Pump am y Penwythnos 22.12.2006

[Manon]

1. Ydych chi wedi gorffen gwaith/coleg/ysgol eto?
Ylwch, 'di gwaith gwraig ty BYTH yn gorffan

2. Fyddwch chi'n mynd 'gartre' ar gyfer 'Dolig?
Aros fa'ma, felly bydda, ac yn cael llond llaw o deulu rownd i sglaffio cinio a chwara Hummbug.

3. Ydych chi'n debygol o fwynhau?
Wrth gwrs! 'Dwi 'rioed wedi peidio mwynhau 'Dolig, 'dwi WRTH FY MODD efo'r holl beth. Ac mi fydd blwyddyn yma'n brill achos ma' Efan yn 18 mis oed ac yn dallt be' 'di Sion Corn!

4. Fyddwch chi'n helpu gyda'r cinio, glanhau etc ar ddiwrnod Dolig neu fyddwch chi'n slob?
Myfi sydd yn gwneud popeth ers blynyddoedd maith, ac yn mwynhau. Alla na'i ga'l y gwr i sgrwbio'r bog cyn i'r ymwelwyr gyrraeff 'leni ddo

5. Beth yw'r un peth fyddai'n gwneud eich Dolig chi'n ddelfrydol?
Mab, gwr, teulu, bwyd neis- Ma' rheina gin i yn barod, so mi fydd o'n cwl o 'Ddolig!

[Hogyn o Rachub]

1. Ydych chi wedi gorffen gwaith/coleg/ysgol eto?

Dw i jyst wedi gorffan. Yn llwyr.


2. Fyddwch chi'n mynd 'gartre' ar gyfer 'Dolig?

Yma'n barod!


3. Ydych chi'n debygol o fwynhau?

Na. Dim cyfle.

4. Fyddwch chi'n helpu gyda'r cinio, glanhau etc ar ddiwrnod Dolig neu fyddwch chi'n slob?

Na.

5. Beth yw'r un peth fyddai'n gwneud eich Dolig chi'n ddelfrydol?

Petawn yn cael cysgu drwyddi ac anghofio'r ffycin lol i gyd. Iych. Dw i DDIM yn berson Nadolig.

Nadolig Llawen, y ffycyrs.

Diolch GDG. Dwi dal di meddwi cofia.[/quote]

[Y Fampir Hip Hop]

1. Ydych chi wedi gorffen gwaith/coleg/ysgol eto?
Do, gwples i gwaith am 11.45 heddi, joiiio mas draw.

2. Fyddwch chi'n mynd 'gartre' ar gyfer 'Dolig?
Fi sha thre trwy'r amser ar hyn o bryd.

3. Ydych chi'n debygol o joio?
Ie, wel Wii'n gobeitho joio be bynnag. Hefyd, ma gen i'r teimlad euraidd pryd ti di cwpla dy siopa a jesd gallu bwwzo a dim becso.

4. Fyddwch chi'n helpu gyda'r cinio, glanhau etc ar ddiwrnod Dolig neu fyddwch chi'n slob?
Gal glassed o gwin a hongian rownd y gecin yn esgus wneud pethe fydde'n i.

5. Beth yw'r un peth fyddai'n gwneud eich Dolig chi'n ddelfrydol?
Gal Nintendo Wii. Wel duw duw, ma un 'da fi - teidi darts

Nadolig Llawen, y ffycyrs.

Chiars clart, r'un peth i phawb!

[Chwadan]

1. Ydych chi wedi gorffen gwaith/coleg/ysgol eto?
Do, ers wsnos. Ond pnawn ma dwi'n sgwennu traethawd (gwae ), felly naddo.

2. Fyddwch chi'n mynd 'gartre' ar gyfer 'Dolig?
Byddaf. Allai'm dychmygu bod nunlle ond fanma. Os bydd gennai deulu fy hun byth, fyddai'n gadael nhw ar ddiwrnod Dolig i gal dod adre at mam i yfed sheri.

3. Ydych chi'n debygol o fwynhau?
Ydw. Heblaw am yr amser rhwng 5 ac 8 diwrnod Dolig pan fydd dad yn grympi ac yn gwrthod chwara Balderdash.

4. Fyddwch chi'n helpu gyda'r cinio, glanhau etc ar ddiwrnod Dolig neu fyddwch chi'n slob?
Fyddai'n helpu, achos di Sion Corn ddim yn dod bellach a does gen i ddim teganau i chwara efo nhw dan y pnawn. Bww. Plys ma na fwy o sheri yn y gegin.

5. Beth yw'r un peth fyddai'n gwneud eich Dolig chi'n ddelfrydol?
Ei fod o 'nunion run fath ac arfer.

Nadolig Llawen, y ffycyrs.

Thenciw, ac i chithau. Ac i bawb

[Sili]

1. Ydych chi wedi gorffen gwaith/coleg/ysgol eto?
Ma genai arholiad anatomy ar fy niwrnod cyntaf yn ol yn Gaerdydd, felly dio'm yn wylia Dolig i ymlacio ma genai ofn.

2. Fyddwch chi'n mynd 'gartre' ar gyfer 'Dolig?
Dwi adra ers wythnos bellach, wiii!

3. Ydych chi'n debygol o fwynhau?
Cyn belled a hyn, ma'n wylia a hanner llawn ymborthi a diota (a fawr o sdydio...).

4. Fyddwch chi'n helpu gyda'r cinio, glanhau etc ar ddiwrnod Dolig neu fyddwch chi'n slob?
Slob yn bora tra fod y rhieni yn paratoi y twrci a ballu, ond dwi wastad yn helpu efo gosod y bwrdd a ballu, a wedyn clirio ar ddiwadd y noson (gan gymryd yn ganiataol mod i'n medru sefyll yn fy niod erbyn hynny, hynny yw).

5. Beth yw'r un peth fyddai'n gwneud eich Dolig chi'n ddelfrydol?
Pawb efo'i gilydd yn cael amser i'r brenin

[Cymro13]

1. Ydych chi wedi gorffen gwaith/coleg/ysgol eto?

ddoe(iau) am 12 ac wedyn all dayer

2. Fyddwch chi'n mynd 'gartre' ar gyfer 'Dolig?

Byddaf

3. Ydych chi'n debygol o fwynhau?

Mwy na thebyg

4. Fyddwch chi'n helpu gyda'r cinio, glanhau etc ar ddiwrnod Dolig neu fyddwch chi'n slob?

SLOBS RULE

5. Beth yw'r un peth fyddai'n gwneud eich Dolig chi'n ddelfrydol?

YFED MEDDWI a gwylio Sound of Music - Dyw Dolig byth run peth heb hynny

[tafod_bach]

1. Ydych chi wedi gorffen gwaith/coleg/ysgol eto?
do. roedd y lock in yn iard yr adeiladwyr yn sbri to the max, namyn y ffartio di-derfyn

2. Fyddwch chi'n mynd 'gartre' ar gyfer 'Dolig?
dyma fi, yn y lownj. ooo mae'n neis bod ar we go iawn.

3. Ydych chi'n debygol o fwynhau?
dim ond os yw'r niwl yn diflannu. fi'n clywed ei fod yn llawn morladron

4. Fyddwch chi'n helpu gyda'r cinio, glanhau etc ar ddiwrnod Dolig neu fyddwch chi'n slob?
fi'n mynd i gwcio lot o lysiau, tra'n yfed.

5. Beth yw'r un peth fyddai'n gwneud eich Dolig chi'n ddelfrydol?
rhyw fath o oxygen tent efo dwr cynnes (falle jacusi-style) a goleuadau llachar nadoligaidd ynddo fe, allwn i eistedd ynddo i feddwl am enedigaeth ein prynwr, a sortio mas fy dastardly plans am flwyddyn nesa. neu lot o bresantau, falle cot ffwr, a back catalogue rob schneider ar vhs. take your pick.

[Mwddrwg]

1. Ydych chi wedi gorffen gwaith/coleg/ysgol eto?
na

2. Fyddwch chi'n mynd 'gartre' ar gyfer 'Dolig?
byddaf

3. Ydych chi'n debygol o fwynhau?
amwni

4. Fyddwch chi'n helpu gyda'r cinio, glanhau etc ar ddiwrnod Dolig neu fyddwch chi'n slob?
'na i helpu efo'r cinio, wedyn bod yn slob diog wedi gor-fwyta am weddill y dydd

5. Beth yw'r un peth fyddai'n gwneud eich Dolig chi'n ddelfrydol?
cael bod yn 6 oed eto.

[Lowri Fflur]

1. Ydych chi wedi gorffen gwaith/coleg/ysgol eto?
Di gorffan gwaith dydd Gwener. Iei 10 diwrnod i ffwrdd.

2. Fyddwch chi'n mynd 'gartre' ar gyfer 'Dolig? Dod adref ddoe dod adref ar fferi o Iwerddon. Dad yn cwrdd a fi. Neis bod yn ol yng Nghymru.

3. Ydych chi'n debygol o fwynhau? Mwynhau ar y funud. Di bwyta gormod. Fel hyn dwi'n dychmygu ame bod yn ofnadwy ofnadwy o dew yn teimlo.

4. Fyddwch chi'n helpu gyda'r cinio, glanhau etc ar ddiwrnod Dolig neu fyddwch chi'n slob?
Di bod yn dipynm o slob a dweud y gwir. Nes i symud pewil o bapurau newydd oddi ar y bwrdd bwyd gyna i neud lle i'r bwyd. Fel ddeudodd Dewi sant gnweuwch y pethau bychain.
5. Beth yw'r un peth fyddai'n gwneud eich Dolig chi'n ddelfrydol?
Sesh bach neis heno