Geiriau Unwaith Eto yng Nghymru Annwyl

[Mali]

Sgin rhywun y geiriau i Unwaith Eto yng Nghymru Annwyl ogydd ? Neu efallai linc i gôr / unigolyn sy'n ei chanu.
Diolch ...

[Hogyn o Rachub]

Unwaith eto 'Nghymru annwyl
'Rwyf am dro ar dir fy ngwlad.
Llawen gwrdd a hen gyfeillion
Sydd yn rhoddi mawr fwynhad.
Rhai ymffrostiant mewn prydferthwch
Gwledydd pell mewn swynol gan,
Ond i mi 'does dan yr heulwen
Gwlad mor bur a Gwalia lan.

CYTGAN:
Magwyd fi ar ei bron,
Ces fy siglo yn ei chrud.
O holl wledydd y ddaear
Dyma'r orau yn y byd.

Gwlad y bryniau ydyw Gwalia;
Gwlad y deryn, gwlad y bardd;
Gwlad y canu, gwlad y moli;
Gwalia sydd yn swynol hardd.
O, rwy'n hoffi i rodio'r llwybrau
Fum yn chwarae yn ddi-nam.
Atgyfodant rhyw atgofion ynwyf am fy annwyl fam.

[Mali]

Llawer o ddiolch i ti . Fydd gen i ddim esgis rwan i deimlo'n mod i ddim yn gwybod y geiriau.

[sian]

Dw i'n meddwl bod nhw ar y sgrîn beth bynnag!

Fictoraidd iawn on'd odyn nhw?

Ti'n dod draw i'r Steddfod?

[Mali]

Dw i'n meddwl bod nhw ar y sgrîn beth bynnag!

Fictoraidd iawn on'd odyn nhw?

Ti'n dod draw i'r Steddfod?

Helo Sian,
Ah gwell fyth ! Dwi ddim yn meddwl fod 'na sgrin y tro diwethaf i mi fod yn y steddfod .
Ydy, mae'r geiriau yn reit Fictoraidd , yn ddigon trist a sentimental . Ein planiau ydi mynd i'r steddfod ar y dydd Sadwrn cyntaf ac ar y dydd Mercher. A fyddi di yno ?

[Lorn]

Oeddwn i wastad yn licio fersiwn Sobin a'r Smeiliaid o hwnnw. Ar yr albym Caib os dwi'n cofio'n iawn? Neu'r un cyn hwnnw?

[Mali]

Wel, dyna hen dro ....gefais i ddim cyfle i'w chanu hi . Tydio ddim yn rhan o 'seremoni' croesawu'r ymwelwyr o dramor rwan
Eniwe, mi gawsom amser da yn y 'steddfod ddydd Mercher , yn y te bach ar ein cyfer , ac yn y pafiliwn .