Pwy/Beth yw eich hoff Gymeriad Arswyd?

[Chickenfoot]

Dw i'n eithaf hoff o'r ddrama cylt Ghostwatch, cafodd ei darlledu ar Noson Calan Gaeaf 1992. Y dihiryn yn stori'r Cymro Stephen Volk yw ysbryd o'r enw "Mr Pipes", sydd yn gwneud bywydau teulu o Lundain yn uffer. Un o'r nodweddion sydd yn gwneud Mr Pipes mor diddorol fel cymeriad yw nad ydi o'n ymddangos yn aml iawn, ac felly mae'r dychymyg yn gwneud rhan o swydd y tim cynhyrchu iddyn nhw. Hefyd, mae cefndir Pipes yn ei wneud yn fwy "real", ac yn fwy creepy o ganlyniad.

Dw i'n eitha siwr nad oeddwn i'n gallu cysgu'r nos Sadwrn cafodd Ghostwatch ei darlledu. yn wir, oherwydd ffolineb y cyhoedd Prydeinig, dydi'r sioe wych yma byth wedi cael ei ail-darlledu. I ddweud y gwir, ar ol gwylio'r fideos isod eto, dw i am gau'r cyrtans ychydig bach

[ceribethlem]

Y nyrs yn One Flew Over the Cuckoos Nest, neu cymeriad Kathy Bates yn Misery

[Cardi Bach]

Wedi bod yn darllen am Baron Samedi yn ddiweddar...er ddim yn gymeriad arswyd, fel mater o ffaith, mae'r dehongliad ohono yn gallu bod yn eithaf arswydus.

[sian]

Mae'r ffilm arswyd "go iawn" gynta - beth bynnag mae hynny'n feddwl - ar daith trwy Gymru yn dechrau yr wythnos nesa.
The Cabinet of Dr Caligari - cafodd ei gwneud yn 1919 ac mae'r daith yn cynnwys cerddoriaeth fyw gan y London Mozart Players.

Manylion yma

Ffansi mynd i'w gweld hi - siwr fydda i'n ffaelu cysgu am fis

[Gowpi]

Ghostwatch?!!! Wy'n cofio edrych ar hwn fel teulu, a gethon ni gyd i sugno mewn iddo fe, er, ro'n ni gyd braidd yn sceptial o'r holl beth, ond ddim yn gwbod shwt odd bod mewn gwirionedd, achos do'n i ddim yn gallu credu y bydde criw stiwdio mawr a Michael Parkinson yn gwenud drama fawr! Nes i acshiwali ffonio i fewn, ac odd e wastad yn 'engaged'! Odd e'n ddoniol pan 'ffoniodd' bachan i fewn o Gastell Nedd a gweud bod plat wedi hedfan bant o gadair ei fraich! Rhywbeth newydd hollol wahanol ar nos Galan yn lle ffilm 'Halloween' eto fyth. Dydyn nhw ddim wedi ail adordd achos nagodd rhyw foi wedi lladd ei hunan fel canlyniad i edrych ar y rhaglen?

[Kez]

Grandma Walton - mas o 'Anne of Green Gables' ne rywbeth tebyg odd arfer bod mlan ar brynhawn Sul. Odd hi'n eitha creepy.

[Chickenfoot]

Wps

[Kez]

O ran Terminadur, efalla mod i'n meddwl gormod am y peth a fasa'n well i mi jest mwynhau'r film am be ydyn nhw ynde, gan nad yw teithio nol neu mlaen mewn amser wir yn hypothesis "workable". Dw i off i gymryd chill pill.

Ay Chickenfoot - ti wedi posto hwn yn y lle rong! Fan hyn ti fod:

http://www.maes-e.com/viewtopic.php?f=8&t=27326&p=377660#p377660

Ti ddechreuws yr edefyn 'ma off a'r llall 'ed. Wt i'n feddw , ma'r edefyn ma i fod biti pobol creepy.

[Duw]

Ghostwatch - cofio gweld hwn a gorfod ei droi bant wrth i'r credits ddod lan achos o'n i'n meddwl bo Mr Pipes yn mynd i ddod trwy'r teledu. Wel, o'n i ar 'shrooms ar y pryd!

Yr un dwi'n casau yw'r ferch yn The Ring, y ffordd criipi mae'n neidio o un lle i'r llall a llithro allan o'r teledu.

Rhaid bo thing 'da fi am bethe'n dod mas o'r bocs.

[Kez]

Ma Patrick Bateman (Christian Bale) ne'r American Psycho yn dipyn o foi!

http://www.youtube.com/watch?v=3A4Sju5NAdo&feature=related