Wedi anobeithio go iawn ar ol bod yn y gem ddoe. Tydi'r chwaraewyr ifanc yma ddim cystal ac yr oedd pawb yn gobeithio. Ddoe, 'roedd o leiaf tri yn gwasgu i ochr chwith y cae i wneud gwaith un dyn, a neb yn fodlon ymosod ar flwch chwech y Ffindir. Yr oedd chwarae 4-5-1 yn drychineb, ac yr oedd sticio at hynny am dros awr yn anhygoel. Mae Bellamy wedi dangos sut grinc ydi o mewn gwirionedd unwaith eto. Petai'n gallu siarad gyda tomen o goliau tyngedfenol rhyngwladol, popeth yn iawn, ond arbenigwr mewn plannu nhw yn y gemau bach yw Craig .
O safbwynt Cymru,mae'n well i'n hogia fod yn chwarae 90 munud yn y bencampwriaeth na eistedd ar y mainc yn yr uwch gynghrair . Yn anffodus, o safbwynt hwythau , mae'r gyflog am wneud dim yn well.
Mi fuasai gennyf fwy o gydymdeimlad gyda'r tim petaent yn trio canu'r anthem, ond mae hynny y tu hwnt i'r trwch ohonynt . Ai i ddim i'r stadiwm dydd Mercher - job mynd o gwaith yn ystod yr wythnos, a gorfod gweithio dydd Iau .Yn anffodus, tydi o ddim ar y teledu . Rhywun yn gallu awgrymu linc ?