Beth yw dyfodol Radio Cymru ?

[zorro]

Peryg fod S4C wedi dwyn sylw pawb dros yr Hâf, a chyddio problemau enbyd Radio Cymru. Yn ôl y sôn, 'roedd ffigurau gwrando'r orsaf ( gafodd eu cyhoeddi i staff uchel yr orsaf) yn drychunebus yn ystod dechrau'r flwyddyn. Wrth gwrs mae'n amhosib barnu,dadansoddi na beirniadu gan fod neb yn cael gwybod na gweld rhain ( ar wahan i staff uchel yr orsaf)

Beth sydd gyda chi i guddio Radio Cymru ? Ydych chi'n llwyddo i ennill a chadw cynulleidfa ? Ydy cyfartaledd oedran eich gwrandawyr yn codi neu gostwng ? Ydy'ch cyflwynwyr yn ennill tir o ran gwrandawyr? Ydych chi'n llwyddo i gynnig y gwasanaeth gorau phosib i'ch cynulleidfa ?

Cwestiynnau digon têg, yn arbennig gan gofio fod yr orsaf yn cael ei ariannu gan bawb sydd yn talu trwydded teledu. Chi'n atebol Radio Cymru. Amser stopio cuddio tu ôl rhyw len ffug a datgelu'r gwirionedd.

Oes unrhywun yn gwybod pa rhaglenni sydd yn boblogaidd ? Oes unrhywun yn gwybod pa gyflwynwyr sydd yn boblogaidd ? Dim barn personol plîs, ffigurau a ffeithiau sydd angen yma er mwyn ceisio torri trwy'r wal o ddistawrwydd 'does dim hawl ganddynt fwynhau.

[Nei]

Mae gyda radio Cymru rhan bwysig i'w chwarae yn ein diwylliant ni yng nghymru ac fel gwrandawr, ar y cyfan rwy'n teimlo fod yr orsaf yn llwyddo i wneud hynny. Mae wastad lle i wella ac mae gan bawb eu syniadau ar sut i wneud hynny.

Rwyt ti'n gofyn cwestiynnau diddorol(Zorro), ond eironig taw Zorro sy'n gofyn (y masg enwoca yn y byd o bosib) i'r orsaf roi'r gorau i guddio tu ol i len!!

[zorro]

Mae dy bwynt di'n hollol deg Nei ac 'rwy'n ei dderbyn yn llawn. Er rhaid gwneud y pwynt fod pob mudiad sydd yn derbyn arian cyhoeddus yn gorfod datgelu yn llawn sut mae'r arian yna wedi'i wario a profi llwyddiant yr hyn mae nhw'n gwneud. Ydy hi'n iawn fod Radio Cymru yn medru eithrio mor hawdd o'r drefn yma ?

[Nei]

rwy'n siwr os gofynni di'n garedig i'r BBC fod y cyfan ar gael i babw ei weld yn rhywle, arian cyhoeddus yw e wedi'r cyfan.

[zorro]

Wedi edrych, ag edrych. Gofyn a gofyn. Dim siw na miw. Tria ofyn am wybodaeth ar eu gwefan neu drwy ffonio'u pencadlys a gei di dy synnu ar eu hymateb. Tria fe ?

[zorro]

Cliciwch y linc i weld beth sy'n digwydd os chi'n gofyn yn neis i Radio Cymru ddatgelu unrhywbeth :

http://www.whatdotheyknow.com/request/f ... stening_fi

BETH SYDD YN GWNEUD I GYRFF CYHOEDDUS, SYDD YN DERBYN EICH ARIAN CHI A FI ER MWYN BODOLI, I YMDDWYN YN Y FFORDD DDIRGEL YMA. GOFYN AM DRAFFERTH !!

[Manon]

Mi ddarllenais i'r edefyn yma 'chydig wythnosau 'nol, a 'dwi 'di bod yn meddwl amdano fo lot ers hynny.
'Dwi'n meddwl bod Radio Cymru yn gwneud joban anhygoel o dda. Man nhw'n gorfod plesio trawsdoriad mor eang o bobol- O blant bach i'r henoed- a 'dwi'n meddwl eu bod nhw'n anhygoel o lwyddiannus yn gwneud hyn. Oce, falle bod pob rhaglen ddim at fy nant i, ond mae 'na lawer o raglenni difyr a deallus ar Radio Cymru, a 'dwi'n meddwl bod yr adran newyddion heb ei hail.

'Dwi ddim yn gweithio i Radio Cymru, gyda llaw...

[Josgin]

Dwi'n hoff iawn o radio Cymru hefyd -onibai am y caneuon Saesneg . Mae'r penwythnos yn dda iawn, gyda chyfuniad o chwaraeon, trafod , dogfen a cherddoriaeth.
Biti na fuasai Richard Rees (wrth gwrs) wedi cael gwared (wrth gwrs) o'i atal (wrth gwrs) dweud, ar ol 30 mlynedd . Mae chwith ar ol Dylan a Meinir o hyd , alla
i ddim dioddef Jonsi .

[Duw]

Pan ddaw Jownsee ymlaen, eiff y radio bant. Werth blydi wech shwt yw e. C2 yn gret - beth arall sydd i wrandawyr y dyfodol? O ie, rhywun i ddweud wrth Magi Dodd i stopo rhoi'r lleisie twp 'na 'mlaen - mae'n swno fel plentyn bach.

Problem arall sy gan RC - sy'n broblem ehangach yw datguddiad cerddoriaeth Cymraeg. Tu allan i ardaloedd arbennig, ychydig o gyfle sydd i brynu/gwrando ar gerddoriaeth Cymraeg. Yn f'ardal i (Llantrisant), nawr bo Borders wedi cau, mae'n rhaid i mi fentro i lawr i'r Eglwys Newydd i gael gafael ar CD. Ma bron dim gigs Cymraeg yn yr ardal chwaith. Wylle os odd Sain yn arwyddo lan i Spotify bydde'n help. Gyda chymaint o ysgolion Cymraeg yn agor mewn ardaloedd traddodiadol di-Gymraeg, mae'r darpariaeth [cerddoriaeth gyfoes] yn siomedig.

[sian]

Un peth diddorol iawn am Radio Cymru yw'r math o gerddoriaeth sy'n cael ei chwarae.
Yr un math o gerddoriaeth sy'n cael ei chwarae trwy'r amser - fe wnaeth Arfon Gwilym arolwg ar hyd un diwrnod cyfan ac roedd y canlyniadauyn ddadlennol.