Ffilm Owain Glyndwr

gan **Hogyn o Rachub** » Maw 19 Tach 2002 10:53 am

Roedd yno son mawr am hyn? Oes gan rywun rhyw wybodaeth newydd amdani?

gan **Rhodri Nwdls** » Maw 26 Tach 2002 2:20 pm

Glywis i ei bod hi dal ar y gweill...ond...galwch fi'n besimist, dwi'n siwr y caiff ein hanes ei racsio er pleser cynulleidfa anwybodus Americanaidd. Er fasa'n braf cael pres y diawliad wedi ei wario yng Nghymru a siawns i'r hogia gael gwisgo fyny fel milwyr! Oedd gweld chafis Dolgellau yn cerdded o gwmpas dre ar nos Sadwrn efo'u kit a'u creithiau ffug o shoot First Knight yn hynod ddoniol.

gan **Hogyn o Rachub** » Mer 27 Tach 2002 9:47 am

Os y bydd hi'n rhoi'r sbardun cenedlaetholgar i Gymru a wnaeth Braveheart i'r Alban bydd rhyw ffilm o werth!

gan **ceribethlem** » Mer 27 Tach 2002 8:41 pm

Y gwahaniaeth rhwng Braveheart ac Owain Glyndwr (yn ol y ffilmiau) byddai safon yr actio.
Yn Braveheart roedd actor da ac enwog sydd digwydd bod yn casau Saeson yn brif cymeriad.
Yn Owain Glyndwr roedd son cael Ray Gravell. Nawr mae Ray Gravell yn arwr ac yn genedlaetholwr o fri. Wedi'r cyfan dyma'r canolwr a chwaraeodd i Lanelli yn y tim buddugol yn erbyn Crysau Duon enwog Seland Newydd, er fod angerdd yn cyfri am lawer yn gemau rygbi'r saithdegau, mae safon actio Ray yn hunllefud braidd, fel a gwelir yn Up and Under!

I wneud Owain Glyndwr yn lwyddiant byd-eang yn yr un modd a Braveheart rhaid cael actor o fri, ac actor corfforol. Tom Cruise, paid ffwdanu, ti'n colli ar y ddau gyfrif!

gan **nicdafis** » Iau 28 Tach 2002 12:28 am

Hoffwn i weld ffilm am Glyndwr sy'n ddigon dewr i ddefnyddio bob iaith oedd yn cael ei defnyddio ym Mhrydain ar y pryd (a rhai o'r rhain o'r cyfandir). Fyddai Glyndwr eu hunan yn siarad o leia 4 iaith, fel <i>statesman</i> da y cyfnod. Byddai'n braf weld ffilm sy'n ddigon dewr i beidio mynd lawr y llwybr treuliedig Braveheartaidd, ond dw i ddim yn rhagweld hynny yn digwydd oni bai bod Martin Scorcese yn darganfod brwd anghofiedig o waed Cymreig yn ei goeden achau.

gan **Madrwyddygryf** » Llun 02 Rhag 2002 8:54 pm

Dwi wedi clywed yr hen stori o gwmpas. Wedi dod yn rhyw fath o urban myth gymraeg. Yn bersonol, fuasai yn erbyn unrhyw fath o ffilm o Owain Glyndwr. Does dim angen ar fath beth !

Y peth olaf dwi eisiau gweld yw 1000 o flynyddoedd yn Hanes a diwylliant Cymru wedi'w feriw lawr i ffilm 2 awr. Gyda rwtsh gwrth-saesnig.

Dwi rioed wedi dallt pam mae rhai bobl eisiau gweld Cymru yn copio yr Iwerddon gyda'u riverdance neu Alban gyda Braveheart. Mae nhw wedi gwerthu eu diwylliant lawr yr afon er mwyn arian.
Fel dywedodd dwi'n cofio yn Rough Guide to Wales while "scotland and Ireland have turned their ancient cultures and myths into a celtic pastiche for the tourist money, Wales remains brutal and honest". Cytuno yn llwyr.

gan **huwwaters** » Llun 02 Rhag 2002 10:30 pm

Ie, rhaid i ni cadw ein 'self-dignity'. Rhywbeth americanaidd yw lladd rhywbeth er mwyn gwneud mwy o bres.

Yr unig beth rydw i eisiau gweld Cymru wedi ei adnabod fel, yw wlad wahanol, dim sir o fewn Lloegr mewn llawer o lygaid bobl. Mae pethen dechrau efo cig eidion Cymru yn cael ei hadnabod fel rhywbeth unigol a dim 'British Beef'.

Huw

gan **ceribethlem** » Maw 03 Rhag 2002 8:43 pm

Cytuno'n llwyr gyda ti Huw, mae'n hanfodol bwysig fod pobl yn adnabod Cymru fel gwlad gwahanol.
Y pwynt am gwneud ffilm am Owain Glyndwr yw fod y stori mor wych fe allai rhoi adnabyddusrwydd (os yw hynny'n air!) byd eang i Gymru.
Ond wedi dweud hynny rwy'n cytuno ni ddylid gwneud y ffilm yn yr un modd a Braveheart. Rwy'n credu ei bod hi'n bwysig i ddefnyddio'r gwir wrth wneud ffilm o'r fath yn hytrach na defnyddio cymeriad ac ysgrifennu stori ffug iddo.
Byddai ffilm am fywyd Owain Glyndwr yn fy mhlesio i'n fawr. Byddai ffilm Hollywoodaidd gyda prif gymeriad o'r enw Owain Glyndwr yn drychineb.

gan **Di-Angen** » Mer 04 Rhag 2002 12:53 pm

nicdafis a ddywedodd:Hoffwn i weld ffilm am Glyndwr sy'n ddigon dewr i ddefnyddio bob iaith oedd yn cael ei defnyddio ym Mhrydain ar y pryd (a rhai o'r rhain o'r cyfandir). Fyddai Glyndwr eu hunan yn siarad o leia 4 iaith, fel <i>statesman</i> da y cyfnod. Byddai'n braf weld ffilm sy'n ddigon dewr i beidio mynd lawr y llwybr treuliedig Braveheartaidd, ond dw i ddim yn rhagweld hynny yn digwydd oni bai bod Martin Scorcese yn darganfod brwd anghofiedig o waed Cymreig yn ei goeden achau.

Os ti am weld y fath yma o realism mewn ffilm, mae Timeline (http://filmforce.ign.com/timeline/) yn edrych yn eithaf promising.

gan **Di-Angen** » Mer 04 Rhag 2002 1:03 pm

ceribethlem a ddywedodd:Cytuno'n llwyr gyda ti Huw, mae'n hanfodol bwysig fod pobl yn adnabod Cymru fel gwlad gwahanol.
Y pwynt am gwneud ffilm am Owain Glyndwr yw fod y stori mor wych fe allai rhoi adnabyddusrwydd (os yw hynny'n air!) byd eang i Gymru.
Ond wedi dweud hynny rwy'n cytuno ni ddylid gwneud y ffilm yn yr un modd a Braveheart. Rwy'n credu ei bod hi'n bwysig i ddefnyddio'r gwir wrth wneud ffilm o'r fath yn hytrach na defnyddio cymeriad ac ysgrifennu stori ffug iddo.
Byddai ffilm am fywyd Owain Glyndwr yn fy mhlesio i'n fawr. Byddai ffilm Hollywoodaidd gyda prif gymeriad o'r enw Owain Glyndwr yn drychineb.

Mae'n dibynnu beth mae Cymru fel gwlad am weld, rwy'n credu. Byddai ffilm accurate, bloodied a real yn eithaf cool mae'n siwr, ond os ydyn am godi proffeil Cymru ar draws y byd, yna rhyw fath o high-budget "blockbuster" yn unig sy'n dueddol o gyrraedd ddigon o bobl. A ydy stori Owain Glyndwr mor wych a hynny fel bod mililynau am ei weld? Packaged as a Hollywood blockbuster, falle.

Felly mae dewis rhwng:

a) Gwneud ffilm hollol accurate, Gymreig/Prydeinig wnaeth ddim cyrraedd gymaint o bobl.
b) Cael rhywun fel Universal neu Paramount i ariannu big budget blockbuster, gyda ychydig o major actors (Vin Diesel fel Owain Glyndwr!), fydd falle ddim yn hollol accurate, ond yn debyg o gael ei weld gan miliynau fwy o bobl, ac yn cynyddu ymwybyddiaeth o Gymru ar draws y byd.

Os mae jyst cynyddu proffeil Cymru sydd angen, fi ddim gweld problem gyda B.

Ond plis, dim Ray Gravell....

Ffilm Owain Glyndwr

Ffilm Owain Glyndwr

Pwy sydd ar-lein