O flaen dy Lygaid - Dave Datblygu

[Hedd Gwynfor]

Wnes i wylio hwn neithiwr, a roeddwn i'n meddwl ei fod yn effeithiol iawn, ac yn dangos pa mor ddifrifol yw salwch meddwl a fel mae'n gallu gwanychu dyn. Dwi wedi darllen sylwadau ar Facebook gan eraill sy'n gandryll am y rhaglen, ac yn meddwl bod y cynhyrchwyr/cyflwynydd wedi ecsbloitio Dave Datblygu'n llwyr. O'r hyn dwi'n deall, mae Dave, Ree a Ali (cyflwynydd y rhaglen) yn ffrindiau da, a Dave ei hunan oedd am wneud y rhaglen, felly dwi ddim yn siwr beth i feddwl erbyn hyn...

Beth yw'r cysylltiad rhwng iechyd meddwl a chreadigrwydd? Dau artist, y cerddor David Edwards o'r grwp Datblygu, a'r actores Ree Davies, sy'n siarad yn onest a chignoeth am eu profiad...
S4/Clic: http://www.s4c.co.uk/clic/c_level2.shtm ... =345306354

Trafodwch

[Dias]

Odd hon yn raglen dda iawn.

[Wilfred]

Odd hi'n raglen trist ofnadwy.

[Nei]

cytuno ei bod hi'n rhaglen drist ofnadwy, yn enwedig yn achos Dave. Serch 'ny, wy'n cwestiynnu a oedd angen dangos Dave yn prynnu potel o wisgi, hynny yw, ai gofyn i Dave fynd mewn i brynnu potel er mwyn y rhaglen a wnaethpwyd ac os felly ydy gofyn i rhywun sy'n amlwg a phroblem alcohol wneud hynny yn syniad call a moesol hyd yn oed? Roedd y defnydd o ganeuon Datblygu yn glyfar serch hynny. Sai'n nabod Dave na Ree felly sdim lle da fi weud mwy, ond dyna beth gododd yn fy meddwl i o weld y rhaglen.

[osian]

Welish i ddim ond y chwartar olaf (wedi ei recordio hi), ac oedd hi'n edrych yn rhaglan dda iawn, ac uffernol o drist.
Oedd Ali Yassin ar C2 neithiwr yn son am y rhaglan:
http://www.bbc.co.uk/iplayer/cy/episode ... 9_06_2009/

[Lals]

Rhaglen dorcalonnus - ro'n i'n gwybod bod Dave yn sal ond roedd e'n shocking i weld pa mor wael oedd e mewn gwirionedd. Dw i'n ffan mawr a'r peth tristaf oll oedd ei weld yn trio canu 'Y Teimlad' ac yn methu cofio'r chords - torcalonnus.

Dw i ddim yn gwybod beth i feddwl ynglyn a dylai'r rhaglen fod wedi cael ei ddarlledu. Yn ol pob golwg roedd e'n awyddus i bobl wybod bod e 'dal yn fyw'.

[ffawydden]

Ro'n i'n meddwl ei bod hi'n rhaglen ddiddorol a dewr iawn. Roedd hi'n fwy effeithiol gan mai ffrindiau a theulu'r ddau oedd yn cael eu cyfweld i drafod y pwnc, yn hytrach na rhyw arbenigwyr amhersonol. Defnydd gwych o gerddoriaeth a chlips o hen fideos a chyfweliadau a ballu hefyd.
O ran y cwestiwn o exploitio, dwi chwaith ddim yn gwbod be ydi 'marn i ar hyn. Anodd iawn barnu heb nabod Dave ei hun.

[Tracsiwt Gwyrdd]

pam bod y rhaglen ddim ar s4clic na bbciplayer...?!

[Hedd Gwynfor]

pam bod y rhaglen ddim ar s4clic na bbciplayer...?!

Roedd y rhaglen yma dydd Mercher - http://www.s4c.co.uk/clic/c_level2.shtm ... =345306354 - Ddim yn siwr ble mae wedi mynd erbyn hyn!

[Hedd Gwynfor]

Mae'r rhaglen yn cael ei ail ddangos ar S4C mewn 20 munud.