Iseldiroedd yn Gywilydd

[Duw]

A weloch chi'r moch mewn oren neithiwr? Ffili credu e. Dwi ddim yn foi mawr am bel droed, ond cyton pawb, ma' sens o bita potsch acha rhaw. Blydi ffiaidd - roedd hanner meddwl 'da fi i'w cefnogi cyn y gem. Da iawn S. S'rywun yn gwbod beth oedd at fest y boi a sgoriodd?

[Hogyn o Rachub]

Rho fo fel hyn, tasa Cymru yno yn hytrach na'r Iseldiroedd ac yn gorfod chwarae fel'na i fod â chyfle i ennill 'swn i'n ddigon hapus!

[Duw]

Ti o ddifri HR? Ble ma dy safone personol achan? Bydde perfformiad felna'n dod â chywilydd ar y wlad gyfan. Doedd dim byd caled na chlefyr am y ffordd waraeon nhw - moch, pur a syml. Elen ni ddim i gefnogi tim o'r fath - gwell cefnogi tim lleol plant a gweld waraewyr sy moyn ware.

[ceribethlem]

Swno'n debyg i'w cefndryd Afrikaans ym myd rygbi!

[Hogyn o Rachub]

Hollol o ddifrif. Tasa Cymru yn y fath gêm swni'n gwbl fodlon eu gweld nhw'n gwneud popeth posibl i ennill - i'r diawl â safonau!

[Duw]

Ych-a-fi. Ny gyd alla i weud. Un i'r scinheds wylle.

[Josgin]

Y gwir ydi fod peldroed Prydeinig fel 'na tan rhyw 30 mlynedd yn ol. Yr oedd taclo caled a mileinig (' rhychu' chydal Orig Williams ac Arthur Picton) yn ran annatod o'r gem, a hogia' caled cymaint o arwyr a'r asgellwyr a'r blaenwyr. Cafodd Pele ei gicio allan o gwpan y byd yn 1966 . Mi oedd tim dawnus Leeds dechrau'r 70au yn llawn moch (moch dawnus, cofiwch) - Hunter, Bremner a Giles am dri. Mi oedd gan Lerpwl nifer o 'enforcers ' - Tommy Smith ydi'r enwocaf, ond yr oedd Souness yn enghraifft arall o ' fochyn dawnus' . Nid oedd blaenwyr mor feddal ac y maent yn awr - mi oedd Wyn Davies y Cofi'n goblyn o foi gyda'i benelin yn y cwrt cosbi.
Dwi'n cofio sawl sglyfath ar Farrar Road, a pob un yn boblogaidd iawn .

[ceribethlem]

Y gwir ydi fod peldroed Prydeinig fel 'na tan rhyw 30 mlynedd yn ol. Yr oedd taclo caled a mileinig (' rhychu' chydal Orig Williams ac Arthur Picton) yn ran annatod o'r gem, a hogia' caled cymaint o arwyr a'r asgellwyr a'r blaenwyr. Cafodd Pele ei gicio allan o gwpan y byd yn 1966 . Mi oedd tim dawnus Leeds dechrau'r 70au yn llawn moch (moch dawnus, cofiwch) - Hunter, Bremner a Giles am dri. Mi oedd gan Lerpwl nifer o 'enforcers ' - Tommy Smith ydi'r enwocaf, ond yr oedd Souness yn enghraifft arall o ' fochyn dawnus' . Nid oedd blaenwyr mor feddal ac y maent yn awr - mi oedd Wyn Davies y Cofi'n goblyn o foi gyda'i benelin yn y cwrt cosbi.
Dwi'n cofio sawl sglyfath ar Farrar Road, a pob un yn boblogaidd iawn .

Chi'n credu fod y traddodiad o ddeifio wedi cael gwared o'r math 'na o chwarae?

[Duw]

Yn amlwg rydym am weld gem gwahanol.

Dwi ddim yn credu allai gytuno 100% gyda ti Jos. Mae'r gem wedi symud mlaen ers y 60au, diolch i'r drefn. R'un peth mewn rygbi - drycha ar geme'r 70au - ein Cyfnod Euraidd - llawn moch ac ambell tafliad i'r olwyr. Bois yn gorwewdd dros ei gilydd a bwyta phenglinie'r gwrthwynebwyr.

Iseldiroedd ddim yn euog o fochandra felly, jest troi'r cloc yn ol rhyw 4 - 5 degawd. Dwi'm gwbod p'un sy waetha.

[Josgin]

Mae pobl yn cofio Mark Hughes fel ymosodwr , i Man U. Yr oedd Cymru'n ei ddefnyddio fwy fel rhyw 'holding midfielder ' , ond yn bellach i fyny'r cae na'r rhai arferol. Pan oedd Hughes a Barry Horne yn chwarae gyda'i gilydd , mi oedd hi'n waith go galed i'r tim arall fynd trwy canol y cae. Dwi'n cofio gweld Cymru'n chwarae Belg rhyw ddeunaw mlynedd yn ol, ac ar ddiwedd yr hanner cyntaf , os dwi'n cofio'n iawn , mi oedd gwlad Belg un ar y blaen - Enzo Scifo'n rhedeg y sioe. Ar ddechrau'r ail hanner, dyma Cymru'n ei dargedu , megis van Bommel a De Jong. Diflannnodd o'r gem yn llwyr, a daeth peldroedwyr Cymru'n amlycach , ac ennill y gem yn y diwedd. Yr oedd Hughes am gyfnod yn 'walking yellow card' - ni chwaraeodd yn erbyn Rwmania yn 1993 oherwydd y modd y gofynnwyd iddo chwarae i Gymru , oedd yn hynod effeithiol ar brydiau , ond yn arwain yn anochel at lyfr y dyfarnwr.Yr oedd Robbie Savage yn ffansio ei hun fel dyn caled, ond pryfociwr oedd o fwy nac unrhywbeth . Problem Cymru ar y funud yw diffyg 'enforcer ' go galed . Mae timau eraill yn cael rhwydd hynt i wneud beth a fynnant. Ydi, mae'r gem wedi newid , diolch i Blatter , a tydi taclo mileinig ddim yn ran o'r gem bellach . Serch hynny, mae taclo caled yn araf deg yn diflannu, ac amddiffynwyr yn gorfod bod fel delwau ar brydiau. Troi pawb i mewn i 'Dancing fairies ' fel Ronaldo !