Pump am y Penwythnos 6.10.2006

[Y Fampir Hip Hop]

1. Ydych chi'n credu mewn Duw neu mewn pwer uwch?
Nagw, fi'n cretu mewn byw. Pob hawl i bobol sydd yn grefyddol, a whare teg i' nhw. Ond sai' yn, a paid trial wneud i fi bod, oes gwelwch yn dda.

2. Ai syniadau yw da a drwg, neu bwerau go iawn?
Syniade. So'r byd yn gêm RPG.

3. A yw crefydd yn achosi mwy o ddrwg na da?
Cwesiwn annodd 'chan. Ma crefydd di wneud lot fawr o les i'r byd dros y canrhifoedd fel catw y gair ysgrifenyddig yn fyw. Ond hefyd mae di achosi cystal o drygioni 'fyd fel creu lot fawr o safbwyntiau cul, a nifer maith o rhyfeloedd. Ond se pobol dim yn ymla'dd dros eu grefydd, ymladdon nhw dros rhywbeth arall.

4. Beth yw'r peth cyntaf fyddech chi'n ei wneud petai chi'n Dduw?
Troi dŵr yn wîn. Wedi troi dŵr fy hun yn wîn. Repeat ad infinitum.

5. Pwy wnaeth sêr S4C?
Erm...sai'mpo. Siwperted? Dai Jones?

[Selador]

1. Ydych chi'n credu mewn Duw neu mewn pwer uwch?
Ydw, mae o ond yn rhesymol credu fod rhyw fath o fywyd yn bodoli sydd tu hwnt i ddealltwriaeth ein synhwyrau ni. Mi fysa'r pwer yma yn ymddangos i ni fel dani'n ymddangos i fywyd planhigion.

2. Ai syniadau yw da a drwg, neu bwerau go iawn?
Hmm, un anodd. Mi ellir dadlau mai arf esblygol ydio i sicrhau fod pobol yn medru cyd-fyw yn llwyddianus a ffynu oddi fewn cymdeithas. Ond ar y llaw arall tydi hyn ddim yn esbonio'r peth o gwbwl, oherwydd os mai bodoli er mwyn bodoli yda ni, pam fod pobol angen bod yn ymwybodol?

3. A yw crefydd yn achosi mwy o ddrwg na da?
Mae crefydd, yn ei ffurf bur a goleuedig, yn gwneud llawer o dda a bron dim niwed. Mae crefydd sydd yn cael ei gamddehongli neu ei ecsbloitio yn medru bod yn hynod niweidiol.
Ond wedi meddwl, ni all crefydd fod yn dda na drwg heb fodau dynol, felly mae crefydd fel syniad abstract yn gwbl ddiniwed.

4. Beth yw'r peth cyntaf fyddech chi'n ei wneud petai chi'n Dduw?
Dim byd.

5. Pwy wnaeth sêr S4C?
Rhyw Dduw pegan meddw.

[anffodus]

1. Ydych chi'n credu mewn Duw neu mewn pwer uwch?
Ydw

2. Ai syniadau yw da a drwg, neu bwerau go iawn?
Syniadau sydd yn amrywio'n fawr

3. A yw crefydd yn achosi mwy o ddrwg na da?
Ar yr wynab ella bod hi i weld fod crefydd yn achosi lot fwy o ddrwg nac o dda - rhyfeloedd ac ati, ond ma crefydd yn dod a daioni i galonna pobl sy' ddim yn bosib ei fesur dwi'n meddwl

4. Beth yw'r peth cyntaf fyddech chi'n ei wneud petai chi'n Dduw?
Groesa i'r bont honno pan ddo i ati.

5. Pwy wnaeth sêr S4C?
Y Diafol

[Chwadan]

Newydd sbotio rhai wythnos dwytha - doniol Ta waeth...

1. Ydych chi'n credu mewn Duw neu mewn pwer uwch?
Dim ond pan mai'n ddrwg arna'i. Ma hynna'n uffernol dydi

2. Ai syniadau yw da a drwg, neu bwerau go iawn?
Gwirioneddau cyffredinol. Dwnim os ydi hynna'n wir, nac os ydi hynna'n golygu eu bod yn syniadau neu'n bwerau.

3. A yw crefydd yn achosi mwy o ddrwg na da?
Pobl sy'n achosi drwg a da. Tasa gennan ni ddim crefydd, sa gennan ni ryw gymhelliad arall dros ymddwyn fel yr ydan ni.

4. Beth yw'r peth cyntaf fyddech chi'n ei wneud petai chi'n Dduw?
Chwerthin fel Craca Hyll am ryw awr neu ddwy, wedyn ista lawr efo panad, pad o bapur a beiro.

5. Pwy wnaeth sêr S4C?
Ein harglwydd dduw, natch. A Hywel Gwynfryn.

[krustysnaks]

1. Ydych chi'n credu mewn Duw neu mewn pwer uwch?
Na, heb rithin o amheuaeth.

2. Ai syniadau yw da a drwg, neu bwerau go iawn?
Syniadau cwbl artiffisial, wedi eu creu drwy brosesau diwylliannol a chymdeithasol.

3. A yw crefydd yn achosi mwy o ddrwg na da?
Mae crefydd yn creu llawer mwy o ddrwg nac unrhyw syniadaeth arall gallai feddwl amdano - mae effaith crefydd ar ddynoliaeth i mi bron yn hollol ddinistriol.

4. Beth yw'r peth cyntaf fyddech chi'n ei wneud petai chi'n Dduw?
Lladd fy hun.

5. Pwy wnaeth sêr S4C?
Vaughan Hughes. Heb "Y Byd yn ei Le" gyda Vaughan Hughes, fe fyddai Newyddion 7 heb wên a winc Gari Owen - rydyn ni mewn dyled am byth i Vaughan am hyn.

[Macsen]

1. Ydych chi'n credu mewn Duw neu mewn pwer uwch?
Rydw i'n agnostic; does gen i'm syniad os yw Duw yn bodoli ai peidio. Rydw i'n teimlo i ryw raddau fod pobol sy'n credu nad yw Duw yn bodoli neu yn credu ei fod o, yn honni mae nhw yw Duw mewn ffordd - yn hollwybodus, yn gwybod sut mae'r bydysawd yn operadu. Mi ddylai pobol sylwi mae creaduriaid meidrol a twp ydyn nhw mewn gwirionedd, heb unrhyw ddealltwriaeth dwfn o natur y bydysawd. Agnostic yw'r oll all unrhyw un ystyriol fod.

2. Ai syniadau yw da a drwg, neu bwerau go iawn?
Dychmygion diwyllianau gwahanol i ryw raddau. Mi all digwyddiadau drwg ddadlennu'r gorau mewn pobol, ac i'r gwrthwyneb.

3. A yw crefydd yn achosi mwy o ddrwg na da?
Does neb wedi byw yn ddigon hir i gyfri, hyd y gwn i. Mae'n amlwg bod 'da', a 'drwg', yn dod o ganlyniad i grefydd. Ond pwy sy'n cadw sgor?

4. Beth yw'r peth cyntaf fyddech chi'n ei wneud petai chi'n Dduw?
Taflu'r 'hot potato' i rywun gyda mwy o guts.

5. Pwy wnaeth sêr S4C?
Eu talent a'i cysegriad/dibyniaeth ar y cyfryngau Cymreig.

[Selador]

1. Ydych chi'n credu mewn Duw neu mewn pwer uwch?
Rydw i'n agnostic; does gen i'm syniad os yw Duw yn bodoli ai peidio. Rydw i'n teimlo i ryw raddau fod pobol sy'n credu nad yw Duw yn bodoli neu yn credu ei fod o, yn honni mae nhw yw Duw mewn ffordd - yn hollwybodus, yn gwybod sut mae'r bydysawd yn operadu. Mi ddylai pobol sylwi mae creaduriaid meidrol a twp ydyn nhw mewn gwirionedd, heb unrhyw ddealltwriaeth dwfn o natur y bydysawd. Agnostic yw'r oll all unrhyw un ystyriol fod.

I know thy works, that thou are neither cold nor hot: I would thou wert cold or hot. So then because thou art lukewarm, and neither hot nor cold, I will spue thee out of my mouth

[sian]

1. Ydych chi'n credu mewn Duw neu mewn pwer uwch?

Ydw.

2. Ai syniadau yw da a drwg, neu bwerau go iawn?

Pwerau go iawn ond mae'r ffordd maen nhw'n amlygu eu hunain ym mywydau pobl yn dibynnu ar syniadau, arferion, cyfnod ac ati

3. A yw crefydd yn achosi mwy o ddrwg na da?

Anodd mesur. Mae'r ochr ddrwg i'w weld yn amlwg am ei fod ar raddfa fawr - rhyfeloedd ac ati - ond yn aml mae'r ochr dda yn fwy di-nod. Lot o Gristnogion a phobl o grefyddau eraill yn gwneud gwaith da, dyngarol ond mae'n anodd mesur faint maen nhw'n ei wneud am eu bod yn Gristnogion etc.

4. Beth yw'r peth cyntaf fyddech chi'n ei wneud petai chi'n Dduw?

Hypothetical.

5. Pwy wnaeth sêr S4C?

Hmmm.

[Macsen]

I know thy works, that thou are neither cold nor hot: I would thou wert cold or hot. So then because thou art lukewarm, and neither hot nor cold, I will spue thee out of my mouth

Felly byddai'n well gan Dduw petai fi'n anffyddiwr rhonc na'n agnostic? Dwi'n ei chael hi'n ddoniol pan bo rywun yn ymateb i ymosodiad ar ddilysrwydd y Beibl drwy ddyfynu'r Beibl.

"Mae'r Beibl yn dweud y gwir oherwydd bod y Beibl yn dweud ei fod o'n dweud y gwir! Grrrr!" Ym, gret.

[Cawslyd]

1. Ydych chi'n credu mewn Duw neu mewn pwer uwch?
Yndw, achos ellai'm credu mai ond be 'da ni'n allu'i weld sydd yn bodoli. Ma Duw yn atab hawdd i holl gwestiyna'r byd, ag eto'n rhoi lot o broblema'. Mae Duw yn beth gwahanol i bawb, i fi, mae o jyst yn rhyw lwybr ddylwn i anelu i lywio 'mywyd arno fo, i eraill, mae o'n bwer holl-rymus neith eich cosbi chi os ewch oddi ar ei lwybr.

2. Ai syniadau yw da a drwg, neu bwerau go iawn?
Syniada', achos, fel mae Duw pawb yn wahanol, ma da a drwg yn wahanol i bawb.

3. A yw crefydd yn achosi mwy o ddrwg na da?
Dwi'm yn meddwl mai crefydd fel y cryfyw sy'n achosi'r problemau yn y byd, ond natur gystadleuol dynoliaeth.

4. Beth yw'r peth cyntaf fyddech chi'n ei wneud petai chi'n Dduw?
Wel, dwi'm yn credu bod gan Dduw bwer i newid y byd i gyd, gan fod Duw yn wahanol i bawb.

5. Pwy wnaeth sêr S4C?
Y gwylwyr, debyg.