Pump am y Penwythnos - 23/6/06

[Dwlwen]

1. Beth yw’r ffordd hawsaf erioed i chi ennill arian?
2. Ydych chi wedi gwneud rhywbeth sy’n codi cywilydd er mwyn codi arian?
3. Pe bai chi’n gosod eich cyflog eich hun, yn ôl eich gallu a’ch gwerth, faint fyddech chi’n ennill?
4. Ydych chi'n cynilo?
5. Enwch y peth mwyaf gwerthfawr i chi brynu, a’r peth mwyaf diwerth?

[Daffyd]

1. Beth yw’r ffordd hawsaf erioed i chi ennill arian?
Wrth fod mewn band. Cael fy nhalu i neud be dwi'n caru gneud.

2. Ydych chi wedi gwneud rhywbeth sy’n codi cywilydd er mwyn codi arian?
Naddo, dwi'm yn meddwl. Dwi wedi 'cream-pie'io athrawon ysgol.

3. Pe bai chi’n gosod eich cyflog eich hun, yn ôl eich gallu a’ch gwerth, faint fyddech chi’n ennill?
Dwnim. Honest wan, sgenaim clem. Fysa fo'n gorfod bod yn uwch na £10,000 per annum, shiwarli.

4. Ydych chi'n cynilo?
Ydwi'n be?! Di hwn yn un o'r gair hwntws am wancio?

5. Enwch y peth mwyaf gwerthfawr i chi brynu, a’r peth mwyaf diwerth?
Y peth mwya gwerthfawr oedd fy nrum kit. Y peth mwy diwerth oedd probably wbath fel swpar yn Galeri Caernarfon neshi ddim buta, ac o ni yn barod wedi cael swpar. I felt left out mewn bwyty ac ddim yn buta.

[Ioan_Gwil]

1. Beth yw’r ffordd hawsaf erioed i chi ennill arian?

yn amlwg - scratchcards ne enill gemau poker yn erbyn fy ffrindiau di-glem

2. Ydych chi wedi gwneud rhywbeth sy’n codi cywilydd er mwyn codi arian?

do, rhoi darn o bren eithaf trwchus mewn blwch 'pay & display' yn ganol haf pan on i tua 13, wedyn ar ol ir twristiaid i gyd roi eu pres i mewn, mi fydda nin rhedeg at y peiriant efo 'stick lolipop' ag yn stwffior pres i gyd lawr ag yn ei wario fo yn y co-op ar betha gwirion, gafo ni tua £10!

3. Pe bai chi’n gosod eich cyflog eich hun, yn ôl eich gallu a’ch gwerth, faint fyddech chi’n ennill?

mae'n ngallu a'n ngwerth i drwy'r tô, ond oherwydd fy niogrwydd, dwi am fod yn 'modest' a deud £60,000 y flwyddyn

4. Ydych chi'n cynilo?

trio gymaint a fedrai, tua 50-60% on incwm yn mynd i safio, gan fod gen i ddim biliau na dim iw dalu ar hyn o bryd

5. Enwch y peth mwyaf gwerthfawr i chi brynu, a’r peth mwyaf diwerth?

mwyaf gwerthfawr - guitar fender, er bo fi methu chwara bron ddim erbyn hyn, mae on edrych yn yn fy llofft
mwyaf diwerth - gem cyfrifiadur, Port Royal, mae on shit

[Sili]

1. Beth yw’r ffordd hawsaf erioed i chi ennill arian?
Ffeindio joban sy'n gofyn i chi wneud rhywbeth dachi'n fwynhau ei wneud fwy na dim i wneud arian. I mi, gneud llunia mashwr.

2. Ydych chi wedi gwneud rhywbeth sy’n codi cywilydd er mwyn codi arian?
Byta pump cinio Dolig am £5 pan oni'n naw. Mi ffethis allan o un daten rhost

3. Pe bai chi’n gosod eich cyflog eich hun, yn ôl eich gallu a’ch gwerth, faint fyddech chi’n ennill?
Digon i allu fi neud be dwisio yn gyfforddus. Dim lot, fyddwn i ddigon hapus yn ennill llawer llai na cyflog doctor pan orffennai yn y brifysgol.

4. Ydych chi'n cynilo?
Trio. Dwi di bod yn cynilo ar gyfer gwylia wythnos nesaf ac i brynu ffidil. Mae'r arian mewn potyn bychan yn fy llofft ar y funud. Nesi gymryd £50 echddoe i fynd i'r pyb. Wps.

5. Enwch y peth mwyaf gwerthfawr i chi brynu, a’r peth mwyaf diwerth?
Ma gennai allweddell microkorg ac organ roland VK7 nesi brynu o fewn mis i'w gilydd nath wegian yr acownt chydig. LOT o betha bach diwerth fel keyrings etc yn llenwi silffoedd cypyrddau acw.

[Cymro13]

1. Beth yw’r ffordd hawsaf erioed i chi ennill arian?
Canu yn cor Con Passionate - Recordio(jyst y llais) tua 6 ohonynt- para tua 2 awr £100 bob tro

2. Ydych chi wedi gwneud rhywbeth sy’n codi cywilydd er mwyn codi arian?
Hancyffio fy hun i far y Cwps i gori arian i Plant Mewn Angen - Nath ffrind arall wisgo crys rygbi Caerdydd er fod e'n cefnogi Ponty - I gefnogwyr Ponty ma hwnna yn big thing

3. Pe bai chi’n gosod eich cyflog eich hun, yn ôl eich gallu a’ch gwerth, faint fyddech chi’n ennill?
dros £100,000

4. Ydych chi'n cynilo?
Dibynnu os fi moen prynnu rhywbeth

5. Enwch y peth mwyaf gwerthfawr i chi brynu, a’r peth mwyaf diwerth?
Gwerthfawr - iPod fi
Diwerth - gweler

[Fflamingo gwyrdd]

[quote="Cymro13"]1. Beth yw’r ffordd hawsaf erioed i chi ennill arian?
Gwneud adroddiad heddlu

2. Ydych chi wedi gwneud rhywbeth sy’n codi cywilydd er mwyn codi arian?
Ydi cerdded drwy strydoedd Caerdydd wedi gwisgo dillad traddodiadol yn cyfri?! Os ydio, do, dwi wedi, sawl gwaith

3. Pe bai chi’n gosod eich cyflog eich hun, yn ôl eich gallu a’ch gwerth, faint fyddech chi’n ennill?
Ar y gwaith dwi'n wneud y munud yma, dwi'n haeddu dim cyflog a deud y gwir...

4. Ydych chi'n cynilo?
Dim ar gyfer rhywbeth penodol, ond dwi'n eitha call pan mae'n dod i roi arian yn y banc yn lle'i wario

5. Enwch y peth mwyaf gwerthfawr i chi brynu, a’r peth mwyaf diwerth?
Gwerthfawr - Tŷ
Diwerth - Pob cylchgrawn merched dwi erioed wedi'i brynu. Am wastraff arian.

[PwdinBlew]

1. Beth yw’r ffordd hawsaf erioed i chi ennill arian?
RISG! Ffacin hawdd, £10,188 am pnawn o atab cwestiyna

2. Ydych chi wedi gwneud rhywbeth sy’n codi cywilydd er mwyn codi arian?
Dim rili, dwi rioed wedi gorwedd mewn bath o bîns nam byd felly

3. Pe bai chi’n gosod eich cyflog eich hun, yn ôl eich gallu a’ch gwerth, faint fyddech chi’n ennill?
Mashwr be dwi ar rwan, dwin ormod o slacyr i haeddu mwy

4. Ydych chi'n cynilo?
Mae bywyd yn rhy fyr. Tin enill pres a tin cal dy drethu, tin cynylio a mae savings tax yn ffwcio yn dy din ac ar y diwedd tin gadael be ti wedi cynilo i dy epil a mae hwna yn cael ei drethu fyd. Gwario fo dwi i sdopio y Cylliad Wladol ddwyn o i gyd!

5. Enwch y peth mwyaf gwerthfawr i chi brynu, a’r peth mwyaf diwerth?
Fy ngitar fas. Rickenbacker 4003 Jetglo newyddsbondanlli - £1200
Mway diwerth oedd fy Creative Zen Touch mp3. Ges i o am wythnos a gollwng o ar lawr a mi falodd. Gan fy mod wedi cael o ar ebay does dim warranty na ffoc ol! £100 lawr y ffacin pan!

[Dwlwen]

1. Beth yw’r ffordd hawsaf erioed i chi ennill arian?
Gweithio ar raglen deledu nai'm enwi (nid y swydd presennol, cyn i neb weud...)

2. Ydych chi wedi gwneud rhywbeth sy’n codi cywilydd er mwyn codi arian?
Gweler uchod

3. Pe bai chi’n gosod eich cyflog eich hun, yn ôl eich gallu a’ch gwerth, faint fyddech chi’n ennill?
Pe bai fi'n gosod cyflog 'y'n hun, fydden i'n tueddu tuag at cynyddu'r 'perks' yn hytrach na'r arian. Cael neud fy ngwaith yn y parc falle, neu mynnu bo'r cwmni hala fi i 'neud 'ymchwil' tra'n teithio'r byd.

4. Ydych chi'n cynilo?
Wy'n trial - ond sai'n cael lot o lwyddiant.

5. Enwch y peth mwyaf gwerthfawr i chi brynu, a’r peth mwyaf diwerth?
Mwyaf gwerthfawr, y llapdop neu'r stereo. Mwyaf diwerth, yym wn i ddim... gen i ffrog gostiodd itha lot sy' ar yr hanger ers tua blwyddyn ond mae'n stunning o beth, felly 'nai byth 'i ystyried hi'n 'ddiwerth' go iawn.

[Twyllwr Rhinweddol]

1. Beth yw’r ffordd hawsaf erioed i chi ennill arian?
Os ydi pethau yn mynd yn dynn arna'i, mi fydda'i yn cysylltu a chyfieithwyr ac yn cymryd dogfennau diflas i'w trosi yn fy oriau rhydd (er nad oes llawer o'r rheiny yn bodoli rhwng gwaith a chwsg). Dydi'r gwaith ddim yn anodd, ond mae'n drafferthus - ond dwi'n lwcus fod y profiad gen i fel na fydda'i byth yn ddi-waith.

2. Ydych chi wedi gwneud rhywbeth sy’n codi cywilydd er mwyn codi arian?
Codi arian at elusen felly? Na, er nad ydw i yn gwarafun cyfrannu at elusennau dwi ddim yn y math o berson sy'n mynd i mewn i heip Plant Mewn Angen a ballu.

3. Pe bai chi’n gosod eich cyflog eich hun, yn ôl eich gallu a’ch gwerth, faint fyddech chi’n ennill?
A bod yn deg, ag ystyried fy oriau gwaith sydd fel arfer yn 10 awr y dydd a weithiau yn 12 mi ddylai fod yn uwch. Dylai hefyd fod yn ddigon i fi allu fforddio byw mewn lle neisiach. Byddai'n rhaid iddo fod o leia £10,000 y flwyddyn yn fwy na be dwi'n ennill ar hyn o bryd er mwyn gallu cynnal safon byw proffesiynol.

4. Ydych chi'n cynilo?
Pan ti'n talu dros £600 y mis am stiwdio fflat (bedsit) bach bach, ac yna costau ad-dalu benthyciad, costau teithio a chostau byw ar ben hynny dydi cynilo ddim yn rhan o dy eirfa di. Ond mae'n bris sy'n werth ei dalu i beidio a byw fel sdiwdant efo fflatmets ynghanol fy ugeiniau.

5. Enwch y peth mwyaf gwerthfawr i chi brynu, a’r peth mwyaf diwerth?
Does gen i ddim byd gwerthfawr. Mi oedd gen i broblem gor-wario dybryd am rhyw ddwy flynedd ac felly mi brynais lot fawr o rwtsh. Egyptian headdress oedd y gwaethaf un mae'n debyg.

[Gwahanglwyf Dros Grist]

1. Beth yw’r ffordd hawsaf erioed i chi ennill arian?

Mynd ar 'Heno' am dair munud. £60 yn fy mhoced. Biwt.

2. Ydych chi wedi gwneud rhywbeth sy’n codi cywilydd er mwyn codi arian?

Ddim off top fy mhen. Heblaw am y swyddi cachu, wrth gwrs.

3. Pe bai chi’n gosod eich cyflog eich hun, yn ôl eich gallu a’ch gwerth, faint fyddech chi’n ennill?

Cwrw a chawl gan y plwy'.

4. Ydych chi'n cynilo?

Ychydig bach, ond ddim digon. Un cyfrif cynilo a'r pensiwn. Mae'r dyledion yn llawer mwy na'r cynilo.

5. Enwch y peth mwyaf gwerthfawr i chi brynu, a’r peth mwyaf diwerth?

Gwerthfawr? Owff! Ymmm, fy meic, mae'n siwr, gan ei fod yn eitha' pwysig yn fy mywyd bob dydd, ac yn weddol gostus hefyd. Ond mae'r casgliad CDs yn falm i'r enaid.

Y peth mwyaf diwerth? Potiau ar gyfer y perlysiau. Fi dal heb eu defnyddio nhw, bron ddwy flynedd yn ddiweddarach.