Hanes yr Iaith yn cael ei ddarlledu drost y ffîn?

[Y Llywarch]

Hanes yr Iaith yn cael ei ddarlledu drost y ffîn?
Syniad da?

[nicdafis]

Ydy e'n cael ei darlledu yn lloegr, neu wyt ti'n jyst gofyn a fyddai fe'n syniad da? Fyddwn i ddim yn meddwl byddai unrhyw diddordeb, dweud y gwir.

[Hogyn o Rachub]

Dwi'n cytuno efo nic. Ond roedd yr "Story of Welsh" gyda Huw Edwards yn cael ei ddarlledu ar BBC4. Wn i'm os nath na lot o dros y ffin ei wylio (wn i'm os oes neb wedi clyewd am BBC4!) ond rwy'n amau hynny'n fawr.

[Geraint]

Colles i'r rhaglen, beth oedd o fel?

[nicdafis]

Oedd yn eitha da. Bach yn ysgafn, ond falle bod hynny yn peth da. Yr unig peth do'n ddim yn hoffi oedd y ffordd oedd Huw Edwards yn cyflwyno'r cefndir i'r Gododdin: llawer gormod o "most recent researchers agree" a "it's very likely that" ynglyn â lleoliad Din Edin a Chatraeth. A oes unrhyw amheuaeth taw yn Swydd Efrog oedd Catraeth? Oedd e fel doedd H.E. ddim am ddweud gormod jyst rhag ofn i'r di-Gymraeg troi fe bant - <i>preposterous, speaking Welsh in <b>England</b>, that can't possibly be true.</i>

[pwy?]

dwi'n byw yn llundain ( dow!) a methais gwylio'r rhaglen achos dwi heb disgyn am 'blackmail' y BBC eto a chael digydol.
dim ond ar BBC wales oedd o'n cael ei ddangos sydd rili yn dileu'r holl pwynt o gwneud y program yn saesneg ( heblaw am y cymru di gymraeg ella).
chydig yn siom bod y bbc heb ffydd bod gan gweddill y gwlad diddordeb yn eu hanes.

[Cardi Bach]

Wy'n cytuno, odd y rhaglen braidd yn ysgafn - ond wei gweud hynny, ro'n i'n ddigon ffodus i fod wedi astudio hanes yr iaith (yn elfennol) ar gyfer lefel A a TGAU yn ystod dyddiau ysgol - ond rodd y rhaglen yma wedi ei hanelu at bobl efallai nad oedd wedi cael yr un cyfleon a finne, a'i rhoi mewn arddull a iaith fyddai'n ddealladwy i bawb.

mae hynny wrth gwrs iw ganmol. Dim ond trwy ddeall cefndir a hanes rhywbeth y gallwn ni roi beirniadaeth llawn o rywbeth - ac ma gormod o bobl sydd wedi cyfrannu at y ddadl iaith dim ond yn gweld yr 'here and now' ac wrth gwrs i nifer sy'n edrych ar y byd felly dyw iaith wahanol ai dyfodol yn golygu ffec ol.

Ond wy ddim mor siwr os ydw i'n cytuno gyda ti Nic am gyflwyniad Huw. Yn un peth mae ei dad, Hywel Teifi Edwards yn arbennigwr ar yr iaith a'i hanes, a bydden i'n tybio ei fod e wedi taro golwg ar y script a chynnwys y gyfres cyn ei darlledu - ac os oes rhywun fyddai'n gallu gweld gwendid mewn trafodaeth am yr iaith yna Hywel teifi fyddai hwnnw. Y gwir yw nad oes yna bendantrwydd 100%mae am ochrau de'r Alban y mae'r Gododdin yn ymdrin - er ei fod yn dra debygol. Wedi dweud hynny, wy'n credu ei fod yn cael ei dderbyn yn gyffredinol ymhlith yr ysgolheigion taw dyna'r ardal...ond nid ysgolhaig ar y pwnc ydw i o bell ffordd - efallai y gall y rhai hynny ohonoch sydd a gradd yn y Gymraeg neu Astudiaethau Celtaidd daflu rhywfaint o oleunu ar hyn.

Hefyd mae ond yn naturiol y byddai'r rhaglen gyntaf yn 'ysgafn' gan fod cyn lleied o lenyddiaeth ar gael o'r 'oesoed tywyll' - wedi'r cwbwl dyna pam yr ydym ni'n cyfeirio at y cyfnod fel 'oesoedd tywyll' am nad oes llawer o dystiolaeth cadarnhaol ar gael i daflu golau ar yr amseroedd -gallwch chi fod yn sicr yr eith y rhaglen dipyn yn fwy manwl wrth i ni gyrraedd William Morgan ac y ddiweddarach y llyfrau gleision.

Yr unig gwyn penodol sydd da fi yw fod gormod o shots o'r mercedes yn teithio ar hyd y draffordd yn ddi-angen - gellir fod wedi meddwl am rywbeth ychydig yn fwy gwreiddiol i gyfleu taith.

[Mihangel Macintosh]

dim ond ar BBC wales oedd o'n cael ei ddangos sydd rili yn dileu'r holl pwynt o gwneud y program yn saesneg ( heblaw am y cymru di gymraeg ella).
chydig yn siom bod y bbc heb ffydd bod gan gweddill y gwlad diddordeb yn eu hanes.

Paid poeni Pwy?:

Darlledir y gyfres bob nos Fercher am 10.35pm o 8 Ionawr 2003 ymlaen ar BBC ONE Wales

Caiff ei hailddarlledu bob nos Iau am 9.25pm ar BBC 2W - y sianel ddigidol i Gymru

Hefyd, caiff ei darlledu drwy Brydain bob nos Fawrth am 7.00pm o 14 Ionawr ymlaen ar BBC FOUR.

http://news.bbc.co.uk/hi/english/newydd ... 636867.stm

[Rhodri Nwdls]

Cytuno a'r pwynt Mercedes! Be ddiawl? "Mae'n cynrychioli taith Huw ar drywydd hanes yr iaith...dros y paith am amser maith...!" Oedd Huw Eds yn gwisgo tipyn llai o 'foundation' na'r arfar hefyd!

Rhaid dweud y gwnes i fwynhau y rhaglen yn ofnadwy a gobeithio ei fod wedi cyrraedd at lawer o bobl yng Nghymru, piti na fasa wedi gallu cael slot bach yn gynharach deud gwir i gael cyrraedd at y gynulleidfa fwyaf posib. Mae gneud y rhaglen yn syml yn mynd i weihtio'n dda er mwyn tynnu pobl mewn i'r gyfres dwi'n credu a'u cael i wylio mlaen. O'n i isio gweld y rhaglen nesaf beth bynnag. Oedd hi'n ddiddorol iawn gweld tarddiad rhai o'n geiriau a chael gweld llyfr Aneirin a HE yn dod yn ei bants tra'n sbio arno!

[Hogyn o Rachub]

Dwi'n meddwl oedd hi'n well yn ysgafn, achos mi fuasai llawer yn troi i ffwrdd petai hi'n rhy drwm a diflas. Mwynheais i o, bethbynnag!