Brian Little wedi gadael Wrecsam

[Mici]

Tra yn pori trwy sgors nithiwr mi hitiodd hwn fi

http://news.bbc.co.uk/sport2/hi/football/teams/w/wrexham/7639510.stm

Dani heb cael dechrau da yn y Blue square rhaid bod yn onest, mae leni yn weld rhyw dymor rhyfadd ma bob tim ac eithro un neu ddau yn debygol o fachu pwyntiau oddi-ar unrhywun. Creepy Crawley sydd ar y brig ar y funud. Gobeithio caiff Wrecsam rhywun i fewn yn fuan a dyrchafu ni lle dani fod. Pwy dachi feddwl eith, pwy sa chi licio?

I fod yn deg mae'r cefnogwyr wedi aros yn dryw, 2,500-3,000 yn y gynghrair yma yn dda. dim rhy anhebyg i llynedd

King Kev i Wrecsam

[Lorn]

Fel cefnogwr Wrecsam rhaid i mi ddweud fy mod i'n pissed off uffernol hefo hyn. Dan ni'n neud i Newcastle United edrych fel un o'r clybiau mwya sefydlog yn Cynghrair Lloegr. Dwi di cael fy siomi gan agwedd nifer o gwfnogwyr Wrecsam yn ystod y tymor wrth bori drwy'r we gyda pa mor 'fickle' dan ni wedi mynd. Credu nai gadw fy mhres yn fy mhoced am dipyn.

[løvgreen]

Wel Lorn, dwi'n credu y bydda i'n mynd yn ôl i'r Cae Ras rwan - o'n i ddim am wastio fy mhres yn mynd yno i weld y sothach oedd yn cael ei roi ger ein bron bob wythnos gan Brian Little. Ar ôl dros 40 mlynedd o gefnogi'r cochion roedd Little wedi llwyddo i greu'r tim gwaetha i mi ei weld erioed ar y Cae Ras. Gwynt teg ar ôl y clown, doedd genno fo ddim clem.
Dwi ddim yn meddwl mai bod yn 'fickle' ydi meddwl ein bod ni'n haeddu gwell na hyn. Torfeydd mwya'r Blue Square - mae'r cefnogwyr wedi dangos dipyn go lew o amynedd ddywedwn i.

[Lorn]

Dwi just yn gweld hi'n anheg ac yn hurt bost i rhoi'r holl fai am fethiannau'r clwb ar hyn o bryd ar ysgwyddau Brian Little. Doedd o byth yn mynd i ennill Rheolwr y Flwyddyn ond mae fwy tu ol i helyntion y clwb na fo. O edrych ar y we ac agwedd nifer o gefnogwyr Wrecsam (oedd y boi ne o'r Daily Posr yn llygad ei le chydig wythnosau'n nol yn slaggio off y 'cefnogwyr' yne sy'n neud dim am 90 munud ond ymosod ar chwaraewyr Wrecsam. Dwi di bod i dim ond gwpwl o gemau tymor a dwi yn anffodus di dod i'r casgliad mai ychydig iawn o 'gefnogwyr' sydd gan y clwb, nid cefnogi dwi'n galw be oeddwn i'n ei glywed ar yr MRS mae hynny'n sicr!

Mae Little di mynd. Be ddigwyddith wan? Bygyr all, colli gem, ennill gem colli gem, ennill gem a ffeindio rhywun arall i feio yn lle delio a gwir problemau'r clwb - diffyg chwaraewyr o safon ifanc yn tori trwodd. Yn y gorffennol dan ni di mwnyhau talent llu o rhai ifanc cyn iddynt symud ymlaen i lwyddo neu i fethu a gwireddu eu potensial - Chris Armstong, Neil Wainwright, Craig Falconridge, Bryan Hughes, Steve Watkin ayyb. Rwan? Wrach bod gan Neil Taylor dalent....unrhyw un arall? Mae gan y clwb mae'n debyg cyfleusterau hyfforddi ymysg y gorau tu allan i'r Uwchgynghrair yn nol Alex Ferguson ond di'r chwaraewyr sydd yno ddim yn adlewyrchu hyn. O leiaf pan oedd chwaraewyr ifanc yn dod trwodd ac yn mynd ymlaen i glybiau mwy oedd hynny'n dod a mwy o arian i fewn i'r clwb iw ddefnyddio ar chwaraewyr fel Peter Ward, Craig Skinner ac ati. Rwan? Dim arian yn dod i fewn a dan ni'n arwyddo flops sydd ag agwedd uffernol mae'n debyg.

Dwi'n cydnabod na Brian Little arwyddodd y mwyafrif o'r flops yma, ond i gyfieithu'r dywediad Saesneg yn wael, os ti'n gwario peanuts, dim ond mwnciod gei di! Bydd y rheolwr nesa - pwy bynnag bo hwnnw, yn union yr un sefyllfa.

[løvgreen]

Sori, dwi'n anghytuno efo ti - mae gennon ni chwaraewyr ifanc da yn dod trwy'r system o hyd - Spender, Taylor, Baynes, Mike Williams ar hyn o bryd - ond am ryw reswm den nhw ddim yn cael eu datblygu fel y dylen nhw. Bai pwy ydi hynny? Dwi'm yn gwybod, ond mae Spender yn enghraifft o un oedd yn edrych yn ddisglair iawn pan dorrodd i mewn i'r tîm gyntaf ond rwan mae o i weld wedi cael ei lusgo i lawr i'r safon wael gyffredinol, a dwi'n wirioneddol ofni gweld yr un peth yn digwydd i Taylor a Baynes. Ac mae Mike Williams wedi bod yn ddigon da i dîm dan 21 Cymru wnaeth ennill eu grwp ond eto ddim yn ddigon da i dîm cynta Brian Little.
Ti'n gofyn be ddigwyddith rwan - ennill gêm, colli gêm etc etc. Dwi'n meddwl mai'r peth pwysicaf un i'r rhan fwya o gefnogwyr Wrecsam (pwysicach na'r canlyniadau hyd yn oed) ydi bod Wrecsam yn chwarae'r gêm y ffordd iawn - trio chware pêl droed ar y llawr, pasio celfydd ac ati. Ers i Little ddod mae'r pwyslais wedi bod yn gyfan gwbl ar hoofball diflas - uffern o gic i fyny'r cae at ben boi mawr fel Louis (neu Broughton o'i flaen) ac wedyn disgwyl i'r bel ddod yn ol. Crap llwyr. DYNA pam mae'r hen gefnogwyr wedi gwylltio gymaint, nid dyma ffordd Wrecsam o chware.
Mae'r torfeydd wedi mynd lawr ers dechrau'r tymor o ryw 4,000 i lai na 3,000 - dyne ti tua £15,000 o bynnoedd yn llai yn dod i mewn drwy'r giat bob gêm - ac mi fyse wedi mynd yn llai ac yn llai. Wnes i ddim prynu tocyn tymor eleni achos roedd peldroed Little jyst yn fy niflasu'n llwyr , a dim ond un waith ydwi wedi bod i'w gweld nhw. Neuthon nw ennill 3-2 yn erbyn Ebbsfleet yn y gêm honno, ond o'n nw'n dal yn gachu.

Prynu Faulconbridge o rywle wnaethon ni gyda llaw (yn y dyddiau pan oedden ni'n gallu fforddio prynu chwaraewyr), nid ei ddatblygu trwy'r tim ieuenctid. Be hitiodd Wrecsam (a phob tim bach arall) ers dyddiau Bryan Hughes, Armstrong ac ati oedd dyfodiad rhyddid chwaraewyr i symud. Mi gafodd chwaraewyr fel Morrell a Trundle adael wedyn heb i ni gael dime amdanyn nw. A dyna brif ffordd y clwb o gynnal ei hun wedi mynd am byth.

[DO84]

Fues i'n gweld tipyn o gemau Wrecsam tymor diwetha' ar achlysuron pan nad oedd Bangor yn chwarae. Yr hyn oedd yn fy nharo fwy na dim oedd diffyg unrhyw fath o syniad sut i chwarae pel-droed. Rhaid cyfadde' i mi fod efo tipyn o 'soft spot' i'r clwb gan mai'r gem bel-droed gynta i mi'w weld oedd Wrecsam yn erbyn Halifax flynyddoedd maith yn ol!

Dwi'm di bod tymor 'ma, dwi'm efo digon o arian i warantu wastio £17 i wylio crap diflas di-gyfeiriad. Dwi'n gobeithio nad dewis yr opsiwn rad o benodi Foyle a Carey wnaiff y cadeirydd gan mai anhebyg iawn y gwelwn unrhyw welliant heb gael llechen lan a dechrau newydd.

[Cynyr]

O ran diddordeb pwy fydde chi (cefnogwyr Wrecsam) yn hoffi gweld yn cymryd rheolaeth ar y tim?
Ma na son am Saunders? Mae'r ymgais i arwyddo Savage ar fenthyg fel chwaraewr/hyfforddwr wedi methu.

Dwi'n gofyn hyn ar ol cael sgwrs gyda cydweithiwr heddiw sydd yn gefnogwr Wrecsam. Ei ateb oedd, "dim blydi syniad".
Dywedodd rhywbeth tebyg i ti Lovgreen fod y chwarae yn rhy ddiflas gyda'r un bel hir drwy'r amser!

[eusebio]

O leiaf pan oedd chwaraewyr ifanc yn dod trwodd ac yn mynd ymlaen i glybiau mwy oedd hynny'n dod a mwy o arian i fewn i'r clwb iw ddefnyddio ar chwaraewyr fel Peter Ward, Craig Skinner ac ati...

hahahahahahahahahahahahhahahahahahahahahahahahahahahahahaha ... fyddi di'n crybwyll Dean Spink nesa' ... a paid a pardduo'r edefyn ymaa gydag enw Craig Faulconbridge <poeri> ... Wycombe blydi Wanderers ... my arse!

sori ... <as you were>

[Lorn]

Sori am fod a barn fy hun Eusebio, nes i'm sylweddoli bod yn rhaid i ni gyd foesymgrymu i dy farn di! Rhaid bod dy cof yn methu os wyt ti'n gweld bod Ward a Skinner yn yr un gynghrair a Dean Spink!

Ti'n neud pwyntiau da Lovgreen, a gallai ddim anghytuno a'r hyn rwyt ti'n ddweud. Yr hyn sy'n crynhoi'r hyn dwi'n ddeud ydy be ddwedodd Cynyr - pwy ddoith? Doedd Savage erioed yn opsiwn realistig, os ddoith Saunders bydd yn gaffaeliad, ond dwi'n ofni byddwn yn union yr un sefyllfa a buodd Little ynddo, Carey a cyn hynny Denis Smith ar ddiwedd ei gyfnod.

[joni]

Oi! Llai abiws i Deano Spink. STFC lejynd.