Pasg Hapus i bawb .

[Mali]

Tebyg fod y rhan fwyaf ohonom yn gyfarwydd efo traddodiadau a Gŵyl y Pasg. Felly sut fyddwch chi'n dathlu'r adeg arbennig yma o'r flwyddyn?
Tydi dathlu'r Pasg heb newid rhyw lawer i mi ers pan oeddwn yn blentyn , oni bai fy mod yn dathlu'r Wyl mewn gwlad wahanol. Fyddai'n mynd i'r eglwys ar Sul y Palmwydd a Dydd Sul y Pasg , cysylltu a ffrindiau , cael cinio /swper arbennig , a phrynu byns croes boeth a wyau Pasg , yn ogystal a chael blodau ar gyfer y ty.
Ond tu ôl i'r cyfan wrth gwrs mae ymwybyddiaeth o ddioddefaint ac atgyfodiad Iesu Grist.

[sian]

Pasg Hapus i Mali a phawb.
Gawson ni wasanaeth cymun arbennig iawn yn y capel y bore 'ma.
Y Parch Angharad Roberts yn rhoi myfyrdod ar y groes. Syml a theimladwy.
Mae gennym ni wasanaeth i bawb o bob oed, gyda phlant yr Ysgol Sul a rhai o bobl ifanc y pentre'n cymryd rhan bore Sul a bydd Angharad yn pregethu eto nos Sul.
Fuodd y gŵr a fi am dro rownd lan môr y prynhawn yma - glaw, cesair a thonnau mawr - ac fe alwon ni gyda ffrindiau ar y ffordd.
Ddim yn cofio am hot cross buns - dw i ddim yn meddwl mod i wedi gweld rhai eleni.