y Gogledd, ac os oes galw am dim rhanbarthol yn y dyfodol yna ymchwilio mewn iddi. Yn y cyfamser bydden i'n meddwl fod angen tim yn is yn y strwythyr rygbi, er enghraifft yn yr uwch-adran, a gweld os yw'r torfeydd yn cyfateb a'r rhai yn y De. Rhaid sicrhau fod pob un o'r cyfleusterau yn byw lan i safon yr URC am weddill yr uwchadran wrth gwrs.

[Ger27]

Gret, os bydde hwnna'n wir. Oes unrhyw dystiolaeth o gwbwl i gefnogi'r datganiad yma fod polisi atal timau'r Gogledd rhag esgyn? Oes yna dystiolaeth fod clybiau'r De ddim eisiau teithio lan i'r Gogledd?

Gweler: bbc

Llangefni yn hapus i drafeilio lawr i'r De, ond clybiau y De yn cwyno.
Llangefni yn apelio - gwrthodwyd yr apel.

[ceribethlem]

Gret, os bydde hwnna'n wir. Oes unrhyw dystiolaeth o gwbwl i gefnogi'r datganiad yma fod polisi atal timau'r Gogledd rhag esgyn? Oes yna dystiolaeth fod clybiau'r De ddim eisiau teithio lan i'r Gogledd?

Gweler: bbc

Llangefni yn hapus i drafeilio lawr i'r De, ond clybiau y De yn cwyno.
Llangefni yn apelio - gwrthodwyd yr apel.

Cyfweliad gydag un ochr o'r ddadl yn unig yw hwnna ondife, does dim unrhyw dystiolaeth o glybiau'r De eu bod yn gwrthod teithio lan i'r Gogledd. Fel wedes i, o'm profiad i (yn Nhre Gwyr) roeddem ni'n gweld y cyfle fel tour bach.

[Lorn]

Ddigwyddodd yr un peth gyda Rhuthun yr un pryd dwi'n credu. Roedd sawl stori ar y peth ar Radio Cymru a gryn ffraeo. Yn y pen draw os am ddatblygu'r gamp yng Nghymru cynghrair cenedlaethol amdani cyn cael tim rhanbarthol proffesiynol i'r Gogledd (mae un drwy wahoddiad yn bodoli), ac ar hyn o bryd di hen ddynion sy'n rheoli'r gamp o'r gwahanol glybiau yn y De ddim am weld hynny. Mae'r Gogledd yn cael eu weld yn rhy bell ganddyn.

[eusebio]

Ceri, mae hi'n ffaith nad yw clybiau'r gogledd yn cael esgyn ... oeddet ti ddim yn ymwybodol o hynny?

[ceribethlem]

Ceri, mae hi'n ffaith nad yw clybiau'r gogledd yn cael esgyn ... oeddet ti ddim yn ymwybodol o hynny?

Fi'n gwybod mai dyna'r polisi sy'n bodoli nawr. O'n i braidd yn aneglur rhaid cyfaddef, son oeddwn i am pan oedd Llangefni yn chwarae yn y gynhrair cenedlaethol.
Fy nghof i o'r cyfnod yn y linc i'r bbc gan Ger27 uchod oedd bod angen mwy o arian ar dimoedd y Gogledd i fedru deithio lawr i'r De, gwrthodwyd yr arian hynny ac fe benderfynnodd Llangefni datgan i bawb mae rhyw polisi gwrth Gogleddol oedd hi.
Tua'r un pryd roedd y syniad rhanbarthol yn codi yn sgil proffesiynoldeb. Roedd nifer am weld super-clubs, sef Llanelli, Abertawe, Caerdydd a Chasnewydd, y pedwar traddodiadol os liciwch chi. Roedd eraill am weld system rhanbarthol yn cynrychioli rhannau daearyddol o Gymru De-Ddwyrain, De-Canol, De-Orllewin a'r Gogledd-Canolbarth. Deuwyd a Moffett mewn i geisio gorfodi'r system rhanbarthol yma.
Roedd y clybiau mawr yn, naturiol, erbyn y syniad gan y byddant yn colli'r cyfle i chwarae ar y lefel uchaf, sef Ewrop. Deuwyd i gytundeb sef cyfuno clybiau. Roedd URC mewn ychydig o dwll gan ond ychydig o flynyddoedd cynt roeddent wedi cael y clybiau oll i arwyddo cytundeb loyalty agreement. Doedd gan Castell Nedd ddim llawer o lais gan mai URC oedd yn eu perchen, cyfunwyd Castell Nedd ag Abertawe (ag aeth mewn i administration ar y pryd). Mynodd Llanelli a Chaerdydd hunaniaeth, ffurfiwyd y Rhyfelwyr rhwng Penybont a Phontypridd. Bu cryn ddadlau yn Gwent gan fod nifer o gefnogwyr Casnewydd am iddynt sefyll ar eu hunain fel Llanelli a Chaerdydd.
Mewn rhyw fath o sop i'r syniad rhanbarthol dywedwyd fod Llanelli yn cynrychioli'r Gogledd hefyd, a chytunwyd chwarae ambell i gem yn y Gogledd (Wrecsam). Dyna fu'n digwydd am gyfnod, gyda Llanelli yn chwarae rhyw ddau gem yn y Gogledd. Colli arian yn y gemau yna gan fod y torfeydd braidd yn bitw (ac mae son am hysbysebu neu ddiffyg ohono wedi bod eisoes) bu hanes y gemau yma. Mae Llanelli hefyd wedi agor canolfannau rhagoriaeth yn y Gogledd, er does neb yn fodlon cydnabod y cam positif yma gan ei fod yn mynd yn erbyn y syniad fod conspirasi mawr yn erbyn y Gogledd .
Stopiodd LLanelli chwarae gemau yn Wrecsam, gan gythruddo nifer wrth reswm, ond mewn sesiwn holi, fe ddywedodd Gallagher (prif weithredwr Llanelli) mai ar gais URC y stopiwyd y gemau yma (ac fe ddangosodd i'r sawl oedd yn bresennol lythr wrth URC i'r trywydd hwnnw) gan fod URC am gymryd cyfrifoldeb o ddatblygu rygbi yn y Gogledd. Yn ystod y cyfnod hwn wrth gwrs bu ail-drefnu ac ail-strwythuro cynghreiriau rygbi yng Nghymru. Dyma pryd y penderfynwyd byddai cynghrair i'r Gogledd heb "ddyrchafiad" i gynghrair y De. Felly o'r hyn wy'n deall, cofio ac wedi trafod gydag eraill oedd yn y cynghreiriau oedd yn chwarae yn erbyn timoedd fel Llangefni ar y pryd doedd y clybiau byth wedi gwrthod teithio i'r Gogledd.