Pump am y Penwythnos 21.7.2006

[Lowri Fflur]

1. Pwy yw eich alter ego llenyddol/ffilm? Dwi'm yn gwybod pwy ydi fy alter ego i ond dwi'n gwybod pwy sw ni'n hoffi bod. Sw ni'n licio bod yn Sleeping Beauty, cael bod yn dlos a mynd i gysgu am 100 o flynyddoedd. Sa bod yn dlos yn neis a sa cysgu am 100 o flynyddoedd yn neisiach, sw ni'n deffro mewn 100 o flynyddoedd a sa problemau fi i gyd wedi mynd i abergofiant. Yn anffodus dydi hynny byth am ddigwydd . Ond o edrych ar y bright side sa fo'n eithaf shit deffro a ffeindio bod pawb ti'n garu wedi marw.

2. Petai chi'n penderfynu bod yn dropout o gymdeithas, ble fyddech chi'n mynd? Rhywle efo traeth i gael gorwedd yn yr haul drwy'r dydd a nofio yn y mor. Rhywle lle mae yna dropouts cymdeithas eraill sydd yn gwmni braf ac yn licio cael amser da.

3. Beth yw'r un offeryn yr hoffech chi ei chwarae (os nad y'ch chi'n ei chwarae'n barod)? Gitar sw ni'n byscio a trafeilio o le i le pam dwi'n sgint ac angen denig.

4. Beth yw eich atgof cyntaf o fod ar wyliau? Bod yng ngharafan fy nain a fy nhaid yn Nimbych y Pysgod a clywed swn y glaw yn disgyn ar y to a teimlo'n hollol saff. Does yna ddim un teimlad yn y byd fel bod tu mewn i garafan pam mae hi'n glawio.

5. Rhowch gwpled i ni (rhaid iddo odli, yr ôl-fodernwyr yn eich plith)
mynd ar daith
am amser maith

[Madrwyddygryf]

1. Pwy yw eich alter ego llenyddol/ffilm?
Jan yn The Edukators.

2. Petai chi'n penderfynu bod yn dropout o gymdeithas, ble fyddech chi'n mynd?

Compton. Fo shizzle.

3. Beth yw'r un offeryn yr hoffech chi ei chwarae (os nad y'ch chi'n ei chwarae'n barod)?
Piano yn sicr. Mi dries chwarae piano pan oeddwn yn ifanc ond ni weithiodd allan. Buaswn yn hoffi chwarae stwff Gershwin.

4. Beth yw eich atgof cyntaf o fod ar wyliau?

Cofio mynd i Ffrainc ar Britanny Ferries. Cofio eistedd yn y cefn ac edrych allan trwy'r ffenest y car wrth i ni rhowlio mewn i'r cwch ac cael fy nharo gan hogle diesel/olew

5. Rhowch gwpled i ni (rhaid iddo odli, yr ôl-fodernwyr yn eich plith)

Eistedd wrth fy nghyfrifiadur yn yfed te.
Tra'n gwrando ar Dr.Dre

[bartiddu]

1. Pwy yw eich alter ego llenyddol/ffilm?
Terrence Hill!

2. Petai chi'n penderfynu bod yn dropout o gymdeithas, ble fyddech chi'n mynd?

Ceffyl + tent + reifl + llyfr goroesi yr S.A.S + masheti da + cot Barbour + Wild Wales gan George Borrow + pib a bacco + ucheldir Cambria.

3. Beth yw'r un offeryn yr hoffech chi ei chwarae (os nad y'ch chi'n ei chwarae'n barod)?

BANJO!

4. Beth yw eich atgof cyntaf o fod ar wyliau?

Cyrhaedd maes carafannau yn y gogledd rhywle gyda mam a dad a dim carafan i'w llogi a felly dyma'r perchennog yn rhoi ei garafan personnol ef i ni, oedd yn llawn rhyfeddode fel llond cwpwrdd o gemau scrabble a buckaroo ag ati a gweliau bwnc..cyffrous i gwrtyn 6 mlwydd oed!


5. Rhowch gwpled i ni (rhaid iddo odli, yr ôl-fodernwyr yn eich plith)

Bara menyn bara jam
Llawer gwell na cig a ham. (H.)

[huwcyn1982]

1. Pwy yw eich alter ego llenyddol/ffilm?

Wel ges i offens mawr ganol wythnos wrth i un o'm ffrindie gorau dweud bod da fi personoliaeth debyg i Ross oddi ar Friends. gweld fy hun mwy fel brad pitt, i weud y gwir.

2. Petai chi'n penderfynu bod yn dropout o gymdeithas, ble fyddech chi'n mynd?

Senedd, Bae Caerdydd

3. Beth yw'r un offeryn yr hoffech chi ei chwarae (os nad y'ch chi'n ei chwarae'n barod)?

Bas dwbl.

4. Beth yw eich atgof cyntaf o fod ar wyliau?

Norwy yn y gaeaf pan o'n i'n llai na 5 (ddim yn siwr pa oedran... ond cyn ysgol gynradd)

5. Rhowch gwpled i ni (rhaid iddo odli, yr ôl-fodernwyr yn eich plith)

Wedyn, falle.

[krustysnaks]

1. Pwy yw eich alter ego llenyddol/ffilm?
Dwi'n teimlo fel un o'r cymeriadau yn Wet Hot American Summer ar hyn o bryd.

2. Petai chi'n penderfynu bod yn dropout o gymdeithas, ble fyddech chi'n mynd?
Ochr canal yn Slough neu rywle.

3. Beth yw'r un offeryn yr hoffech chi ei chwarae (os nad y'ch chi'n ei chwarae'n barod)?
Y ffliwt neu'r obo, mwy na thebyg.

4. Beth yw eich atgof cyntaf o fod ar wyliau?
Mynd i Fuerteventura yn fachgen wyth mlwydd oed.

5. Rhowch gwpled i ni (rhaid iddo odli, yr ôl-fodernwyr yn eich plith)
Dyma gwpled gyflym iawn
gan mai dyma ddiwedd fy mhrynhawn.

[nicdafis]

1. Pwy yw eich alter ego llenyddol/ffilm?

Chewbacca.

2. Petai chi'n penderfynu bod yn dropout o gymdeithas, ble fyddech chi'n mynd?

Brithdir Mawr, Sir Benfro.

3. Beth yw'r un offeryn yr hoffech chi ei chwarae (os nad y'ch chi'n ei chwarae'n barod)?

Yr obo.

4. Beth yw eich atgof cyntaf o fod ar wyliau?



5. Rhowch gwpled i ni (rhaid iddo odli, yr ôl-fodernwyr yn eich plith)

Fy noson ola o fod yn rhydd,
Am naw y fory byddaf yn fy swydd.

[Chwadan]

1. Pwy yw eich alter ego llenyddol/ffilm?
Rwdlan. Neu Sal Paradise.

2. Petai chi'n penderfynu bod yn dropout o gymdeithas, ble fyddech chi'n mynd?
Bermo, lle mae dropouts pob cymdeithas yng ngorllewin Lloegr yn ymgynull.

3. Beth yw'r un offeryn yr hoffech chi ei chwarae (os nad y'ch chi'n ei chwarae'n barod)?
Dijyridw.

4. Beth yw eich atgof cyntaf o fod ar wyliau?
Eisteddfod Abergwaun 1986. Ond ron i'n llai na dyflwydd oed felly dwi'm yn siwr os dwi'n ei gofio fo go iawn.

5. Rhowch gwpled i ni (rhaid iddo odli, yr ôl-fodernwyr yn eich plith)
Achosa pi-em-ti a hangofyr
Lawer iawn o bofyr.

[Llewelyn Richards]

1. Pwy yw eich alter ego llenyddol/ffilm?

Miles o Sideways (meddai Benni). Be mae o'n wybod?

2. Petai chi'n penderfynu bod yn dropout o gymdeithas, ble fyddech chi'n mynd?

Tref farchnad dawel yng nghanol y wlad efo off-licence dda.

3. Beth yw'r un offeryn yr hoffech chi ei chwarae (os nad y'ch chi'n ei chwarae'n barod)?

Trwmped. I mi gael chwarae 'My Funny Valentine' fel Miles a bod mewn band 70s funk.

4. Beth yw eich atgof cyntaf o fod ar wyliau?

Bod yn sal mewn Maxi coch efo seddi lledr poeth.

5. Rhowch gwpled i ni (rhaid iddo odli, yr ôl-fodernwyr yn eich plith)

Ychydig o'r hen wylo yn y glaw,
Ychydig lwch yn Llanfihangel draw.