Bobol bach mae hi'n oer

[Lôn Groes]

Mae Canada yn draddodiadol o oer yn y gaea. Hwyrach dyna pam mae'r Americanwyr yn cyfeirio atom fel pobol y ' Great White North'. Ond er gwaetha'r oerni mae trigolion y wlad yn dal i gario ' mlaen gyda'u dyletswyddau pob dydd.
Mi dwi'n ffodus gan fy mod yn byw yn reit agos i Vancouver ac er ein bod yn cael dipyn o eira rwan ac yn y man, gwlaw ydi'r bwgan mwyaf fan yma yn y gaeaf, ac nid eira, oerni a rhew fel yn y gweddill o'r dalaith.
Mae'r tymheredd wedi disgyn yn ddifrifol yn nhalaith Saskatchewan, Alberta, Manitoba a gogledd British Columbia yn ddiweddar ac mae ffigwrau fel -40C yn digwydd yn reit aml.
Ond wrth edrych heddiw ar ragolygon y tywydd yma ac acw ar draws Canada, mi roeddwn i'n teimlo cydymdeimlad mawr tuag at bobol pentref bach Mayo yn yr Yukon. Dyma ei tywydd nhw wythnos yma:

http://www.mytelus.com/weather/land_sta ... o?code=YMA

Felly os ydi eich traed chi'n oer ym Methesda heno; cofiwch am bobol Mayo da chi

[Blewyn]

Mi sbariaf funud i feddwl amdanach pan fydd awr y G&T arnom nes ymlaen ar y verandah....

[Lôn Groes]

Mi sbariaf funud i feddwl amdanach pan fydd awr y G&T arnom nes ymlaen ar y verandah....

Yn dal yn boeth yn Muscat, Oman bid siwr. Beth 'di pris potel o Gin yn y wlad chwys doman ?
Mae'r gaeaf yn dal ei afael arnom yn British Columbia. Yr wythnos yma fe gauwyd un o briffyrdd y dalaith sef y Coquihalla Highway oherwydd llithriad eira. Bydd y ffordd ar gau am wythnos medda nhw gan fod 'na dunelli o eira yn barod i lithro i lawr y mynyddoedd hyd at y ffordd. Tywydd mulled wine ydi hi yma

[Positif80]

Dw i'n eithaf cenfigenus o'r rhai sydd yn byw mewn llefydd fel Canada. Mae Canada'n swnio fel wlad gwych, a mae'r tywydd oer yn apelio i mi rywsut. Falla fy mod i wedi bod yn wylio gormod o Due South.