Iona Jones wedi gadael S4C!!

[ceribethlem]

Pur anaml y bydda i yn gwylio S4C y dyddiau yma. Llai o blydi selebs di-dalent a Barbie Dolls os gwelwch yn dda- darllen llyfr difyr yn opsiwn llawer gwell.
Opsiwn arall ydi gwylio fideo difyr Cymraeg ar youtube (nid bod pob fideo yn wych, rhaid cyfaddef).Dwi wedi gwylio sawl fideo Cymraeg ar iwtiwb sydd wedi costio nesa peth i ddim
Nid S4C yw dechrau a diwedd popeth ynglyn a gwylio a gwrando ar bethau Cymraeg ar sgrin!

Fi'n cytuno gyda lot fawr o dy sentiment, ond, mae rol hynod o bwysig iawn gyda S4C i chwarae yn nyfodol yr iaith.

[zorro]

Cytuno'n llwyr. Mae S4C yn hynod o bwysig i ddatblygiad yr iaith. Angenreidiol felly ei fod yn cael ei reoli yn effeithiol, gyda goruwchwyliaeth gofalus gan Awdurdod cydwybodol : rhywbeth wnaeth ddim digwydd o dan y Politburo diwethaf.

Sori, ond sut yn y byd mae John Walter Jones wedi cadw ei swydd ? Dyna fe nawr yn ymddwyn fel rhyw Messiah bach, yn rhoi'r argraff fod e wedi camu mewn ag achub y sianel, lle mewn gwirionedd, ef a'i awdurdod oedd i fod plismona Iona yn y lle cyntaf!!

Mae pawb yn sôn am y £160,000 'roedd Iona Jones yn ennill, cofiwch fod John Walter Jones hefyd yn ennill dros £50,000 AM 3 DIWRNOD O WAITH YR WYTHNOS !!

Ers bosib gall y dyn ddim goroesi llawer hirach.

[Wylit, wylit Lywelyn]

Fi'n cytuno gyda lot fawr o dy sentiment, ond, mae rol hynod o bwysig iawn gyda S4C i chwarae yn nyfodol yr iaith.

Wrth gwrs...afraid dweud...synnwyr cyffredin yw hyn (tydw i erioed wedi mynegi barn sy'n hollol groes i hyn). [i]For the record[i] math o beth..
Nid Radio Cymru yw dechrau a diwedd y weiarles Cymraeg. Nid S4C yw dechrau a diwedd pethau ar sgrin yn Gymraeg. Nid e.e. Barddas yw dechrau a diwedd barddoniaeth gyfoes Gymraeg. Mond dweud...gellir canfod diwylliant Cymraeg mewn llefydd "tu allan i'r bocs" ar adegau. Mae'n bwysig pwysleisio hyn ambell waith.

Pwynt arall:
Ydio'n iawn fod unrhyw un sy'n cael cyflog yn uniongyrchol neu'n anuniongyrchol gan S4C yn cael mwy na e.e. nyrs? Nadi siwr Dduw ydi'r unig ateb call a theg. Mae pawb sydd jesd ddim yn deall hyn yn ffacin ffwl!
Bydd rhai yn fy nghyhuddo o fod yn ffwl naif sydd ddim yn deall y byd go iawn... Wel, CHI ydi'r ffyliaid, nid myfi.
Tydi'r ffaith fod yna lot o gathod llawer tewach ar sianeli di-Gymraeg ar draws y byd ddim yn cyfiawnhau gor-fwydo gormod o gathod tew ar y sianel Gymraeg.
Mond dweud...

[afk]

Erthygl diddorol ar wefan y Guardian ar S4C
http://www.guardian.co.uk/media/organgrinder/2010/aug/16/wales-s4c-debate

Rhai sylwadau am yr erthygl
http://www.guardian.co.uk/media/organgrinder/2010/aug/16/wales-s4c-debate?showallcomments=true#CommentKey:8639c983-20c0-412e-86c2-243d9d372a40
http://www.guardian.co.uk/media/organgrinder/2010/aug/16/wales-s4c-debate?showallcomments=true#CommentKey:c3b56cf5-6200-42a9-8a7d-d5206017ce8c

[Hedd Gwynfor]

Arwydda'r ddeiseb - Na i doriadau S4C: http://deiseb.cymdeithas.org/

[Hedd Gwynfor]

http://deiseb.cymdeithas.org/

[Llygad Llo Mawr]

Mae Prif Weithredwr S4C wedi gadael, cyhoeddwyd nos Fercher.

Yn dilyn cyfarfod o Awdurdod S4C, mae Iona Jones, Prif Weithredwr y Sianel wedi gadael S4C.

Mewn datganiad, dywedodd S4C: "Dymuna Aelodau Awdurdod S4C ddiolch i Iona Jones am ei gwasanaeth i'r Sianel.

"Ni fydd unrhyw sylw pellach", medd y datganiad.

Beth yw'r stori?

Mi fydd hi'n amser troi'r clocia'n ol yn o fuan - sut uffar ma dwad o hyd i do bach ar y blydi peth 'ma 'dwch? - a d'oes na ddim siw na miw oddi wrth unrhyw un yn y wasg ynglyn a'r stori uchod. Mae'r peth yn warthus. Anfonwch e-bost ar fyrder at Despatches yn Channel 4 - waeth i chi heb a gwastraffu'ch amser efo'r Byd ar Bedwar - i weld os oes unrhyw un o'r tu allan i Gymru fach a diddordeb mewn corddi'r dyfroedd, neu mi geith y tacla di-egwyddor 'ma yn S4C get-awe efo hi unwaith yn rhagor. "Ni fydd unrhyw sylw pellach" wir! Tydi hwn yn gorff cyhoeddus, siwr goblyn, ac felly mi ddylsa bod y cadeirydd (honedig), John Walter Jones, yn atebol i'r cyhoedd.

Be ddiawl sy'n bod arnom ni fel cenedl, dudwch, ein bod ni wedi mynd mor llywaeth?

[zorro]

Mi fydd hi'n amser troi'r clocia'n ol yn o fuan - sut uffar ma dwad o hyd i do bach ar y blydi peth 'ma 'dwch? - a d'oes na ddim siw na miw oddi wrth unrhyw un yn y wasg ynglyn a'r stori uchod. Mae'r peth yn warthus. Anfonwch e-bost ar fyrder at Despatches yn Channel 4 - waeth i chi heb a gwastraffu'ch amser efo'r Byd ar Bedwar - i weld os oes unrhyw un o'r tu allan i Gymru fach a diddordeb mewn corddi'r dyfroedd, neu mi geith y tacla di-egwyddor 'ma yn S4C get-awe efo hi unwaith yn rhagor. "Ni fydd unrhyw sylw pellach" wir! Tydi hwn yn gorff cyhoeddus, siwr goblyn, ac felly mi ddylsa bod y cadeirydd (honedig), John Walter Jones, yn atebol i'r cyhoedd.

Be ddiawl sy'n bod arnom ni fel cenedl, dudwch, ein bod ni wedi mynd mor llywaeth?

Clywch clywch.. o'r diwedd rhywun ar y forwm ceiniog a dimau 'ma sydd yn siarad rhywfaint o sens !!

Mae'r sefyllfa yn sgandal, yn warthus a siwr o fod yn ymylu ar fod yn anghyfreithlon. Dychmygwch sgandal tebyg yn digwydd yn y BBC yn Llundain...a fydde'r wasg mor dawedog yna ddwedwch ? Mae'n arwyddocaol os edrychwch ar y seat yma'n unig fod pob datblygiad yn y stori gwarthus yma wedi'i adrodd i ni'r Cymry drwy dudalennau'r Guardian.

[Hedd Gwynfor]

Mae'n dechrau dod i'r amlwg heddiw mai'r rheswm i Iona Jones fynd, oedd gan iddi hi gytuno i doriadau o 2m gan y DCMS eleni, er ei bod hi'n gwybod bod gwneud hyn yn anghyfreithlon, ac er bod John Walter Jones wedi cysylltu gyda'r DCMS i ddatgan yn glir y byddai hyn yn anghyfreithlon, a na fyddai ef yn cytuno i'r toriadau...

http://www.golwg360.com/Hafan/cat46/Erthygl_16008.aspx
http://www.bbc.co.uk/news/uk-wales-11378124
http://news.bbc.co.uk/welsh/hi/newsid_9 ... 016858.stm

Mae'r cawl yn twchu!

[Josgin]

A yw hyn yn golygu mai John Walter Jones yw'r gwladgarwr , ac mai Iona Jones oedd y fradwraig ?