1. Beth yw eich hoff ffilm o dramor?
Cinema Paradisio, ma fe'n gwneud i fe lefen bob tro dwi'n i weld e. A dwi'n foi mawr barfog.
2. Pe bai chi’n gallu siarad unrhyw iaith (heblaw’r rheini ‘ych chi’n siarad yn barod) p’un fyddech chi’n dewis siarad?
Ffrangeg ma'n siwr. Mi fyse'n nesi gallu gwylio ffilmiau Ffrangeg heb yr is-deitle.
3. Pe bai chi’n cael mynd ar wyliau fory, i ble fyddech chi’n mynd?
Dwi di bod eisiau mynd am drip o amgylch Scandinafia ers amser ond ma gen i ffrindiau yn yr UDA, Canada a Hong Kong dwi'm di gweld ers dyddiau coleg felly tase gen i'r cyfle ma'n siwr taw at un o'r rheini elen i.
4. Pe bai chi’n gorfod galw gwlad arall yn ‘adref’, p’un fyddech chi’n dewis?
UDA ma'n siwr, dwi'n meddwl byse symud yna'n reit rwydd gan fod ein bywydau bob dydd wedi ei dylanwadu gymaint gan eu diwylliant nhw. Ond caren i fyw yn unrhywle yn y byd er mwyn profi diwylliane erill.
5. Pa bryd o fwyd o dramor sydd orau gennych chi?
Dylanwad bwyd Ffrengig sydd arna i fwya ond ma hi'n anodd pigo un pryd o fwyd tramor - fe goginies i shrimp mewn cyri gyda garlleg gwyrdd o'r ardd(y garlleg hynny yw nid y shrimp) wsnos diwetha, un o'r pethe mwya syml ond blasus dwi di gael ers amser. Dwi'n ffan mawr o gig oen 'di coginio mewn dull Eidalaidd hefyd (rysait o
Silver Spoon, y beibl i fwydydd Eidalaidd).