Pump am y Penwythnos 6.10.2006

[Gwahanglwyf Dros Grist]

Rhai difrifol wythnos 'ma i wrthbwyso rhai digrif Mr Raymond Diota wythnos dwetha (fe ddwedes i hynna, ond wedyn fe wnes i draed moch o bethe)

1. Ydych chi'n credu mewn Duw neu mewn pwer uwch?

2. Ai syniadau yw da a drwg, neu bwerau go iawn?

3. A yw crefydd yn achosi mwy o ddrwg na da?

4. Beth yw'r peth cyntaf fyddech chi'n ei wneud petai chi'n Dduw?

5. Pwy wnaeth sêr S4C?

[Manon]

1. Ydych chi'n credu mewn Duw neu mewn pwer uwch?

'Dwi'n coelio yn Y Fam Ddaear (nid y faeswraig, yr un go iawn ) a 'dwi'n coelio mai Duw Cariad Yw. Unwaith nesh i feddwl yn iawn be oedd hynna'n feddwl, nath lot o betha' ddechra' neud synnwyr!

2. Ai syniadau yw da a drwg, neu bwerau go iawn?
Syniadau, ond mae euogrwydd am neud petha' drwg yn bwer yn ei hun.

3. A yw crefydd yn achosi mwy o ddrwg na da?
Yndi, ond gan bobol sy'n camddefnyddio enw Duw.

4. Beth yw'r peth cyntaf fyddech chi'n ei wneud petai chi'n Dduw?
Cael pobol i feddwl am y byd fel 'global village'. os 'sa pawb yn gweld ein cyd-earthlings fel brodyr a chwiorydd yn lle fel pobol yn bell bell i ffwr, 'sa lot fawr iawn o'r drwg yn diflannu.

5. Pwy wnaeth sêr S4C?
Ffalabalam, Glanaethwy a bands o'r 80au.

Waw. 'Dwi'n teimlo'n reit serene 'wan.

[Ray Diota]

1. Ydych chi'n credu mewn Duw neu mewn pwer uwch?

Nagw, ond wy'm yn beio pobol sy yn, chwaith. Wy'n gweld shwt ma'n helpu ambell waith. Dwi'n parchu pobol sy'n credu yn rhwbeth, dwi ddim yn parchu pobol sy'n edrych lawr ar bobol sy ddim yn credu...

On ma raid i fi weud bo fi jyst ddim rili'n deall shwt ma pobol yn gallu rhoi eu holl ffydd yn y fath bethau... chware teg iddyn nhw weda i, ond jawl eriod se rhwbeth yn cal fi lan 5 gwaith y dydd i fynd ar fy nglinie ne be bynnag se ni'n dechre gofyn cwestiyne...

2. Ai syniadau yw da a drwg, neu bwerau go iawn?

Se ni'm yn galw nhw'n bwerau... ond ma nhw'n fwy na syniadau. Hynny yw ma 'da' a 'drwg' yn mwy na jyst mater o farn...

3. A yw crefydd yn achosi mwy o ddrwg na da?

Saimo wir... ond ma fe'n gallu bod yn bach o blydi niwsens ambell waith ondyw e?

4. Beth yw'r peth cyntaf fyddech chi'n ei wneud petai chi'n Dduw?

Mynd am beint 'da allah. Betio galle ni yfed e dan y bwrdd.

5. Pwy wnaeth sêr S4C?

sai'n deall y cwestiwn, gwahanglwyf... ond be wedai yw bo fi di trio gwylio stwff ar s4c 5 o weithie wthnos ma a gorfod newid y sianel bob tro. big fat poo.

[joni]

1. Ydych chi'n credu mewn Duw neu mewn pwer uwch?
Dim rili. Wi di bod trwy'r holl busnes o cael fy conffyrmo yn yr eglwys a sdwff, ond byswn i ddim yn dweud mod i'n grefyddol. Wedi dweud dweud hynna, weithie dwi'n meddwl am y peth yn ddwys. Ond dwi fel arfer yn feddw ar y pryd.
2. Ai syniadau yw da a drwg, neu bwerau go iawn?
Heb mynd mewn i draethawd am y peth, fyswn i'n dweud taw syniadau yw nhw sy'n dod allan o foesau pobl. O ble daw'r moesau ar y llaw arall, sai'n gwbod.
3. A yw crefydd yn achosi mwy o ddrwg na da?
Dim ar y cyfan. Dwi'n credu taw ffycwits sy'n creu drwg boed yn grefyddol a'u peidio.
4. Beth yw'r peth cyntaf fyddech chi'n ei wneud petai chi'n Dduw?
Hedfan.
5. Pwy wnaeth sêr S4C?
Pwy natho nhw 'neud' i gyrraedd lle ma nhw ti'n feddwl? Siwr o fod rhywun weddol uchel lan - <snip> er enghraifft.

[nicdafis]

1. Ydych chi'n credu mewn Duw neu mewn pwer uwch?

Dw i'n agnostig radicalaidd, dw i ddim yn credu mewn dim byd, ddim hyd yn oed ym marwolaeth Duw.

2. Ai syniadau yw da a drwg, neu bwerau go iawn?

Syniadau diwylliannol. Mae rhaid, os am fyw mewn cymdeithas, cytuno ar y rheolau, ond dydy hynny ddim yn golygu ni all y rheolau newid o bryd i'w gilydd. Oedd mynd i'r rhyfel yn Irac yn "ddrwg" neu'n "anghyfreithlon"? Neu, mewn geiriau eraill, ydy smygu dail cannabis yn "ddrwg" neu'n "anghyfreithlon"? Mater o farn yw'r cyntaf, mater o bwys yw'r ail. Mae pob rhyfel yn ddrwg, ond mae'r un yn Irac yn anghyfreithlon - dyna'r unig sail am brostestio yn ei herbyn.


3. A yw crefydd yn achosi mwy o ddrwg na da?

Mae'n rhan ohonon ni, hyd yn hyn. Byddai'n hawdd iawn i ddweud "mwy o ddrwg", dyw e ddim fel bod 'na brinder o enghreifftiau. Ond mae'n anodd dychmygu sut byddai'r byd heb grefydd. Byddai'r iaith Gymraeg wedi hen farw, wrth gwrs, heb ddylanwad y Beibl, a'r capel wedyn. Yr eglwys sy'n gyfrifol am ledu'r "gair" yn ogystal â'r "Gair" - fyddwn ni wedi bod mewn cyflwr druenus heb ddylanwad y mynachdai yn ystod yr oesoedd tywyll. Mae'r syniad o Dduw yn sail i'n diwylliant, mae'r metafforau a mythau yn rhan ohonon ni.

Ond maen nhw i gyd yn dangos eu hoedran, a dyn ni wedi newid (diolch i'r storiau yma, yn rhannol) ers oes Crist. Mae'n amser i ni sgwennu storiau newydd.

(Sori, ateb dryslyd, ond cwestiwn amhosibl i'w ateb.)


4. Beth yw'r peth cyntaf fyddech chi'n ei wneud petai chi'n Dduw?

<a href="http://www.theonion.com/content/node/28151">Egluro'r rheol am beidio lladd</a>.

5. Pwy wnaeth sêr S4C?

Sori, dw i ddim yn credu ynddyn nhw, chwaith.

[Daffyd]

1. Ydych chi'n credu mewn Duw neu mewn pwer uwch?
Yn wahanol i rhan fwyaf o fy ffrindiau oedd wedi hen stopio coleio mewn Duw, ro ni dal yn coleio mewn rhyw fath o Dduw tan o ni tua 12, wedyn neshi actually ffindio allan fod o ddim yn bodoli gan fod pehta drwg yn digwydd i Gristnogion. Rioed di troi nol ers huna.

2. Ai syniadau yw da a drwg, neu bwerau go iawn?
Mae da a drwg yna er mwyn cadw pawb mewn order yn y gymdeithas. Os y bysa da a drwg ddim yn bodoli, fysa na ddim boundries, bysa na ddim ffordd o stopio'r hyn sydd yn stopio'r gymdeithas rhag ddatblygu a bysa na ddim ffordd o allu datblygu y gymdeithas chwaith.

3. A yw crefydd yn achosi mwy o ddrwg na da?
Mwy o ddrwg. Yn syth ma na unrhyw un yn cefnogi rhywbeth neu yn rhan o rywbeth, yna mae'n debygol y bydd rhyw fath o wrthdaro rownd y gongol. Efo crefydd, ffans pel droed, Saeson a Cymry, unrhywbeth. Felly, mae crefydd, erbyn hyn, yn gwneud mwy o ddrwg na da.

4. Beth yw'r peth cyntaf fyddech chi'n ei wneud petai chi'n Dduw?
Rhoi Adam Price yn arweinydd y Cynlluiad, a cymeryd rheolaeth o ddwylo pledleiswyr i roi'r X mewn man hynod gyfleus.

Wedyn, yn amlwg, bysw ni yn gwneud i Sion Porn fynd yn invisible iddo gael mynd i stafall newid merchaid.

5. Pwy wnaeth sêr S4C?
Mr. Cheque.

[Sili]

1. Ydych chi'n credu mewn Duw neu mewn pwer uwch?
Dwi'n credu fod na fwy i fywyd na jest beth sydd ar y wyneb, ond dwi'm yn credu mewn Duw Cristnogol fel y cyfryw, na'r syniad o'r nefoedd ac uffern. Dwnim. Dwi'm yn Gristion, mi roi hi felna.

2. Ai syniadau yw da a drwg, neu bwerau go iawn?
Syniad o beth sy'n dderbynniol mewn cymdeithas ynde. Barn yr unigolyn sydd yn cael ei siapio gan ei amgylchiadau i fedru diffinio rhwng y ddau begwn. Ma syniada pobl o "da" a "drwg" yn newid rhwng gwahanol ardaloedd.

3. A yw crefydd yn achosi mwy o ddrwg na da?
Amhosib deud.

4. Beth yw'r peth cyntaf fyddech chi'n ei wneud petai chi'n Dduw?
Edrych yn smyg.

5. Pwy wnaeth sêr S4C?
Ser S4C? Ser S4C?

[Jeni Wine]

1. Ydych chi'n credu mewn Duw neu mewn pwer uwch?

Na. Ddim fel y cyfryw. Ond dwi yn credu mewn pwer natur.

2. Ai syniadau yw da a drwg, neu bwerau go iawn?

Bocsys colomen.

3. A yw crefydd yn achosi mwy o ddrwg na da?

Mwy o ddrwg dwi'n meddwl. Er, does dim modd fesur faint o ddaioni mae crefydd yn ei achosi, am wn i.

4. Beth yw'r peth cyntaf fyddech chi'n ei wneud petai chi'n Dduw?



5. Pwy wnaeth sêr S4C?

Pa ser?

[Rhodri Nwdls]

1. Ydych chi'n credu mewn Duw neu mewn pwer uwch?
Nid mewn Duw na phwer uwch, ond mewn daioni cynhenid ac ysblander natur.

2. Ai syniadau yw da a drwg, neu bwerau go iawn?
Mae gweithred dda un yn weithred ddrwg rhywun arall. Pwy sydd i ddweud pwy sy'n iawn? Y frwydr gyson yw ceisio am y balans gorau. Weithiau mae'n troi un ffordd, weithiau'r ffordd arall. Fel Olwyn Fortuna a bywyd Ignatius J Reilly!

"Oh, what foul cruelty fortuna has spun to me today!"

3. A yw crefydd yn achosi mwy o ddrwg na da?
Roeddwn i'n credu ei fod, ond eto faswn i siwr o fod ddim yn sgwennu fama'n Gymraeg hebddo fo...

4. Beth yw'r peth cyntaf fyddech chi'n ei wneud petai chi'n Dduw?
Sortio allan y drws ffrynt sy'n sdicio, ma di bod yn mynd ar y'n wic i ers oes.

5. Pwy wnaeth sêr S4C?

HTV?

[Hogyn o Rachub]

1. Ydych chi'n credu mewn Duw neu mewn pwer uwch?

Ydwyf

2. Ai syniadau yw da a drwg, neu bwerau go iawn?

Na, mae da a drwg, ond weithiau nid ydi'r ffin mor amlwg a hynny rhyngddynt.

3. A yw crefydd yn achosi mwy o ddrwg na da?

Na

4. Beth yw'r peth cyntaf fyddech chi'n ei wneud petai chi'n Dduw?

Yfed drwy'r dydd a diley hangowfyrs.

5. Pwy wnaeth sêr S4C?

Martin Geraint