Ffrainc v Cymru - 6 Gwlad

[Gwahanglwyf Dros Grist]

Ta beth, mond i weud mai perfformiad campus gan y Mwnciod Ildiol Caws-fwyta a'n curodd ni. Dy'n ni ddim yn sydyn yn dim gwael.

[ceribethlem]

Ta beth, mond i weud mai perfformiad campus gan y Mwnciod Ildiol Caws-fwyta a'n curodd ni. Dy'n ni ddim yn sydyn yn dim gwael.

Cywir, mae'r hysteria ma'n rhyfeddol. Buddugoliaeth i dim Ffrainc yn y gem gorau iddyn nhw chwarae ers 2007! Sdim rheswm digaolni yn hynny o beth, mae Ffrainc ar eu dydd yn gallu curo pawb gan gynnwys SN. Ac fe allen ni, gyda twtsh o lwc, fod wedi cipio'r gem.

[Macsen]

Hysteria!?! Dylen ni ddisgwyl ennill BOB GEM rygbi, ac mae unrhywbeth llai na afrif Gampau Lawn flwyddyn ar ol blwyddyn yn anfaddeuol. Os nad yw Gatland yn medru sicrhau hynny dyle fo wneud lle i rywun sydd yn. Bydd rhaid iddo ennill o leia dau Gwpan y Byd i wneud fyny am y perfformiad dydd Gwener yn fy ngolwg i.

[joni]

Ta beth, mond i weud mai perfformiad campus gan y Mwnciod Ildiol Caws-fwyta a'n curodd ni. Dy'n ni ddim yn sydyn yn dim gwael.

Cywir, mae'r hysteria ma'n rhyfeddol. Buddugoliaeth i dim Ffrainc yn y gem gorau iddyn nhw chwarae ers 2007! Sdim rheswm digaolni yn hynny o beth, mae Ffrainc ar eu dydd yn gallu curo pawb gan gynnwys SN. Ac fe allen ni, gyda twtsh o lwc, fod wedi cipio'r gem.

A heb un cheating referee. Every bloody time, mun.

[Duw]

Cywir, mae'r hysteria ma'n rhyfeddol. Buddugoliaeth i dim Ffrainc yn y gem gorau iddyn nhw chwarae ers 2007! Sdim rheswm digaolni yn hynny o beth, mae Ffrainc ar eu dydd yn gallu curo pawb gan gynnwys SN. Ac fe allen ni, gyda twtsh o lwc, fod wedi cipio'r gem.

Cofia, os o'n ni wedi, bydde wedi bod braidd yn erbyn rhediad y gem. Roedd Ffrainc (sylwch dim expletives!) yn llond haeddu ennill. Os ydy Stephen Jones yn cicio'r holl meddiant i ffwrdd eto, gallwn ddisgwyl probleme tebyg yn y ddwy gem sy'n weddill. Be yn y byd sy'n bod ar gadw meddiant neu ennill tir? Y peth diwetha roedd Ffrainc ishe oedd chwarae rygbu yn 22 eu hunain. Mae'n rhaid bo rhywun ar y cae yn gallu newid y cynllun a chwarae patrwm sy'n ymateb i'r dasg gyfredol.

BTW: oes rhywun yn gwybod sawl gwaith 'nath Shane gyffwrdd y bel? Ychydig iawn o be dwi'n cofio (dim llawer ar ol yr holl Guinness) - be di'r pwynt ei gael e'n holliach os nac oes ffordd o'i ddefnyddio?

[Cardi Bach]

O'r hyn o'n i'n ei weld yn y gem, o'n i o'r farn mai Cymru chwaraeodd yn wael, ac nid Ffrainc a chwaraeodd yn dda.

Fel sydd wedi ei son ishws, odd Cymru wedi gwneud nifer anghyffredin o gamgymeriade.
Welon ni nesa peth i ddim o Shane na Halfpenny, ac am yr ail gem yn olynol welon ni ddim o Jamie Roberts.

Fel arfer mae'r ffaith fod y cefnwyr yn anweladwy yn symptom o'r ffaith fod y pac yn methu a gwneud eu gwaith, ond doedd hyn ddim yn wir nos Wener, o'r hyn o'n i'n weld odd y pac yn itha fishi! Hefyd, mae rhai ar y cyfryngau wedi dweud na gafodd Cymru y bel am hanner awr yn yr ail hanner, ond dyw hynna ddim yn wir. Pan gafodd Cymru y bel ro'n ni naill ai yn ei chicio ddi nol, a hynny'n wael, neu yn ei cholli ddi yn ardal y dacl. Mae hyn yn gwbl annodweddiadol o Gymru o dan arweiniad Gatland.

Mae Cymru yn chwarae gem gwbl, gwbl syml - lledu'r chwarae o'r chwith i'r dde; ail-gylchu'r bel, yna mynd yn ol i'r chwith, yna yn ol i'r dde, ac yn y blaen.
- Gem 'teritorial' - ennill y tir cyn stretsho'r gwrthwynebwyr a gadael i Jamie Roberts neu Andy Powell i dorri tyllau yn yr amddiffyn (neu Shanklin, gan mai dim ond fe wnaeth unrhyw argraff Nos Wener), ac yna gall y tri ol edrych yn dda yn rhedeg y ceisiau i fewn.
- Ffitrwydd - y gallu i flino y gwrthwynebwyr, a manteisio ar hyn ar ddiwedd 80 munud.
- Cyhyrau - cadw'r bel, ac ennill ardal y dacl.

Y pryder yn dilyn y ddwy gem ddiwethaf yw pan nad yw'r cynllun yn gweithio, er enghraifft fod amddiffyn y gwrthwynebwyr yn gadarn, yn ffyrnig ac yn dwyn y bel, neu pan eu bod nhw yn canolbwyntio ar chwalu y ddau 'line-breaker' yn y dacl, nad yw'r tim yn gallu meddwl yn ddigon chwim i newid y cynllun. O'n i'n anhapus fod Gatland wedi tynnu Stephen oddi ar y cae am fod e yn un o'r ychydig ar nos Wener ddangosodd ei fod yn fodlon newid ei gem. Pan fo'r gwrthwynebwyr yr un mor ffit os nad yn fwy ffit, ac yr un mor gryf os nad yn gryfach yna mae rhaid gallu newid arddull y chwarae.

Mae Gatland yn iawn i ganolbwyntio ar y dair elfen yma, dyma wedi'r cwbl beth sydd am ddod a'r pwyntiau ar y bwrdd ac ennill y gem, a dyma ardaloedd lle'r oedd Cymru yn wan iawn ynddyn nhw tan yn ddiweddar, ond eto, rhaid i'r bois ar y cae, neu i'r capten roi arweiniad, i newid y chwarae.

Fe ddywedodd Gatland mewn cyfweliad cyn y gem ei fod yn hapus fod Cymru yn gallu chwarae dwy steil o rygbi yn gyfforddus - rygbi agored, a rygbi tynn. Dyw'r dystiolaeth ddim yn cyd-fynd a hynny.

Falle fod colled nos Wener am fod yn well gem i Gymru ddysgu ohono na'r fuddigoliaeth yn erbyn Lloegr.

[Duw]

Falle fod colled nos Wener am fod yn well gem i Gymru ddysgu ohono na'r fuddigoliaeth yn erbyn Lloegr.

Cytuno'n llwyr.

[Gwahanglwyf Dros Grist]

Ond Cardi, mae dy ddadl di'n diystyru braidd yr effaith a gafodd perfformiad Ffrainc ar ein perfformiad ni. Yr hyn oedd yn dda am Ffrainc oedd y pwyse iddyn nhw'i roi arnon ni i orfodi'r camgymeriade a welwyd gan sawl chwaraewr.

[joni]

Yr hyn oedd yn dda am Ffrainc oedd y pwyse iddyn nhw'i roi arnon ni i orfodi'r camgymeriade a welwyd gan sawl chwaraewr.

peswch *offside* peswch...

[Gwahanglwyf Dros Grist]

Amhosib i fi weld gan mai ar y pen o'n i'n eistedd a heb weld y gêm ers 'ny. Ond y pwyse'n fwy na dim ond defnyddio'r blitz. Roedd gwaith Dusautoir yn ardal y dacl a'r cicio i'r tri ôl yn arbennig o gryf.