maes-e.com

Weles i'r diwedd neithiwr. Odd ur un plots dal yn cael eu lusgo mas. Mae'n uffernol o wael.

Y darn gwaetha oedd y dyn 'caled' yn gweithio allan fod cop yn y siop, achos doedd dim Smokey Robinson yn y Motown section. "no Smokey in the Motown Section? What the hell's going on?" - wedyn ath en nyts a lladd rhywun.

Nanw a ddywedodd:achos ma'r ditectif odd yn mynd mas 'da'r boi sy' bia'r siop cds wedi marw - neithwr. Wy'n meddwl bod e'n actor da fyd, biti bod e wedi popo'i clogs.

Dim bachan Con Passionate?

Ti'n iawn, ma'n acto'r da. Fi'n siwr bo Dad yn cytuno 'fyd. Y busnes twtch a'i gily' dyw mo Dad lico.

I felt that there was far too much English in it last night; I genuinely did. It made me rather uncomfortable, as if what they'd really, honestly, wanted to produce was an urban, fast-paced BBC2 drama.

O, wps, sori. O'n i jyst yn meddwl bod hwnna'n ddarlun fwy gonest o fel mae bywyd really fel yng Nghymru heddi.


(As if bod clywed Swci Boscawen yng nghefndir bwyty posh yn fwy realistig na proffesor yn cyflwyno ysgoloriaeth i'w fyfyriwr yn Gymraeg. Hymff. Fume)

Nanw a ddywedodd:
Dwi wedi bod yn amyneddgar, ac wedi joio lot o'r gyfres ond ro'dd neithiwr yn ffars llwyr.

Ma angen i bethe fod yn symud erbyn nawr ac mae'r plot yn aros yn ei hunfan braidd.

Ti o ddifri? Mewn 5 (4?) pennod, 'da ni 'di cael 1 llofruddiaeth, 1 boi yn cael ei saethu, 1 suicide attempt 4 ffeit, mae 2 bethynas wedi cychwyn a gorffen. A mae pawb yn deud "Dwi'n dy garu di" o fewn 5 munud o gyfarfod ei gilydd. Symyd dipyn bach yn llai sydd ei angen, dwi'n meddwl.

Gweud y gwir wy'n meddwl bod y bachan uwchlaw wedi taro'r hoelen ...

Ma'r rhaglen yn chydig o 'wannabe' rhaglen BBC 2 fel This Life neu rwbeth ond beth sganddo fe ddim yw'r edge .... y peth sy'n cadw chi i ddyfalu.

Dyw'r ffaith bod pobl yn marw, mynd mas da pobl a gweud 'caru ti' ddim yn symud pethe mlan os nagyw'r awduron a'r golygyddion yn cymryd cyfrifoldeb am y raglen ac yn mynd a'r gwylwyr ar drip. Fi'n teimlo bo fi angen bod ar drip weithie pan fi'n gwylio.

Wy'n meddwl bod e'n dod nol i broblem oesol gyda pethe yn y Gymraeg - ma 'na ddiffyg gwirioneddol o 'olygu creadigol', boed hynny gyda nofelau neu rhaglenni teledu. Mae'n rhywbeth yn ni'n wan iawn arno fe. Nid golygu rhywbeth yn ieithyddol ac ati yw'r unig olygu sydd angen ei wneud. Pam na all pethau fod yn fwy tynn? Dyw hi ddim yn wendid os oes golygyddion creadigol ar gael sy'n gallu cwestiynu 'integriti' neu hygrededd stori. Mae hynny'n gryfder. Sdim esgus gweud y gwir. Mae ieithoedd lleiafrifol eraill yn gallu darparu'r safon yna, ac arwain y ffordd mewn ambell achos.

Nanw a ddywedodd:Ar hyn o bryd, mae fel watcho neighbours yng Nghymru weithie.

Hei! Sna'm byd yn bod efo Neighbours!