Delwedd Cymru tu allan i Brydain

[Socsan]

Ges i sioc pa mor styfnig ydi rhai pobl dwi wedi gyfarfod tu allan i'r Deyrnas Unedig ynglyn a chredu mai nid "Lloegr" ydi enw Prydain. Dwi wedi egluro tua 1,000 o weithiau mae'n siwr fod yna 4 gwlad o fewn y DU, ac mai dim ond un ohynyn nhw ydi Lloegr.

Cymhorthydd iaith mewn Ysgol Uwchradd yn Ne Sbaen ydwi ar y funud, a rhan o fy ngwaith ydi siarad am fywyd yn y DU hefo'r disgyblion. Ar y diwrnod cyntaf roedd rhaid i mi egluro ble oedd Cymru, ac mai Cymraeg yw fy iaith gyntaf i ayyb. Er fod yr athrawesau yn gwybod y sdori yn barod, roeddyn nhw'n cyfieithu i'r disgyblion fod Cymru i Loegr yr un fath a Catalunia i Sbaen (h.y. jyst ardal sydd a iaith eu hunain). Tydi o ddim siwr! Dim ots faint o weithiau roeddwn yn egluro, yr un fyddai'r cyfieithiad i'r Sbaeneg bob tro.

Mae'n debgyol mai'r rheswm eu bod methu derbyn mai nid rhan o Loegr yw'r Alban a Chymru yw oherwydd nad ydi delwedd yr un o'r ddwy wlad yn gryf iawn yn Ewrop - tydyn nhw ddim wedi clywed ryw lawer amdanynt, felly maent yn assiwmio nad ydynt yn bwysig. Mae'n fy nigalonni a bod yn onest, dwi'n teimlo fel fy mod yn cwffio yn erbyn ryw for mawr pan ma rywun yn deud "Gales? Donde esta?" bob tro dwi'n deud o ble dwi'n dod...

Beth yw profiadau pawb arall? Gwell na f'un i gobeithio!

[Mali]

Yr un peth yn wir yma hefyd .....ac fel ti'n deud, y dueddiad ydi i bobl feddwl mai dim ond un gwlad ydi Prydain, a'r wlad honno ydi Lloegr. Dwi 'di gorfod egluro sawl gwaith fod Cymru yn wlad arwah

[Tegwared ap Seion]

Mae'n debgyol mai'r rheswm eu bod methu derbyn mai nid rhan o Loegr yw'r Alban a Chymru yw oherwydd nad ydi delwedd yr un o'r ddwy wlad yn gryf iawn yn Ewrop - tydyn nhw ddim wedi clywed ryw lawer amdanynt, felly maent yn assiwmio nad ydynt yn bwysig.

Wyt ti'n credu bod hyn yn fwy gwir i Gymru na'r Alban ynteu ydi'r sefyllfa'n debyg i'r ddwy wlad?

[Socsan]

Wel tydwi ddim yn gwybod yn iawn, gan mai'r unig bryd y byddaf yn cyfeirio at yr Alban ydi pan dwi'n rhestru gwledydd y DU er mwyn egluro mai nid "Lloegr" ydi enw'r ynys...

Dwi'n meddwl ei fod yn wir fod mwy o bobl wedi clywed am yr Alban nag am Gymru, ond yn anffodus maen nhw wedi cymryd mai rhan o Loegr ydio. Dim ond fy mhrofiad i ydi hyn cofia - eisiau gwybod oeddwn i os oedd rhywun arall wedi cael profiad gwahanol. Efallai mewn ardaloedd Sbaeneg eraill fel y Wlad Basg neu Gatalunia fod y cenedlaetholwyr yn eu mysg yn fwy tebygol o wybod am y gwahaniaeth, oherwydd y tebygolrwydd gyda sefyllfaoedd eu iaithoedd nhw...wnim wir.

[Tegwared ap Seion]

Ia digon posib. O'm profiad i, mae mwy yn ymwybodol, wel ella dim ymwybodol, ond yn cydnabod bod yr Alban yn "arwahanach" i Loegr nag ydi Cymru. Mae'n debyg mai rhesymau hanesyddol sydd tu

[docito]

Ma'n wir bod y mwyafrif o pobl ar draws y byd yn ystyried Lloegr i fod y term am Brydain yn gyfan gwbl a bod Cymru yn rhan o Loegr.
Odd hyn yn arfer wylltio'n ofnadwy. Ond yn ddiweddar rwy dechre meddwl 'Pam ffyc dyle nhw wybod y gwahaniaeth rhwng y ddau!!!' Does gen i ddim ffycin syniad am sefyllfa cenedlaetholdeb affrica ac rwy'n siwr y baswn i'n rhoi indiaid cyntefig Bolivia yn yr un blwch a gweddill trigolion y wlad. Bellach rwy'n ymfalchio ar y cyfle i addysgu pobl ynghlyn a'r wlad rwy'n falch ohoni. Pam bod pobl yn gwneud y camgymeriad na'i jyst esbonio'r gwahaniaeth mewn ffordd syml.

Ma un o fy atgofion melysaf ynghlyn a Chymru yn dod o pan nes i weithio mewn cartref i bland amddifad yn Buenos Aires. Doedd y plant hyn yn methu sgwennu ond odd nifer wedi clywed am David Beckham a 'Inglaterra'. O'n i'n ddigon hapus i nhw neud y cysylltiad hyn da fi. beth bynnag nes i rhoi gwers daearyddol i nhw ar faneri cenedlaethol. Fe rhedo ni allan o goch a gwyrdd o fewn hanner awr. Roedd pob un plentyn yn ymladd i gael peintio'r ddraig goch achos ma hwna oedd y banner mwya cwl o'n nhw byth di gweld. Bellach ma'r plant yn fy nghofio fel 'Docito de Gales el pais de Dragon!' (Docito o Gymru - gwlad y ddraig)

[Tegwared ap Seion]

Ooo ciwt! Aelwyd yr Ynys
Clera - Cymdeithas Offerynnau Traddodiadol Cymru

Sdwff ni a dim rhyw sothach ail-law Seisnig

[Lôn Groes]

Fuaswn i ddim yn colli llawer o gysgu dros y camargraff cyffredin mai England ydi Britain.
Anwybodaeth a diffyg diddordeb sydd wrth wraidd hyn i gyd. A Duw a'n helpo mae 'na ddigonedd o'r elfennau yma yn ein byd ni.
Synnwn i ddim ein bod ni'r Cymry hefyd yr un mor euog ac yr un mor anwybodus a digyffro am gyflwr gwledydd eraill.
Ond rhaid imi gyfaddef mae'r disgrifiad o Gymru fel: 'jyst ardal gyda'i hiaith ei hun' yn taro'n reit agos i'r gwir ac yn rhoi halen ar y briw rhywsut.
Hwyrach y gallwn ddweyd yr un peth am Quebec yn Canada.
Ond y gwir ydi mae Quebec fel talaith yn mwynhau mwy o hunan lywodraeth na Chymru fel gwlad.
Ac fel hyn y bydd hi hefyd i'r mwyafrif sy'n edrych i mewn arnom.
Mae gwlad heb ei Senedd ei hun; gwlad heb lywodraeth dros ei thynged ei hun yn wlad ddigon od i'r mwyafrif yn Ewrop.
Ond ar y funud yr hyn sy'n bwysig yw i Gymru, er gwaetha ei diffygion gwleidyddol, barhau i gadw ei chymeriad unigryw o fewn y Deyrnas Unedig ac ymhlith gwledydd y byd.
Ac nid Senedd sy'n bwysig bob amser chwaith. Mae iaith yn bwysicach, a dyma sydd yn ein gwneyd yn wahanol ac yn unigryw.
Mae Seneddau yn bymtheg y dwsin yn Ewrop ond does ond un iaith Gymraeg.
Y rhyfeddod yw bod yr iaith a'n diwylliant wedi parhau cyhyd a ninnau 'dim ond ardal efo'n hiaith ein hunain'.
Boed ini felly ymladd a goleuo tywyllwch pobl am Gymru pa le bynnag y byddom efo llond c

[Mali]

Ma un o fy atgofion melysaf ynghlyn a Chymru yn dod o pan nes i weithio mewn cartref i bland amddifad yn Buenos Aires. Doedd y plant hyn yn methu sgwennu ond odd nifer wedi clywed am David Beckham a 'Inglaterra'. O'n i'n ddigon hapus i nhw neud y cysylltiad hyn da fi. beth bynnag nes i rhoi gwers daearyddol i nhw ar faneri cenedlaethol. Fe rhedo ni allan o goch a gwyrdd o fewn hanner awr. Roedd pob un plentyn yn ymladd i gael peintio'r ddraig goch achos ma hwna oedd y banner mwya cwl o'n nhw byth di gweld. Bellach ma'r plant yn fy nghofio fel 'Docito de Gales el pais de Dragon!' (Docito o Gymru - gwlad y ddraig)

Difyr!
Ydi , mae'n rhaid cyfaddef fod y Ddraig Goch yn 'faner cŵl' iawn. Ac hefyd yn symbol cryf y medr pobl ei adnabod a'i gysylltu

[Tegwared ap Seion]

Gyda criw o Eidalwyr yng Ngwlad Pwyl 2 haf yn