1. Ydych chi’n syrthio i gysgu’n hawdd?
Yndw. Wastad yn cysgu o fewn pum munud i mi roi fy mhen i lawr (os nad llai).
Dwi'n teimlo'n euog am y peth pan mae pobol yn gwaith yn son am fethu cysgu achos fod rhyw broblem sydd a wnelo fo a gwaith yn mynd rownd a rownd yn eu penna nhw. Breuddwydio am ffyrdd i ddatrys y broblem fydda i. Sy ddim yn lot o help achos dwi ddim yn cofio'r ateb erbyn y bore.
Mae fy ffrind gora yn gwneud ei holl feddwl creadigol yn y gwely gyda'r nos, sy'n ei gadw'n effro. Weithia, swn i'n lecio swn i felly.
Ond y rhan fwya o'r amser, dwi'n falch mod i'n gallu cysgu mor hawdd. Mae o'n fendith.
2. Beth oedd y peth diwetha’ i chi dorri?
Llwy bwdin. Ro'n i'n bod yn rhy anymyneddgar efo'r hufen ia fanila Greens and Black.
3. Beth oedd y peth diwetha’ i chi sgwennu ar bapur?
Nodiada yn gwaith bore ma. Cyn hynny, trio helpu Mihangel efo'i dasgau
Beirdd v Rapwyr yn y Trallwng heno. Do'n i'm yn lot o help.
4. Ydych chi’n osgeiddig yntau’n lletchwith?
Lletchwith
a gosgeiddig, diolch!
5. Pan mae rhywun yn gofyn am arian ar y stryd, beth yw’ch ymateb?
Fel arfer, dwi'n deud sori, cario mlaen i gerdded, cyn cochi am fy mod yn casau gwrthod arian i bobol. Ond os di rhywun yn gofyn am arian ar gyfer rhywbeth yn arbennig, fel pres bys, neu pres am banad, fyddai fel arfer yn rhoi fy llaw yn fy mhocad. Dim syniad pam dwi'n gwneud hyn, chwaith.